Նորություններ

Եկեղեցիների համաշխարհային խորհուրդը հայտարարություն է տարածել, որում ասված է.

«Նոյեմբերի 9-13-ը, Ադրբեջանի, Հայաստանի և Ռուսաստանի ղեկավարների միջև վեցշաբաթյա զինված թեժ բախումներին վերջ տալու մասին համաձայնագրի հայտարարությունից հետո, Եկեղեցիների համաշխարհային խորհրդի (ԵՀԽ) հանձնաժողովը հեռակապով կազմակերպել է հանդիպում՝ Արցախի և Հայաստանի ժողովուրդների այս առանցքային և շատ ցավալի իրավիճակի առնչությամբ: Կոչ ենք արել դադարեցնել այս հակամարտության պատճառով տեղի ունեցած արյունահեղությունն ու ավերումը:

Միանում ենք Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի աղոթքին՝ իմաստության, միասնության և հանգստության համար: Ցավում ենք մարդկային այն բոլոր սարսափելի կորուստների համար, որ տեղի են ունեցել ոչ միայն սեպտեմբերի 27-ից վերսկսված մարտերի հետևանքով, այլև տարածաշրջանում ինքնորոշման պայքարի ողջ պատմության ընթացքում` յուրաքանչյուր թանկագին կյանքի կորստի հետ ավելի խորը արմատավորելով թշնամանքը։

Մենք միասնական կանգնած ենք հայ համայնքների կողքին, որոնց սպառնում է իրենց ժողովրդի նկատմամբ ցեղասպանության վերսկսման վտանգը, մասնավորապես` հաշվի առնելով Թուրքիայի նախագահ Էրդողանի կողմից արված աղմկահարույց հայտարարությունները՝ «ավարտին հասցնել այդ առաքելությունը, որը դարեր շարունակ կատարել են մեր պապերը Կովկասի տարածաշրջանում», և հաշվի առնելով Թուրքիայի դերը ներկայիս հակամարտությունում՝ ԵՀԽ-ն դատապարտում է ցանկացած այդպիսի ուղղակի կամ անուղղակի սպառնալիք, և բոլոր նրանց գործողությունները, ովքեր սադրել են հակամարտությունը և սրել բռնությունը` միջազգային արգելված զենք մատակարարելով, Սիրիայից և այլուր վարձկաններ և ջիհադիստներ ուղարկելով և փորձելով այն վերածել կրոնական բախման: ԵՀԽ-ն դատապարտում է քիմիական զենքի և կասետային զինամթերքի օգտագործումը, քաղաքացիական անձանց, հիվանդանոցների և հասարակական ենթակառուցվածքների թիրախավորումը, ինչպես նաև բոլոր մյուս ռազմական հանցագործությունները, գլխատումները, խոշտանգումները և այլ վայրագություններ, որոնց ականատես ենք եղել վերջին շաբաթներին:

Մեր կոչն է՝ հարգել Լեռնային Ղարաբաղի / Արցախի սրբազան վայրերը և մշակութային ժառանգությունը (չնայած այն հանգամանքին, որ հոկտեմբերի 8-ին Շուշիի Սուրբ Ղազանչեցոց տաճարի կրկնակի հրթիռակոծումը և այլ նոր վայրագությունների վերաբերյալ ստացված բազմաթիվ հաղորդագրությունները այլ իրականության մասին են վկայում): Հորդորում ենք ՅՈՒՆԵՍԿՕ-ին ձեռնարկել բոլոր հնարավոր և համապատասխան միջոցները այդ սրբավայրերը պաշտպանելու համար:

Մեր հրատապ կոչն է միջազգային հանրության բոլոր անդամներին՝ միանալու սուրբ վայրերի պաշտպանությանն ուղղված ջանքերին, բոլոր փախստականների և տեղահանված անձանց անվտանգ և արժանապատիվ վերադարձին, հայ ժողովրդին ցեղասպանության սպառնալիքից պաշտպանությանը, արդարության և մարդու իրավունքների վրա հիմնված տևական խաղաղության հաստատմանը Լեռնային Ղարաբաղի / Արցախի և տարածաշրջանի բնակիչների համար, և զերծ մնալ թշնամանք, հակամարտություն և անարդարություն սադրելուց կամ խրախուսելուց:

Մենք բարձրաձայնում ենք և հետամուտ ենք տարածաշրջանում եկեղեցիների գործելուն և աղոթում ենք, որ եկեղեցու առաջնորդները զինվեն ուժով և իմաստությամբ` իրենց ժողովրդին այս ճգնաժամից դուրս բերելու համար»:

Աղբյուրը՝ 1lurer.am

Սեպտեմբերի 27-ին, կիրակի առավոտյան Ստեփանակերտի վրա անակնկալ հարձակումը վերածվեց լայնամասշտաբ պատերազմի` երկու կողմերում էլ թողնելով սպանված հազարավոր զինվորներ և քաղաքացիներ: Կատարվածը ողբերգություն է` մեծաքանակ մարդկային զոհերով և անորոշ ապագայով: Միջազգայնորեն միջնորդավորված երրորդ հումանիտար հրադադարն ուժի մեջ մտնելու պահից ի վեր խախտվեց: Մինչ մարդկային ողբերգությունը ծավալվում է քաղաքակիրթ աշխարհի աչքի առաջ, միջազգային հանրությունը մնում է անզոր՝ տարածաշրջանում ամենամահացու մարտական և հումանիտար աղետը կասեցնելու հարցում: Հայերի համար այս ճակատամարտը ոչ այլ ինչ է, քան գոյատևման ավելի լայն պայքար` ընդդեմ Թուրքիայի հովանավորած ադրբեջանական ագրեսիայի:

