Նորություններ

«ՀԱԼԵՊ» հայրենակցական բարեսիրական հասարակական կազմակերպությունը («ՀԱԼԵՊ» ՀԿ) «Երիտասարդների պայծառ ապագա» ծրագրի շրջանակում հայտարարում է սիրիահայ, իրաքահայ և այլ տեղահանված անձանց, ինչպես նաև տեղացի ուսանողների համար նախատեսված կրթաթոշակների մրցույթ: Ծրագիրն իրականացվում է Եկեղեցիների համաշխարհային խորհրդի հայաստանյան Կլոր սեղան միջեկեղեցական բարեգործական հիմնադրամի (ՀԿՍ) ֆինանսավորմամբ:


Դիմորդները պետք է լինեն Հայաստանի Հանրապետությունում հավատարմագրված ԲՈՒՀ-երից որևէ մեկի բակալավրիատի, մագիստրատուրայի կամ ասպիրանտուրայի ուսանողներ:


Կրթաթոշակին դիմելու համար խնդրում ենք լրացնել հայտը և անհրաժեշտ այլ փաստաթղթերի հետ ներկայացնել «ՀԱԼԵՊ» ՀԿ: Դիմելու պայմանների, ընտրության չափանիշների, պահանջվող փաստաթղթերի և այլ մանրամասների մասին տեղեկանալու, ինչպես նաև հայտը ներբեռնելու համար անցեք հետևյալ հղմամբ

Դիմումների ընդունման վերջնաժամկետն է 2020 թ. մարտի 05-ը:
Դիմումի ամբողջական փաթեթը ներկայացնել «ՀԱԼԵՊ» ՀԿ՝ Հյուսիսային պողոտա 11 (մուտքը՝ Աբովյան փողոցի կողմից), -1 հարկ:
Հարցերի դեպքում կարող եք զանգահարել 098/096 545361 հեռախոսահամարին կամ գրել էլեկտրոնային նամակ՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեին:

ՀԿՍ-ն աջակցում է «Երիտասարդները հանուն բնապահպանության» ծրագրի իրականացմանը, որի նպատակն է՝ բարձրացնել բնակչության իրազեկվածությունը շրջակա միջավայրի խնդիրների վերաբերյալ և նպաստել համայնքներում բնապահպանական մտածելակերպի ձևավորմանը ու մաքրության պահպանմանը:

 

photo5.1


ՀԱԵ Արմավիրի Թեմի Գայ գյուղի «Սուրբ Նշան» սոցիալական կենտրոնում իրականացվող «Երիտասարդները հանուն բնապահպանության - Գայ» ծրագրի շրջանակներում 80 շահառուներ ձեռք են բերում շրջակա միջավայրի պահպանության համար անհրաժեշտ գիտելիքներ ու հմտություններ: Կենտրոնում կազմակերպվել են բնապահպանական թեմաներով հանդիպում-քննարկումներ, որոնք իրականացնում են ՀՊՄՀ դասախոսներ՝ կենս. գիտ. թեկն., աշխ. գիտ. դոկտ., պրոֆ. Կ. Դանիելյանը, կենս. գիտ. դոկտ., պրոֆ. Վ. Հովհաննիսյանը, մանկ. գիտ. թեկն., դոց. Լ. Ավանեսյանը: Գայ գյուղում և հարակից Ապագա և Արաքս գյուղերում կազմակերվում են հանդիպում-քննարկումներ կլիմայի փոփոխության մեղմացման, վերականգնվող էներգետիկայի, էներգախնայողության, արևային էներգիկայի օգտագործման վերաբերյալ, որոնք իրականացրել է «Շտիգեն» կազմակերպության մասնագետ Ա. Աղաջանյանը:

photo2

Շահառուները հավաքել և տեսակավորվել են տարբեր թափոններ, որոնցից պատրաստել են պիտանի կենցաղային իրեր, հուշանվերներ, զարդեր՝ երկրորդ կյանք տալով չօգտագործվող կենցաղային իրերին: Արտադրած ապրանքատեսականու լուսանկարները «Էկո նվեր» բրենդի անվանման տակ տեղադրվել են ապրանքի առաջխաղացման համար ստեղծված Ֆեյսբուք և Ինստագրամ սոցիալական կայքերում:

Photo15

Ծրագրի մասնակից 35 դպրոցահասակ երեխաների համար իրականացվել է բնապահպանական թեմայով «Իմ երազանքի կանաչ մոլորակը» մրցույթը: Մրցույթի ժամանակ երեխաները գրել են շարադրություն իրենց երազած բնակավայրի մասին, նկարել են այն և պատրաստել են կոլլաժներ: Գայ գյուղի «Սուրբ Նշան» սոցիալական կենտրոնի տանիքին տեղադրվել է 5,2 կՎտ հզորությամբ արևային վահանակների համակարգ:

ԵՀԽ հայաստանյան Կլոր սեղան հիմնադրամը շարունակում է «ՀՀ-ում փախստական սիրիահայերի կենսապայմանների բարելավում» ծրագիրը, որի շրջանակներում պլանավորում է ստեղծել հրուշակեղենի արտադրամաս, որտեղ կաշխատեն հաջողությամբ մասնագիտական վերապատրաստում անցած տեղացի և սիրիահայ մասնակիցները:


Վերոնշյալ ծրագրի շրջանակներում հիմնադրամը փնտրում է բիզնես գործընկերոջ՝ Արտադրության տնօրեն - բաժնետեր (կազմակերպություն կամ անհատի) Ով օժտված կլինի հետևյալ հմտություններով՝


• Բարձրագույն կրթություն շուկայավարման, կառավարման և/կամ տնտեսագիտության ոլորտներում,
• Առնվազն 2 տարվա փորձ հրուշակեղենի արտադրության կազմակերպման կամ նմանատիպ արտադրության ոլորտում,
• Միաժամանակ մի քանի գործընթացներ կառավարելու հմտություններ, փոփոխությունները կառավարելու կարողություն,
• Ռազմավարական մտածողություն,
• Նպատակասլաց, պատասխանատու և սթրեսակայուն անձնավորություն,
• Կազմակերպչական և ղեկավարման ձիրք,
• Նոր գործընկերներ/շուկաներ գտնելու և համագործակցություն հաստատելու հմտություններ,
• Թիմի աշխատանքները կազմակերպելու և առաջնորդելու գերազանց հմտություններ,
• Վերլուծական միտք և մանրուքների նկատմամբ ուշադրություն,
• Նոր արտադրատեսակների ուսումնասիրություն ու տեղայնացնելու ունակություն:


Աշխատանքային պարտականություններ՝


• Ոլորտում կայանալու համար մրցակիցների ուսումնասիրություն, տեղեկատվության հավաքագրում և վերլուծություն,
• Գործողությունների ծրագրի մշակում ու դրանց իրականացման ժամկետների սահմանում,
• Բիզնեսի իրականացման համար անհրաժեշտ մարդկային, նյութական ու ֆինանսական ռեսուրսների սահմանում և հիմնավորում,
• Բիզնեսի իրականացման համար անհրաժեշտ նախնական ժամանակացույցի կազմակերպում (Գանտի պլան),
• Բիզնեսի իրականացման վերաբերյալ հաշվետվությունների ներկայացում գործընկերներին,
• Նոր շուկաներում գիտելիքներ ձեռք բերելու պատրաստակամություն,
• Ըստ պայմանագրի այլ գործառույթներ:

Ապագա Բաժնետեր-գործընկերոջից մեր պահանջներն են՝


1, Հայտ-նկարագիր/ հակիրճ մշակված բիզնես կտավ, որտեղ կլինի դիմորդի կողմից՝
• Շուկայի նախնական ուսումնասիրություն,
• Արտադրական գործընթացի կազմակերպում,
• Նախնական բյուջեն՝ կանխատեսվող ֆինանսական հոսքերը (առաջիկա 1 տարվա համար):

2, Ֆինանսական պլանավորում


Որքան գումար (կամ սեփական տարածք, կամ արտադրության համար անհրաժեշտ գույք) կարող է ներդնել դիմորդը ու որքան գումար է պահանջում մեզնից գործն սկսելու համար:
3, Տարածքի անհատույց օգտագործման/վարձակալության պայմանգիր (կամ սեփականության
վկայական, եթե այդպիսիք առկա են):