Հայերն ամբողջ աշխարհում և տեղական մակարդակում ցույց տվեցին մոբիլիզացիայի և դիմացկունության աննախադեպ մակարդակ: Մենք` ԵՀԽ հայաստանյան Կլոր սեղան հիմնադրամի աշխատակիցներս, աշխարհի տարբեր ծայրերից ստացանք անհանգստություն, համախմբվածություն, ինչպես նաև աջակցելու ցանկություն արտահայտող նամակներ, ինչի համար հայտնում ենք մեր խորին երախտագիտությունը: Շնորհիվ մեր էկումենիկ գործընկերների մենք առաջին իսկ օրվանից ի վիճակի ենք եղել գործել արտակարգ իրավիճակներում: Եկեղեցու հետ կապված համայնքային զարգացման կենտրոնների քահանաների և սոցաշխատողների հետ մենք իրականացրեցինք կարիքների շատ հիմնավոր գնահատում և սկսեցինք ԼՂՀ-ից ինքնաբուխ ժամանած ու ջերմ ընդունելության արժանացած անձանց զբաղեցրած բնակարաններում սննդով, հիգիենիկ պարագաներով փաթեթներ բաշխել: Քանի որ մենք այժմ մարդասիրական օգնություն բաշխելու նպատակով շրջաններ հաճախ ենք այցելում, բախվում ենք բազմաթիվ պատմությունների, որոնք անուշադրության չեն մատնվում:

Այս օրերին դժվար է գտնել որևէ գյուղ, քաղաք, այլ բնակավայր, որտեղ պարզված չլինեն սև ժապավեններ: Հայաստանում և Արցախում բոլորը գիտեն՝ այս տեսակի ժապավենը կապում են այն ժամանակ, երբ դժբախտ պատահարի արդյունքում երիտասարդ կյանք են կորցրած լինում: Երբ շրջում էինք ԼՂՀ-ից ինքնաբուխ ժամանածներին հյուրընկալած քաղաքներում և գյուղերում, մենք հանդիպեցինք սև ժապավենների` ընդհատված կյանքերի, որոնք չապրեցին պատերազմի պատճառով:

Armenia Round Table Black Ribbon, Artsakh war

Մեզ ուղեկցող տարածաշրջանի քահանան ասում է, որ ամենադժվարն այն տնայցերն են, որտեղ մարդկային կորոււստներ են եղել. ինչպե՞ս կարող է սգացող ծնողը իմաստ գտնել կյանքի մեջ:

Լի ցավով և այս դաժան մարտում մարդկային կյանքի արժևորման մտածումներով` մենք հասանք մեր նպատակակետին: 5 զավակ ունեցող մայրիկին հյուրընկալող Արկադին մեզ դիմավորեց իր համեստ կիսակառույց տան մեջ: Տան մթնոլորտն այնքան ջերմ ու անկաշկանդ էր, որ դժվար էր տարբերակել տանտերերին հյուրերից, ովքեր վերջիններիս ընդունել էին ուրախությամբ և սրտաբաց:

Մենք տպավորված էինք համայնքներում տիրող համախմբվածության և փոխադարձ աջակցության բարձր մակարդակից: Տեղացիները տրամադրել էին իրենց տները և կիսում էին իրենց սնունդը, հագուստը, քանի որ շատերն իրենց հետ ընդհանրապես ոչին վերցրած չեն եղել: Մենք հանդիպեցինք միայնակ մայրերի, որոնք միայնակ հոգ էին տանում իրենց հինգ-վեց երեխաների մասին: Ոչ ոք հատուկ խնդրանքով հանդես չեկավ, չնայած կարիքներն ակնհայտ էին:

Չնայած արմատախիլ եղած մարդկանց առջև ծառացած մարտահրավերների՝ նրանց արժանապատվությունն ու դժվարություններին դիմանալու զգալի կարողությունը զարմանալի է և արժանի հարգանքի:

Մենք երախտապարտ ենք մեր բարեկամներին: Կոչ ենք անում դադարեցնել մահ տարածող զնեքի գործածումը և աշխատել ավելի գեղեցիկ ապագայի համար:

ԵՀԽ հայաստանյան Կլոր սեղան հիմնադրամ

Եկեղեցիների համաշխարհային խորհուրդն իր խոր մտահոգությունն է արտահայտում հոկտեմբերի 10-ին Հայաստանի և Ադրբեջանի միջև համաձայնեցված հումանիտար հրադադարի խախտումների առնչությամբ: Այս մասին տեղեկացնում են Մայր Աթոռ Սուրբ Էջմիածնի տեղեկատվական համակարգից:

«Հորդորում ենք հակամարտող բոլոր կողմերին անհապաղ դադարեցնել բոլոր ռազմական գործողությունները, հարգել հրադադարի վերաբերյալ Մոսկվայում ձեռք բերված համաձայնությունը և վարել կառուցողական երկխոսություն՝ ուղղված մարդկային կյանքի և իրավունքների պաշտպանությանը, քաղաքացիական ենթակառուցվածքների և աղոթավայրերի վրա հարձակումների կանխմանը և կայուն խաղաղության հաստատմանը:

Հակամարտության ընթացքում արդեն իսկ տեղի ունեցած բազմաթիվ այլ ողբերգական իրադարձությունների շարքում առավել ցնցված ենք Ղազանչեցոց տաճարի ռմբակոծությունից, որտեղ այդ ժամանակ պատսպարված են եղել քաղաքացիներ: Մենք դատապարտում ենք միմյանց կրոնական և մշակութային վայրերի ցանկացած նպատակային թիրախավորումը:

Աղոթում ենք և հույս հայտնում, որ հոգևոր առաջնորդներն ու կառույցները, որոշումներ կայացնողների հետ միասին, կարող են միավորել իրենց ջանքերը` այս հակամարտությանը վերջ դնելու՝ ամեն մարդկային կյանքի պաշտպանության, միմյանց համայնքների և սրբավայրերի հանդեպ հարգանքի, միջկրոնական փոխըմբռնման խթանման համար, ինչպես նաև համագործակցելու՝ հանուն խաղաղության, արդարության և մարդկային արժանապատվության:

Հայր դոկտ․ Իոան Սաուկա

ԵՀԽ գործող գլխավոր քարտուղար»,- ասված է հայտարարությունում:

Երիտասարդների պայծառ ապագա
Վերջնաժամկետ` 4 հոկտեմբերի, 2020 թ

Ծրագրի մասին

Հայ և փախստական գործարարների նոր սերնդին աջակցելու դրամաշնորհ:

«Աջակցություն երիտասարդ ձեռներեցիներին» ծրագիրը մեկնարկել է 2020 թ.-ի սեպտեմբերին «Երիտասարդների պայծառ ապագա» ծրագրի շրջանակներում, որն իրականացվում է հայաստանյան Կլոր սեղան հիմնադրամի և «ՀԱԼԵՊ» հայրենակցական բարեսիրական կազմակերպության («ՀԱԼԵՊ» ՀԿ) կողմից:

Ծրագիրը նախատեսում է աջակցել երիտասարդներին Հայաստանում, ներառյալ Իրաքից, Իրանից, Լիբանանից և Սիրիայից ժամանած փախստականներին և միգրանտներին, զարգացնել նրանց գոյություն ունեցող ձեռնարկությունները կամ հիմնելու նոր ձեռնարկություններ, որոնք կապահովեն հայաստանյան հասարակության սոցիալ-տնտեսական բարեկեցությունը:

Ո՞ւմ համար է ծրագիրը

Ծրագրի նպատակն է հայ երիտասարդներին տալ նոր հմտություններ և նորարարական միջոցներ:

Հայաստանի բնակչությունն ունի ակտիվ երիտասարդներ, ովքեր ջանասիրաբար պայքարում են բարձր մակարդակի գործազրկության, աշխատանքային իրավունքների խախտումների և վատթարացող տնտեսական վիճակի պատճառով, որի վրա բացասաբար է ազդել նաև COVID-19 համաճարակը:

Այսօր մենք առավել քան երբևէ պետք է գիտակցենք երկրի երիտասարդ ձեռներեցների և նորարարների տնտեսական ներուժը՝ բարձրակարգ աշխատատեղեր ստեղծելու, ներառական տնտեսական աճ խթանելու և Հայաստանից արտագաղթի տեմպերը դադարեցնելու համար:

Ծրագրի նպատակն է երիտասարդների համար ամրապնդել զբաղվածության և ձեռներեցության էկոհամակարգը Հայաստանում` տրամադրելով փոքր դրամաշնորհ` խթանելու համար  սկսնակ, նորարար հայ և փախստական երիտասարդ ձեռներեցների կողմից ստեղծված բիզնեսները:

«Աջակցություն երիտասարդ ձեռներեցիներին» ծրագրին դիմելու ցանկություն ունեցող բոլոր երիտասարդները պետք է ներկայացնեն ծրագրի ամբողջական լրացված հայտ:

Ընդունելության չափանիշներ

Դիմորդներ.

Դիմելու իրավունք ունեն 18-ից 35 տարեկան երիտասարդները (Տարիքի ապացույց պահանջվելու է)

Պետք է ունենան Հայաստանի քաղաքացիություն, ՀՀ-ում օրինական կացության կամ փախստականի կարգավիճակ:

Այն դեպքում, երբ ներգրավված են մեկից ավելի բիզնես գործընկերներ, ծրագրի հիմնական դիմորդը պետք է էապես ներգրավված լինի բիզնեսի կառավարման մեջ:
Բիզնեսում ընդգրկված ոչ բոլոր անհատները, այլ միայն հիմնական հայտատուն պետք է լինի 18-35 տարեկան և համապատասխանի ընդունելության բոլոր չափանիշներին:

Դիմորդը պետք է ակտիվորեն ներգրավվի առօրյա գործունեության բոլոր ոլորտներում:

Բիզնես ձեռնարկություններ՝

• Հիմնական դիմումատուին պետք է տրամադրի լրիվ դրույքով ինքնազբաղվածություն (շաբաթը նվազագույնը 30 ժամ),

• Պետք է հիմնված լինի Հայաստանի Հանրապետությունում,

• Պետք է լինի շահույթ ստանալու նպատակով ստեղծված բիզնես,

• Գործարար ծրագրի միջոցով պետք է ցույց տա, որ ձեռնարկությունը հաջողության մեծ հնարավորություն ունի,

• Պետք է լինի գոյություն ունեցող բիզնեսի ընդլայնում կամ շատ լավ ուսումնասիրված և զարգացած բիզնես գաղափար:

Ինչպե՞ս դիմել

• Ուսումնասիրել «Աջակցություն երիտասարդ ձեռներեցիներին» ծրագրի հայտի ձևը (բիզնես պլան և բյուջեի ձև),