*Առավելություն կտրվի վերջին 2 կետին առավել համապատասխանող դիմորդներին։
Արտադրամասի տնօրեն-բաժնետերը աշխատանքը՝ մարտի 1-ից:

Աշխատավարձ՝ Կախված ոլորտում փորձից և իր կողմից բաժնետիրական համապատասխան ներդրումից։

Դիմումու կարգը՝ Հետաքրքրված անձինք կարող են փաստաթղթերն ուղարկել հետևյալ էլ․ հասցեով՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ դիմումների վերջնաժամկետը փետրվարի 10-ն է:

Լրացուցիչ հարցերի դեպքում կարող եք զանգահարել 010 517157, 055/096 062627 հեռախոսահամարներով կամ գրել Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեով:

Տեխնիկական առաջադրանք
Համայնքների մասնակցային կարիքների գնահատում
(սոցիալական կենտրոնների համար՝ իրենց կողմից սպասարկվող համայնքների վերաբերյալ)

Աշխատանքի անվանումը՝ Համայնքային մասնակցային գնահատման խորհրդատու
Ծրագրի անվանումը՝ Աջակցություն ՀԱԵ թեմերին կից գործող սոցիալական և կրթական կենտրոններին՝ կայունության պլանների ձևավորման գործընթացոմ
Կազմակերպություն՝ Եկեղեցիների համաշխարհային խորհրդի հայաստանյան Կլոր սեղան հիմնադրամ
Աշխատանքի աշխարհագրություն՝ ՀՀ Արագածոտն, Արմավիր, Գեղարքունիք, Լոռի, Շիրակ, Տավուշ մարզեր
Տևողություն՝ 2019թ. փետրվարի 10-ից մարտի 31
Դիմելու վերջնաժամկետ՝ 2019թ. փետրվարի 5

Աշխատանքի իրականացման համատեքստը
Եկեղեցիների համաշխարհային խորհրդի հայաստանյան Կլոր սեղան հիմնադրամը (ՀԿՍ) ակտիվորեն համագործակցում է Եկեղեցիների և հասարակական կազմակերպությունների հետ՝ երկրում աղքատությունը նվազեցնելու, կայուն համայնքային զարգացման ուղղություններով: ՀԿՍ-ն իր գործունեությունն իրականացնում է չորս հիմնական ուղղություններով՝ համապարփակ համայնքային զարգացում ու դիակոնիա, կարողությունների զարգացում, տարածաշրջանային խաղաղություն ու հաշտեցում, օգնություն արտակարգ իրավիճակներում:
Համապարփակ համայնքային զարգացման ծրագրով ՀԿՍ-ն աջակցում է թեմապատկան տասը կենտրոնների, նրանց ծրագրերին տրամադրում ֆինանսավորում և նպաստում է կարողությունների զարգացմանը` բնակչությանը բազմաբնույթ ծառայություններ մատուցելու նպատակով: Կենտրոնները գործում են Արագածոտնի, Արմավիրի, Գեղարքունիքի, Կոտայքի, Լոռու, Շիրակի, Տավուշի մարզերում (Աշտարակ, Գայ, Գավառ, Գյումրի, Իջևան, Վանաձոր, Վարդենիս, Ջրվեժ, Սաղմոսավան և Քարակերտ համայնքներ):
Կենտրոնները ծավալում են կրթական, սոցիալական, երիտասարդական, հոգևոր-մշակութային գործունեություն և տարբեր ծառայություններ են մատուցում սոցիալապես անապահով ընտանիքներին ու խոցելի խմբերին: Կենտրոնները հատուկ ուշադրություն են դարձնում երեխաների, միայնակ կանանց, տարեցների և հատուկ կարիքներով անձանց հետ աշխատանքին:

Նպատակը
Համայնքային կարիքների գնահատման այս ուսումնասիրությունն իրականացվում է ՀԿՍ նախաձեռնությամբ՝ ՀԱԵ թեմերին կից գործող սոցիալական և սոցիալ-կրթական կենտրոնների ծրագրային աշխատանքը համայնքներում առավել արդյունավետ պլանավորելու նպատակով։