• Ներկայացնել լրացված հայտի փաթեթը ՝ ներառյալ բիզնես պլանը, բյուջեն, անձնագրի պատճենը, սահմանափակ պատասխանատվությամբ ընկերության կանոնադրությունը, ընկերության վկայականը, ընկերության բանկային հաշվի տվյալները և CV / Դիմորդի ռեզյումեն՝ ՀԱԼԵՊ ՀԿ-ին հետևյալ էլ. փոստով ՝ info @ aleppo-ngo.org ՝ օգտագործելով հետևյալ վերնագիրը (Subject բաժնում)՝ «Աջակցություն երիտասարդ ձեռներեցիներին» ծրագրի  (Հայտատուի Անուն/Ազգանունը):

Ֆինանսավորման չափը

Ընտրված դիմորդները կստանան 1,500,000 ՀՀ դրամ, որը կփոխանցվի իրավաբանական անձի (օրինակ՝ անհատ ձեռնարկատեր, ընտանեկան բիզնես, սահմանափակ պատասխանատվությամբ ընկերություն և այլն) բանկային հաշվեհամարին, որը պատկանում է հայտատուին:

Գնահատման գործընթացը

Դիմումները կգնահատվեն ընդունելությանը համապատասխանության չափանիշներով` հիմնվելով ներկայացված բիզնես ծրագրի վրա: Ընտրող հանձնաժողովը բաղկացած կլինի ՀԱԼԵՊ ՀԿ-ի, ԵՀԽ Կլոր սեղան հիմնադրամի ներկայացուցիչներից և այլ փորձագետներից:

Դրամաշնորհային ծրագրի համակարգողը կիրականացնի բոլոր անհրաժեշտ հետազոտությունները դիմումը դիտարկելիս՝ վստահ լինելու համար, որ տրամադրված տեղեկատվությունը ճշգրիտ է և ամբողջական:

Դիմորդներից կարող է պահանջվել տրամադրել լրացուցիչ փաստաթղթեր, որոնք անհրաժեշտ են ծրագրի ընդունելության պահանջները ստուգելու համար:

Խնդրում ենք նկատի ունենալ. հաջողակ դիմորդները ֆինանսավորում ստանալուց հետո առնվազն 3 տարի պետք է վարեն իրենց հաշիվների մանրակրկիտ հաշվառում, հատկապես սույն ծրագրի միջոցով կատարված ծախսերի:

Միայն նախնական ցուցակ անցած թեկնածուները կտեղեկացվեն և կհրավիրվեն ընտրող հանձնաժողովին իրենց բիզնես պլանը ներկայացնելու:


«ՀԱԼԵՊ» ՀԿ-ի տվյալներ՝

Հասցե՝ Հյուսիսային պողոտա 11, -1 հարկ
Հեռ. 098 545361
Էլ. հասցե՝ /Users/Aleppo-NGO/Downloads/Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։" style="box-sizing: border-box; background: transparent; color: rgb(80, 187, 244); border: 0px rgb(243, 243, 243); outline: 0px; vertical-align: baseline; margin: 0px; padding: 0px; transition: color 300ms ease 0s, background-color 300ms ease 0s, opacity 300ms ease 0s;">Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։, Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնն օգոստոսի 22-ից սեպտեմբերի 1-ը մշակութային տոն ստեղծեց՝ անցկացնելով ֆիլմերի դիտում-քննարկումներ, համերգային ծրագրեր և առցանց հանդիպումներ: Փառատոնի հանդիսավոր բացման արարողությունը տեղի ունեցավ օգոստոսի 22-ին սահմանամերձ գեղատեսիլ Բերդ քաղաքում՝ Բերդ պարային անսամբլի բացօթյա մենահամերգով։ Այնուհետ օգոստոսի 24-ին ֆիլմերի բացօթյա ցուցադրումով մեկնարկեց երևանյան ծրագիրը։ Երևանյան համերգային ծրագիրը ևս հագեցած էր՝ օգոստոսի 28-ին անցկացվեց Հայաստանի Պարի պետական անսամբլի մենահամերգը, 29-ին՝ Ռուբեն Հախվերդյանի 70-ամյակին նվիրված հոբելյանական համերգների շարքից առաջինը՝ «Ֆրեսկոյի» շրջանակներում, օգոստոսի 30-ին՝ Ջիվան Գասպարյան և ընկերներ:

Fresco 20 awards Armenia Round Table 2


Փառատոնին այս տարի ներկայացված 3000-ից ավել հայտից (85 երկիր) ընտրվել է 63 ֆիլմ (23 երկիր): Մրցութային ծրագրում ընդգրկվել են ֆիլմեր, որոնց ուղերձներն են մարդասիրությունը, հայրենասիրությունը, առողջ ապրելակերպը և այլ համամարդկային արժեքներ:

Փառատոնի ժյուրիի կազմում ընդգրկված էին 16 հոգի՝

1. Անաստասիա Ռոբսկայա (Ուկրաինա)
2. Արմին Էբրահիմի (Իրան)
3. Առնալդո Կասալի (Իտալիա)
4. Բեատա Գոլենսկա (Իտալիա)
5. Հայր Եվգենի Գլազունով (Ռուսաստան)
6.Տեր Համբարձում Դանիելյան (Հայաստան)
7. Հայր Մարեկ Լիս (Լեհաստան)
8. Իրինա Յաղուբյան (Հայաստան)
9. Կարեն Մնացականյան (Հայաստան)
10. Կատյա Մալատեստա (Իտալիա)
11. Մանյա Ղազարյան (Հայաստան)
12. Նոնա Սիսակյան (Բելառուս)
13. Սիմոնե Սեմպրինի (Իտալիա)
14. Տամառա Ցոցորիա (Ռուսաստան)
15. Այվազյան (Մեծ Բրիտանիա)
16. Վլադիսլավ Ռոբսկի (Ուկրաինա)


«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնի մրցանակակիր ֆիլմերի անուններն արդեն հայտնի են.