Խնդիրները
1. Վեր հանել համայնքում առաջնային սոցիալական կարիքները՝ մասնավորապես սոցիալական և բարոյահոգեբանական աջակցության, կրթական և մասնագիտական վերապատրաստման ոլորտում:
2. Ուսումնասիրել եկամուտի գոյացման ներուժային հնարավորությունները՝ մասնավորապես՝ երիտասարդների և խոցելի խմբերին պատկանող կանանց ու տղամարդկանց համար։
3. Նույնականացնել խոցելի խմբերին պատկանող մարդկանց կարիքներն ու բացերը՝ աշխատաշուկայում մրցունակ լինելու համար։
4. Նույնականացնել տվյալ համայնքում երեխաների, դեռահասների և երիտասարդների համար արդյունավետ ժամանցային և արտադպրոցական կրթական կարիքները։
5. Նույնականացնել սոցիալական խոցելիության պատճառ հանդիսացող հատուկ հանգամանքները (cross-cutting issues)՝ գենդերային անհավասարություն, առողջական և առողջապահական, բնապահպանական, և այլն։

Արտադրանքը (Deliverables)
Աշխատանքի մանրամասն պլանավորման փաստաթուղթ - 2020թ. փետրվարի 8-ից 12: Համայնքների մասնակցային գնահատման արդյունքների նախնական զեկույց - 2020թ. մարտի 10:
Համայնքների մասնակցային գնահատման արդյունքների վերաբերյալ ամբողջական զեկույց - 2020թ. մարտի 25-ից 31:

Նշում. Ուսումնասիրության արդյունքների ներկայացումից զատ, զեկույցը ներառում է հանձնրարականներ, այդ թվում՝ հետևյալ կետերի վերաբերյալ՝ 1. կենտրոնների մրցակցային առավելությունները համայնքի սոցիալական և կրթական կարիքները ու բացերը լրացնելու համար, 2. յուրաքանյչյուր կենտրոնի գործունեության մեկ կամ երկու հնարավոր գերակա ուղղությունների նախանշում:

Մեթոդաբանություն
Համայնքային կարիքների գնահատման ուսումնասիրությունը պետք է իրականացվի առաջնային և երկրորդային հետազոտության միջոցով՝ օգտագործելով համայնքների վերաբերյալ առկա ուսումնասիրությունները և համայնքային զարգացման պլաններն ըստ առկայության, սոցիալ-կրթական կենտրոնների գործունեության վերաբերյալ հիմնական փաստաթղթերը, ինչպես նաև՝ վերլուծական հաշվետվություններն ըստ առկայության։ Համայնքային գնահատման համար հիմնականում օգտագործվելու են որակական հետազոտության մեթոդներ, իսկ քանակական հետազոտության արդյունքները ցանկալի է ներկայացնել excel ծրագրով։
Մեթդաբանությունը մանրամասն պետք է մշակի խորհրդատուն և հաստատի ՀԿՍ-ի հետ՝ նախապես։

Դիմելու կարգը
Խորհրդատվության առաջարկը հարկավոր է ներկայացնել ՀԿՍ՝ մինչև փետրվարի 5-ը, ժամը 17.00, հետևյալ էլ.հասցեով՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։:
Հարցերի դեպքում կարող եք զանգել 010-517-157 համարով:
Խորհրդավության առաջարկը պետք է ներառի հետևյալ փաստաթղթերը.
- Առաջարկի համառոտ նկարագրությունը,
- Նախահաշիվը,
- Դիմող խորհրդատուի կամ խորհրդատու կազմակերպության փորձառության համառոտ նկարագիր:

ԵՀԽ հայաստանյան Կլոր սեղան հինադրամն իր գործընկերների համար անցկացրեց համայնքների և սոցիալական կենտրոնների քարտեզագրմանը նվիրված երկօրյա աշխատաժողով: Միջոցառմանը մասնակցեցին Հայ Առաքելական եկեղեցու թեմերին կից՝ Կլոր սեղան հիմնադրամի աջակցությամբ, գործող սոցիալական կենտրոնների ղեկավարները, սոցաշխատողները:

IMG 4861

Աշխատաժողովի առաջին օրվա ընթացքում «Վեցանկյուն» բիզնես խորհրդատվական ընկերության փորձագետ Վլադիմիր Սահակյանը ներկայացրեց, թե ինչպես վեր հանել համայնքի խնդիրները համայնքի ներսից, այնուհետև խոսեց քարտեզագրման ներածության մասին: Սահակյանը նաև ներկայացրեց համայնքների նախնական քարտեզագրումը՝ համայնքում նշանակալից ներդրում և ազդեցություն ունեցող մարդկանց հետ:

IMG 4874

Համաժողովի երկրորդ օրը ՀՀ աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը մասնակիցներին ներկայացրեց կազմակերպությունների քարտեզագրման և սոցիալական աշխատանքների հավաստագրման գործընթացների մանրամասները:

IMG 4857


Աշխատանքի և սոցիալական հետազոտութունների ազգային ինստիտուտի սոցիալական աջակցության և սոցիալական ինովացիաների բաժնի պետ Արմինե Մխիթարյանը խոսեց «Սոցիալական կենտրոններում սոցիալական աշխատանքի կազմակերպումը՝ կենտրոնների ծառայությունների հավաստագրման պրիզմայի ներքո» թեմայով:

Մեղրաքամ սարքավորում ստացավ Տավուշի մարզի Ակնաղբյուր, Այգեհովիտ, Բերքաբեր և Կիրանց համայնքների 10 մեղվաբույծ: Սարքավորումների տրամարդումն իրականացել է ԵՀԽ հայաստանայն Կլոր սեղան հիմնադրամի «Աշխատանք գյուղի երիտասարդության համար մեղվաբուծության միջոցով» ծրագրի շրջանակում:

IMG 06955a5aa21b5939f6eff83227cafb78 V

Ծրագրի նպատակն է բարելավել տնտեսական վիճակը Հայաստանի Տավուշի մարզի սահմանամերձ համայնքներում: 2019 թ. 30 երիտասարդ ստացել է մեղվաբուծության վերաբերյալ գիտելիք, ինչպես նաև փեթակներ և անհրաժեշտ սարքավորում՝ մեղվապահությամբ զբաղվելու նպատակով: Ծրագրի իրականացման արդյունքում ստեղծվել են եկամուտների ավելացման և համայնքների ակտիվացման հնարավորություններ:

IMG 6dddc42dd4cd9e52725ce94391f9f2fc V

Տարիներ շարունակ այս տարածաշրջանի մեղվապահները դիմել են Կլոր սեղան խնդրանքով` տրամադրելու նաև մեղրաքամ մեքենաներ, քանի որ ունեցածները խարխուլ են, իսկ շատ գյուղերում դրանք ընդհանրապես չկան: Մեղրաքամ սարքերը շահառուները ստացել են պայմանով, որ կտրամադրեն իրենց գյուղերի բոլոր մեղվապահներին: Բաշխման ցուցակները կազմել էին հենց իրենք` ծրագրի շահառուները:

«Սիրիահայ երիտասարդների պայծառ ապագա» ծրագրի շրջանակում իրականացվող մասնագիտական վճարովի պրակտիկայի մասնակիցներ Շաղիգ Ճուհարյանին և Կալի Պապօղլիին իրենց պրակտիկան անցկացնում են «Աշն փրոջեքթ» ճարտարապետական ընկերությունում:


Կալին ծնվել է Քուվեյթում, ապա մեկ տարի անց տեղափոխվել Սիրիայի Հալեպ քաղաք: Հալեպում հաճախել է Հայկազյան ազգային վարժարան, ապա՝ Կարեն Եփփե ազգային ճեմարան: 2014 թ.-ին պատերազմի պատճաոով ընտանիքով տեղափոխվել է Հայաստան և շարունակել ուսումը: «Երևանում դպրոցն ավարտելուց հետո, ընդունվել եմ Հայաստանի Ճարտապետության և շինարարության Հայաստանի ազգային համալսարանի «Միջավայրի դիզայն» բաժին, այժմ սովորում եմ 4-րդ կուրսում»,- նշում է Կալին:


«Ընտրել եմ այս մասնագիտությունը՝ ոգեշնչվելով մորեղբորիցս, ով ճարտարապետ է և ում աշխատանքները տեսնելով, հետաքրքրությունն այս ոլորտի նկատմամբ ավելի մեծացավ: Ուսմանս հետ մեկտեղ մասնակցել եմ մասնագիտական տարբեր դասընթացների՝ 3D Max, AutoDesk Revit, Archicad, Autocad և այլն: Մի քանի ամիս աշխատել եմ իմ մասնագիտությամբ, սակայն դասերս չհասցնելու պատճառով թողեցի աշխատանքս»,- նշում է Կալին:


Իսկ թե ինչու դիմեց ինթերնշիփային այս ծրագրին, Կալին պատասխանում է. «Ինթերնշիփին դիմելու նպատակս էր բարելավվել մասնագիտական գիտելիքներս և հմտություններս: Արդեն սովորել եմ գունային ճիշտ համադրություն, գունային գամմային համապատասխան իրերի դասավորություն և ամենակարևորը՝ այս ընթացքում մեծ փորձ ձեռք բերեցի՝ ապագայում լավ և հմուտ մասնագետ դառնալու համար»:


Կալիի հետ «Աշն փրոջեքթ» ընկերությունում պրակտիկա է անցնում նաև իր համակուրսեցի Շաղիգ Ճուհարյանը: Շաղիգն ընտանիքով Հայաստան է տեղափոխվել 2012 թ.: Հարցին, թե ինչու է ընտրել դիզայների մասնագիտությունը, Շաղիգը պատասխանում է. «Հայրս ճարտարապետ է, ումից էլ հենց մոտիվացվել եմ ընտրելու այս մասնագիտությունը: Մյուս տարի պլանավորում եմ ընդունվել մագիստրատուրա, իսկ մոտ ապագայում կցանկանայի բացել իմ սեփական ճարտարապետական ստուդիան»: Շաղիգը պրակտիկայի շրջանակում պատրաստում է տարատեսակ էսքիզներ, ընդգրկված է ինտերիեր դիզայնի տարբեր աշխատանքներում:


«Շնորհակալություն եմ հայտնում ինձ իմ մասնագիտական պրակտիկան ապահովելու համար: Նախկինում դիմել եմ տարբեր տեղեր մասնագիտական աշխատանքի համար, սակայն ապարդյուն: Իսկ այս ծրագիրն իսկապես հիանալի հնարավորություն էր փորձի ձեռքբերման համար, և հուսով եմ, համալսարանն ավարտելուց հետո անմիջապես կարող եմ աշխատել»,- ուրախությամբ նշում է Շաղիգը:

2019 թ.նոյեմբերի 4-ից «Սիրիահայ երիտասարդների պայծառ ապագա» ծրագրի շրջանակներում մեկնարկեց 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների մասնակցությամբ։ Ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, իրականացնում՝ «ՀԱԼԵՊ» հայրենակցական բարեսիրական հասարակական կազմակերպությունը: Պրակտիկայի ծրագրի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքներն իրենց մասնագիտական ոլորտում, հնարավորություն տալ ձեռք բերել աշխատանքային փորձ և ծանոթանալ աշխատանքային միջավայրին:

«Սիրիահայ երիտասարդների պայծառ ապագա» ծրագրի շրջանակում իրականացվող մասնագիտական վճարովի պրակտիկայի հաջորդ մասնակիցն է Ռիթա Քեշիշյանը, ով իր պրակտիկան անցկացնում է “Business Angel Network of Armenia” ընկերությունում:

Ռիթան 21 տարեկան է: Նա Սիրիայի Հալեպ քաղաքից առաջին անգամ հայրենիք է այցելել 2012 թվականին՝ ՀՀ Սփյուռքի նախարարության կազմակերպած «Սփյուռք ամառային դպրոց» ծրագրի շրջանակներում՝ երկու շաբաթ հայրենիքում անցկացնելու և հասակակակից երիտասարդների հետ շփվելու նպատակով։ Ծրագրի ավարտին շատ չէր մնացել, երբ սիրիական հակամարտությունը նոր փուլ թևակոխեց՝ անհնարին դարձնելով Հալեպում խաղաղ կյանք շարունակելը, և Ռիթան այլևս չվերադարձավ Հալեպ, իսկ իր ընտանիքը որոշում կայացրեց տեղափոխվել Հայաստան:

Արդեն յոթ տարի է՝ Ռիթան Հայաստանում է, 2019 թվականին ավարտել է Հայաստանի ամերիկյան համալսարանի «Բիզնես Կառավարում» ֆակուլտետը: Ռիթայի խոսքով՝ համալսարանում անցկացրած յուրաքանչյուր դասաժամի արդյունքում նա շատ կարևոր հմտություններ է ձեռք բերել, որոնք կիրառելու հնարավորություն ստացավ “Business Angel Network of Armenia” ընկերությունում պրակտիկա անցնելու շնորհիվ, որտեղ նա ընդգրկված է ծրագրերի կառավարման աշխատանքներում: «Համալսարանում տարբեր առարկաների շնորհիվ՝ շուկայի ուսումնասիրություն, հաշվապահություն, բիզնես վերլուծություն, կառավարում, դասընթացներից ստացած գիտելիքներս մեծապես օգնում են՝ ինձ տրված հանձնարարությունները լավագույնս կատարելու մեջ»,- նշում է Ռիթան:

Պրակտիկա անցնելու առաջին իսկ օրվանից Ռիթան ջերմ վերաբերմունքի է արժանացել գործընկերների կողմից։ Ընկերությունում նա ներառված է եղել «Ներուժ» ծրագրի կազմակերպչական աշխատանքներում և մեծ ոգևորությամբ նշում է, որ ինքն ապահովում է ծրագրի շրջանակում հրավիրված խոսնակների և դասընթացավարների հետ հաղորդակցությունը, կատարում թարգմանություններ, ապահովում նրանց երթևեկության, օրակարգի և առօրյայի հետ կապված շատ այլ հարցեր։

«Անչափ ուրախ եմ «Հալեպ» ՀԿ-ի և ԵՀԽ Կլոր սեղան հիմնադրամի ընձեռած այս հնարավորության համար, քանի որ համալսարանը նոր ավարտած ուսանողների համար աշխատանք գտնելը դյուրին չէ, իսկ սիրիահայ երիտասարդների համար կազմակերպված այս ծրագիրը հաշվի է առնում յուրաքանչյուր երիտասարդի ունակությունները և ապահովում համապատասխան պրակտիկա»,- նշում է Ռիթան:

2019թ.նոյեմբերի 4-ից «Սիրիահայ երիտասարդների պայծառ ապագա» ծրագրի շրջանակներում մեկնարկեց 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների մասնակցությամբ։ Ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, իրականացնում՝ «ՀԱԼԵՊ» հայրենակցական բարեսիրական հասարակական կազմակերպությունը: Ինթերնշիփային ծրագրի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքներն իրենց մասնագիտական ոլորտում, հնարավորություն տալ ձեռք բերել աշխատանքային փորձ և ծանոթանալ աշխատանքային միջավայրին:

«Սիրիահայ երիտասարդների պայծառ ապագա» ծրագրի շրջանակում սիրիահայ ուսանողների և շրջանավարտների համար կազմակերպված երկամսյա մասնագիտական պրակտիկայի մասնակիցներից են Գևորգ Կազանջյանը, Բալիկ Քեհեայանը և Սարին Ճենանյանը: Նրանք պրակտիկան անցկացնում են Կոնվերս բանկում: Գևորգը 2 տարեկան էր, երբ ընտանիքի հետ միասին Սիրիայից տեղափոխվեց Շարժա (ԱՄէ)։


2016 թ. երկու կիսամյակ սովորել է Դուբայի համալսարանում՝ Ֆինանսներ և բանկային գործ մասնագիտությամբ։ 2017 թ. ընտանիքի հետ տեղափոխվել է Հայաստան և ընդունվել Եվրոպական համալսարան՝ նույն մասնագիտությունը խորացնելու նպատակով։ Դեռ փոքրուց սիրել է ֆինանսաբանկային ոլորտը և մշտապես զբաղվել ինքնակրթությամբ՝ ընթերցելով ոլորտին առնչվող ամենատարբեր գրքեր։