Fresco 20 awards Armenia Round Table 3

Անիմացիոն ֆիլմերից հաղթող են ճանաչվել

«Ձայն հառաչանաց», Ֆրանսիա, Աթամ Ռաշո, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Բաղադրատոմս աքսորում», ԱՄՆ, Շանտալ Քասարջյան, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Տատիկ», Բուլղարիա, Ռոզա Կոլչագովա, ԼԱՎԱԳՈՒՅՆ ՈՒՂԵՐՁ՝ «ՍԵՐ»։


Լիամետրաժ ֆիլմերից հաղթող են ճանաչվել

«Թշնամիները», Վրաստան, Գեորգի Գաչավա, ԼԱՎԱԳՈՒՅՆ ՈՒՂԵՐՁ՝ «ԽԱՂԱՂՈՒԹՅՈՒՆ» ։
«Ընկույզ», Իրան, Մոհամադրեզա Հաջի Ղոլամ, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Երազանքների թիմը», Ռուսաստան, Ֆիլիպ Աբրյուտին, Մաքսիմ Զիկով, ԼԱՎԱԳՈՒՅՆ ՈՒՂԵՐՁ՝ «ՍՊՈՐՏԱՅԻՆ ԱՐԺԵՔՆԵՐ»։
«Անիկո», Հայաստան, Աննա Հարությունյան, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։

Կարճամետրաժ ֆիլմերից հաղթող են ճանաչվել

Fresco 20 awards Armenia Round Table 4


«Բացառիկ օր», Ֆրանսիա Սեդրիկ Սպինասու, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Ազադե», Իրան, Միրաբաս Խոսրավինեժադ, ԼԱՎԱԳՈՒՅՆ ՈՒՂԵՐՁ՝ «ՄԱՐԴԱՍԻՐՈՒԹՅՈՒՆ»։
«Աղ ու հաց», Հայաստան, Ռուսաստան, Արջ-Ասպետ Շերմազանյան, ԼԱՎԱԳՈՒՅՆ ՈՒՂԵՐՁ՝ «ՆԵՐՈՒՄ»։
«Վալենկի», Ռուսաստան, Աննա Պռուդնիկովա, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ»։
«Կրակմարիչ», Իսպանիա, Ռոդրիգո Սոպենյա, Ջոանա Սոլնադոք, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Մտերիմը», Ռուսաստան, Իրինա Բասս, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Պիպոն և կույր սերը», Ֆրանսիա, Հյուգո Լը Գուղղիեղեկ, ԼԱՎԱԳՈՒՅՆ ՈՒՂԵՐՁ՝ «ՍԵՐ»։
«Պիտակ», Մակեդոնիա, Գեորգի Ունկովսկի, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։

Վավերագրական ֆիլմերից հաղթող են ճանաչվել

«Հերթի ցուցակ», Ռուսաստան, Նատալյա Մախանկո, ԼԱՎԱԳՈՒՅՆ ՈՒՂԵՐՁ՝ «ՄԵՐ ՕՐԵՐԻ ՀԵՐՈՍԸ»։
«Կարմիր ձուկ՝ սաղմոն», Ռուսաստան, Դմիտրի Շպիլենոկ, Վլադիսլավ Գրիշին, ԼԱՎԱԳՈՒՅՆ ՈՒՂԵՐՁ՝ «ՄԱՔՈՒՐ ՄՈԼՈՐԱԿ»։
«Ինչ կլինի վաղը», Ռուսաստան, Անաստասիա Շտանդկե, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Սպիներ», Ֆրանսիա, Դիդիե Կրոս, ԼԱՎԱԳՈՒՅՆ ՈՒՂԵՐՁ՝ «ՔԱՋՈՒԹՅՈՒՆ»։
«Լիտվյակովը մարդուն», Ռուսաստան, Ռոման Պոմերանցեվ, ԼԱՎԱԳՈՒՅՆ ՈՒՂԵՐՁ՝ «ՍԵՐ»։


Մայր Աթոռ Սուրբ Էջմիածնի հատուկ մրցանակի հաղթողներ են ճանաչվել

Fresco 20 awards Armenia Round Table 5
«Ձայն հառաչանաց», Ֆրանսիա, Աթամ Ռաշո, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ, ՀԱՎԱՏ, ՍԵՐ»։
«Երկնային ուրախություն», Ռուսաստան, Նատալյա Ֆեդչենկո, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ, ՀԱՎԱՏ, ՍԵՐ»։
«Վանականը», Ռուսաստան, Դան Գրին, ԼԱՎԱԳՈՒՅՆ ՈՒՂԵՐՁ՝ «ԽՈՍՏՈՎԱՆՈՒԹՅՈՒՆ»։

Փառատոնն իրականացվում է ՀՀ կրթության, գիտության, մշակույթի և սպորտի նախարարության գլխավոր աջակցությամբ, Մայր Աթոռ Սուրբ Էջմիածնի օրհնությամբ և աջակցությամբ և Հայաստանյան «Կլոր սեղան» հիմնադրամի աջակցությամբ՝ Հայաստանի Հանրապետությունում կորոնավիրուսային համավարակի (COVID-19) կանխարգելման և վերահսկման կանոնների պահպանմամբ։

Ենոքավանի դպրոցը ժպիտներով լեցուն էր` ԵՀԽ հայաստանյան Կլոր սեղան հիմնադրամը Ենոքավանի և Լուսահովիտ գյուղերի դպրոցներին նվեր էր բերել 21 պլանշետ։ Ծրագիրն արդեն երկրորդ անգամ էր իրականացվում։ Պլանշետները նախատեսված են դպրոցի ինֆորմատիկայի դասարաններին: Հեռավար կրթությանը կրկին անցնելու դեպքում Կլոր սեղան հիմնադրամը նոր պլանշետներ կտրամադրի կարիքավոր աշակերտներին։

IMG 5751


Ենոքավանի դպրոցի տնօրեն Աշոտ Ղազարյանը, ուսուցչական անձնակազմը, ծնողները և աշակերտները շնորհակալություն հայտնեցին հիմնադրամին՝ կրթությանն աջակցելու համար։ Լուսահովիտի դպրոցի տնօրեն Սերգեյ Թաիրյանը նույնպես շնորհակություն հայտնեց Կլոր սեղան հիմնադրամի նաև իրենց դպրոցը ծրագրում ներառելու համար։ Միջոցառման ժամանակ Կենգուրու մրցույթում պատվավոր հորիզոնականներ զբաղեցրած դպրոցականները ստացան իրենց մրցանակները։

IMG 5810


Պլանշետների տրամադրումն իրականացվել է ԵՀԽ հայաստանյան Կլոր սեղան հիմնադրամի և Fondation Armenia հիմնադրամի համագործակցության շրջանակում:

ԵՀԽ հայաստանյան Կլոր սեղան բարեգործական հիմնադրամի սոցիալական ձեռներեցության կրթական ծրագրի շրջանակներում մայիսի 1-ից մեկնարկել է «Շուլալ կարպետների արտադրություն Տավուշում» ծրագիրը: Այն իրականացնում է «ԹԵԼԻԿ» սոցիալ-մշակութային հասարակական կազմակերպությունը՝ ԵՀԽ Կլոր սեղան հիմնադրամի աջակցությամբ: Ծրագրի նպատակն է պատրաստել հայկական ավանդական շուլալ տեսակի կարպետներ, որը կնպաստի սոցիալապես անապահով և գործազուրկ կանանց աշխատանքի հարցի լուծմանը։ Ծրագրի շրջանակում արտադրած կարպետների վաճառքից գոյացած գումարով նախատեսվում է ձեռք բերել հումք՝ կարպետագործությունը շարունակելու և այլ կանանց նույնպես ծրագրի մեջ ընդգրկելու համար։

Armenia Round Table Carpet production in Tavush 9

Թելիկ ՀԿ-ն արտադրում է շուլալ կարպետներ, որոնք վաղուց մոռացված են՝ չնայած գեղեցկությանն ու ամրությանը: Գորգերը մշակութային բարձր արժեք ներկայացնող արտադրանք են՝ գործված էկոլոգիապես մաքուր հումքից (բուրդ և բամբակ): Բնական բրդից գործված գորգը կամ կարպետը ոչ միայն գեղեցկացնում են ինտերիերը, այլ անհրաժեշտություն են հատկապես փոշուց ալերգիա ունեցող մարդկանց համար: Թելիկ ՀԿ-ն ունի վարպետաց դասեր, որոնք բավականաչափ հետաքրքրություն են առաջացրել թե՛ տուրօպերատորների շրջանում, և թե՛ տեղաբնակների։ Այս արտադրությունը վերականգնում է մոռացված ավանդական հայկական կարպետի այս տեսակը, լուծում է սոցիալապես անապահով և գործազուրկ կանանց աշխատանքի հարցը, նաև հնարավորություն է տալիս ուսանողներին տիրապետել արհեստի, ինչպես նաև լրացուցիչ գումար վաստակել: Ծրագրի շնորհիվ կանայք ձեռք կբերեն մասնագիտական գիտելիք նոր հմտություններ, որոնք էլ հիմք կդառնան համապատասխան աշխատանք գտնելու գործում։


Armenia Round Table Carpet production in Tavush 8
«Շուլալ կարպետների արտադրություն Տավուշում» ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի «Սոցիալական Ձեռներեցության կրթական ծրագիր» ծրագրի շրջանակներում՝ Հաց Աշխարհին (Brot für die Welt) կազմակերպության աջակցությամբ:

ԵՀԽ հայաստանյան Կլոր սեղան բարեգործական հիմնադրամի սոցիալական ձեռներեցության կրթական ծրագրի շրջանակում մեկնարկեց «Ճոճացանցերի պատրաստում Աշտարակում» ծրագիրը: Այն իրականացնում է Հայ Առաքելական Եկեղեցու Արագածոտնի թեմի «Սուրբ Մարիանե» սոցիալ-կրթական կենտրոնը: Նպատակն է՝ պատրաստել իրենց տեսակով եզակի, ձեռագործ և շուկայում պահանջարկ ունեցող 10 ճոճացանց, որոնց վաճառքից գոյացած շահույթն ուղղվելու է համայնքի 10 կնոջ համար մակրամեի հմտությունների ուսուցմանը։ Ճոճացանցերի պատրաստման աշխատանքներին մասնակցել է 5 կին, որոնք տիրապետում են մակրամե գործվածքի տեխնիկային։

Ashtaraki Surb Mariane social krtakan kentronum patrastvum en yurorinak chochacancer Armenia Round Table 5

Պատրաստվող ձեռագործ ճոճացանցերը եզակի են՝ տարբերվում են միմյանցից զարդանախշերով, գույներով, դրանց համադրությամբ: Որոշներն աչքի են ընկնում ջերմ և վառ գույներով, մի մասն էլ ունի ավելի մեղմ ու նուրբ գույներով: Այդ բազմազանությունը նախատեսվել է տարբեր ճաշակ ու նախասիրություն ունեցող գնորդների համար: Արդեն ամբողջովին պատրաստ է 6 ճոճացանց, մյուս 4-ի պատրաստումը շարունակվում է, ավարտը նախատեսվում է օգոստոսի վերջին:

Ashtaraki Surb Mariane social krtakan kentronum patrastvum en yurorinak chochacancer Armenia Round Table 2

Կենտրոնում պատրաստվող ճոճացանցերի շուրջ արդեն կա հետաքրքրություն: Որոշ գնորդներ եկել ու դիտել են ճոճացանցերի պատրաստման ընթացքը և այժմ սպասում են դրանց ավարտին, որպեսզի ձեռք բերեն իրենց նախընտրած ճոճացանցը։ Վաճառքից գոյացած գումարն ուղղվելու է համայնքի 10 կնոջ համար մակրամեի հմտությունների, այդ թվում նաև ճոճացանցի պատրաստման ուսուցման, երկամսյա դասընթացների կազմակերպմանը: Ծրագրի շնորհիվ կանայք ձեռք կբերեն մասնագիտական աշխատանքային փորձ, նոր հմտություններ, որոնք էլ հիմք կդառնան համապատասխան աշխատանք գտնելու գործում։

Ashtaraki Surb Mariane social krtakan kentronum patrastvum en yurorinak chochacancer Armenia Round Table 1

«Ճոճացանցերի պատրաստում Աշտարակում» ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի «Սոցիալական Ձեռներեցության կրթական ծրագիր» ծրագրի շրջանակներում՝ Հաց Աշխարհին (Brot für die Welt) կազմակերպության աջակցությամբ:

Ֆրեսկո արդի արվեստի և հոգևոր ֆիլմերի փառատոնն այս տարի անցկացվում է յուրահատուկ ձևաչափով: Մեկնարկը տրվել է Տավուշի բերդ քաղաքում: Փառատոնին մասնակցելու համար այս տարի 3000-ից ավելի հայտ է ներկայացվել 85 երկրից: Նրանցից 65-ի հաջորդ 10 օրվա ընթացքում կցուցադրվի Երևանի Սուրբ Աննա Եկեղեցու բակում: Ֆիլմերին զուգահեռ կազմակերպվելու են նաև քննարկումներ կանանց իրավունքների, ընտանիքում բռնության կանխարգելման և հասարակական ու սոցիալական այլ թեմաներով:

IMG 5250

«Բերդը»՝ Բերդում: Այդպիսի խորհրդանշական նախաձեռնությամբ մեկնարկեց այս տարվա «Ֆրեսկո» արդի արվեստի և հոգևոր ֆիլմերի փառատոնը: Միջոցառումն արդեն յոթերորդ անգամ է հրավիրում դիտելու և քննարկելու հոգևոր արժեքներ, մշակութային ճաշակ, սոցիալական և կենցաղային տարատեսակ խնդիրներ վերհանող ֆիլմեր և միջոցառումներ: Այս տարի փառատոնը տևելու է մինչև սեպտեմբերի 1-ը:

IMG 5332

Աննա Կարապետյան, «Ֆրեսկո» փառատոնի գեղարվեստական ղեկավար - Հուլիսյան դեպքերից հետո մենք որոշեցինք հենց սահմանամերձ Բերդում անել և մշակութային եռուզեռը, ոգևորությունը փոխանցել տավուշցիներին՝ հենց Բերդում:

IMG 5514

Կարեն Գևորգյան, «Բերդ» պարային անսամբի գեղարվեստական ղեկավար - Մենք արդեն շուրջ 60 տարի է՝ մեր դարպասները ամուր ենք պահում և չենք թողնում՝ օտար շարժում, օտար խաղացանկ մտնի մեր անսամբլի խաղացանկում: Այնպես էլ այս սարերն են ամուր բերդի նման, և կարծում եմ՝ իսկապես խորհրդանշական է «Բերդ» պարային անսամբլը Բերդ քաղաքում: Եվ եթե անկեղծ ասեմ՝ դուք պետք է տեսնեիք մեր պարողների ու պարուհիների ոգևորությունը, երբ նրանք իմացան, որ գալու են Բերդ:

«Ֆրեսկոյի» շրջանակում այս տարի Հայաստանի էկրան են բարձրանալու 23 երկրի ներկայացուցիչների ֆիլմեր: Միջոցառումն անցկացվում է Ամենայն Հայոց Կաթողիկոս Գարեգին Երկրորդի օրհնությամբ, Մայր Աթոռ Սուրբ Էջմիածնի, Կրթության, գիտության, մշակույթի և սպորտի նախարարության, ինչպես նաև «Կլոր սեղան» հիմնադրամի աջակցությամբ: Վեհափառ Հայրապետն ուղերձում հատկապես կարևորել էր փառատոնի հոգևոր բնույթը:

IMG 5425

Տ. Բագրատ եպիսկոպոս Գալստանյան, ՀԱԵ Տավուշի թեմի առաջնորդ - Փառատոնը կարևոր իրադարձություն է: Այն համախմբում է երիտասարդներին՝ հոգևոր արժեքներ սերմանող ժամանակակից արվեստը ճանաչելու, միմյանց մշակույթին և արվեստին հաղորդակից լինելու, բարեկամության ոգին զորացնելու, մշակութային երկխոսությունը խթանելու:

IMG 5700

Փառատոնի ընթացքում ֆիլմերի ցուցադրություններից, ֆիլմերի հեղինակների և այլ հոգևոր փառատոների մասնակիցների հետ թեմատիկ քննարկումներից բացի նախատեսված են այլ մասշտաբային մշակութային միջոցառումներ ևս: Համերգներ են կայանալու Հայաստանի պարի պետական անսամբլի մասնակցությամբ, հատուկ համերգով նշելու են Ռուբեն Հախվերդյանի 70-ամյակը, նաև լինելու է Ջիվան Գասպարյանի և ընկերների համերգը:

 

Սոնա Չովուշյանը և Ֆլորա Միրզախանյանը Վ. Բրյուսովի անվան պետական լեզվահասարակագիտական համալսարանի ուսանողներ են, ովքեր իրենց մասնագիտական պրակտիկան անցկացնում են ՀՀ Վարչապետի աշխատակազմում՝ «Երիտասարդների պայծառ ապագա» ծրագրի շրջանակներում:


Սոնան Արմավիրի մարզից է, համալսարանում ուսանում է Թարգմանչության և միջմշակութային հաղորդակցության բաժնում, մեծ հետաքրքրություն ունի լեզուների նկատմամբ. տիրապետում է ռուսերեն, անգլերեն և գերմաներեն լեզուներին: Սոնան ունի կամավորական աշխատանքի հարուստ փորձ, մասնակցել է թարգմանչական և կազմակերպչական տարբեր աշխատանքների, այդ թվում նաև մաս կազմել Էրազմուս+ -ի թրեյնինգներին:


Սոնա Չովուշյան. «Լինելով ակտիվ մարդ՝ միշտ ցանկացել եմ ուսմանս զուգընթաց մասնակցել տարբեր ծրագրերի, փորձել ինձ տարբեր ոլորտներում և գտնել իմ մասնագիտությանը համապատասխան աշխատանք կամ պրակտիկա։ Սակայն, համալսարանական տարիներից, բավականին բարդ է գտնել մասնագիտական աճի հեռանկար տվող աշխատանք։ Հատկապես այժմ այդ դժվարությունները կրկնապատկվել են՝ կապված համավարակի պատճառով առաջացած խնդիրների և սահամանափակումների հետ։ Մեկ ամիս առաջ ինձ ընձեռվեց հիանալի հնարավորություն պրակտիկա անցնել ՀՀ Կառավարությունում՝ Վարչապետի աշխատակազմում։ Արդեն մեկ ամիս է՝ «Երիտասարդների պայծառ ապագա» ծրագրի շնորհիվ պրակտիկա եմ անցնում Աշխատակազմի Տեղեկատվության և հասարակայնության հետ կապերի վարչությունում, որտեղ մասնակցում եմ տարաբնույթ աշխատանքների, կատարում նախարարների ելույթների սղագրություններ, ուսումնասիրում օտարերկրյա լրատվամիջոցների վերլուծություններ, իրականացնում հետազոտություններ, մասնակցում հաղորդաշարերի նկարահանումներին և այլն:


Այս մեկ ամիսը ինձ տվեց հիանալի փորձ աշխատել լավ թիմի հետ, ունենալ փորձառու ավագ ընկերներ, և իհարկե, աշխատել և բացահայտել ինքս ինձ։ Համոզված եմ, որ հաջորդ ամիսներն էլ ավելի կօգնեն մասնագիտանալ և ձեռք բերել բազում գիտելիքներ»։


Ֆլորա Միրզախանյանը ք. Երևանից է, այս տարի ավարտել է Քաղաքագիտություն բաժինը, տիրապետում է մի քանի լեզուների, հանդիսանում է «ՄԻՏՔ» կրթական- երիտասարդական նախաձեռնության ՀԿ անդամ: Ֆլորան ուսմանը զուգընթաց մասնակցել է արտահամալսարանական մի շարք դասընթացների՝ ժողովրդավարության, մեդիագրագիտության, ինչպես նաև ԵՄ արժեքներին, մարդու իրավունքներին առնչվող թեմաների շուրջ ինչպես Հայաստանում, այնպես էլ Հայաստանից դուրս:


Ֆլորա Միրզախանյան. «Մեկ ամիս առաջ ավարտելով բակալավրը՝ որոշեցի զբաղվել մասնագիտական գործունեությամբ և աշխատանք գտնել, սակայն բախվեցի մի իրականության. գրեթե բոլոր վայրերում պահանջում էին աշխատանքային փորձի առկայություն: Այո, աշխատանքային փորձը կարևոր է, սակայն, եթե ոչ մեկ չի տալիս աշխատելու հնարավորություն, ապա ինչպե՞ս ձեռք բերել այդ փորձը:


Բարեբախտաբար տեղեկացա «Երիտասարդների պայծառ ապագա» ծրագրի մասին, որը հնարավորություն է տալիս երիտասարդներին մասնագիտական վճարովի պրակտիկա անցնել: Մեկ ամսվա ընթացքում արդեն հասցրել եմ մի շարք հմտություններ ձեռք բերել, որոնք վստահ եմ պետք կգան հետագա գործունեությանս ընթացքում, իսկ այստեղ ձեռք բերած աշխատանքային փորձս կօգնի այլ աշխատանքների անցնել»:


«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ`կողք կողքի աշխատելով փորձառու մասնագետների հետ:

 

«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436