Մասնագիտական պրակտիկան Գևորգն անցնում է Կոնվերս բանկի վարկային գործառնույթների բաժնում, որտեղ հնարավորություն է ունեցել ստանալու կիրառական գիտելիքներ վարկային համակարգի վերաբերյալ։ Հարցին, թե ինչու է դիմել ինթերնշիփային այս ծրագրին, Գևորգը նշեց, որ իր հիմնական մոտիվացիան եղել է մասնագիտական փորձ ձեռք բերելու հնարավորությունը։ «Իմ մեծ երազանքներից է աշխատել բանկային համակարգում, իսկ այժմ այս ծրագրի շնորհիվ երազանքս կիսով չափ իրականացավ»,- ոգևորությամբ նշում է Գևորգը:
Մեր հաջորդ զրուցակիցն է Սարին Ճենանյանը, որը սիրիական պատերազմի պատճառով 2014 թ. ընտանիքով տեղափոխվել է Հայաստան։ Սարինը 22 տարեկան է, սովորում է Եվրոպական համալսարանի Կառավարում բաժնի 4-րդ կուրսում։ Մասնագիտության ընտրությունը կապված է այն հանգամանքի հետ, որ այն ներառում է հաշվապահություն, մարքեթինգ, մենեջմենթ, տալիս է մեծ հնարավորություններ և զարգացում։


Սարինն իր մասնագիտական անցկացնում է պրակտիկան Կոնվերս բանկի սպասարկման բաժնում։ Արդեն հասցրել է ծանոթանալ սպասարկման ոլորտին առնչվող տարբեր ընթացակարգերին՝ ձեռք բերելով հաճախորդների հետ շփման հմտություններ։ Թեև Քաթարում մեկ ամիս անցկացրել է պրակտիկա՝ որպես ադմինիստրատիվ օգնական, սակայն Հայաստան տեղափոխվելուց հետո երբեք չի աշխատել։


«Դիմեցի ինթերնշիփային այս ծրագրին, քանի որ ցանկանում էի փորձ և գործնական գիտելիքներ ձեռք բերել, իսկ ունեցած գիտելիքներս էլ՝ կատարելագործել: Մասնագիտական կարիերայի համար անհրաժեշտ է սկսել փոքր քայլերից և աստիճանաբար հասնել հաջողությունների։ Այս ինթերնշիփն իմ առաջին քայլն էր սեփական գործունեությունս Հայաստանում ծավալելու համար, և անչափ ուրախ եմ, որ դարձա ծրագրի մի մասնիկը», - նշում է Սարինը։


Ապագայում Սարինը երազում է ստեղծել սեփական բիզնեսը և յուրահատուկ օծանելիքի արտադրությամբ զբաղվել։ Ամփոփելով՝ Սարինը նշեց. «Շնորհակալություն եմ հայտնում «ՀԱԼԵՊ» ՀԿ-ին և ԵՀԽ Կլոր սեղան հիմնադրամին նման հնարավորություն ընձեռելու համար, քանի որ ծրագրի միջոցով առավել դյուրին դարձավ պրակտիկա անցնելու խնդիրը։ Ես միշտ կհիշեմ այս պրակտիկան, քանի որ սա Հայաստանում առաջին շոշափելի քայլս էր դեպի մասնագիտական գործունեություն։ Հուսով եմ, այս պրակտիկան կլինի լավագույն մեկնարկը իմ հետագա աշխատանքային գործունեության համար՝ իրականացնելով բոլոր նպատակներս»։


Կոնվերս բանկում իր մասնագիտական պրակտիկան է անցկացնում նաև Բալիկ Քեհեայանը։ Բալիկը 25 տարեկան է, որը քույրիկի հետ 2014 թ. Սիրիայի Ղամիշլի քաղաքից տեղափոխվել է Հայաստան: Խոսելով Հայաստան գալու պատճառների մասին՝ Բալիկը նշեց, որ պատերազմական դրությունից զատ, իր հիմնական նպատակը եղել է Հայաստանում ուսում ստանալը: Կրթությունը նախ 2 տարի ստացել է Երևանի Մխիթար Հերացու անվան պետական բժշկական համալսարանի (ԵՊԲՀ) քոլեջի «Ատամնատեխնիկական գործ» մասնագիտացմամբ։ Հասկանալով, որ մասնագիտական ընտրության հարցում գուցե շտապել է՝ կրթությունը նախընտրել է շարունակել Եվրոպական համալսարանի «Կառավարում» բաժնում։ Բալիկն իր պրակտիկայի հիմնական գործառույթների շրջանակներում, հնարավորություն է ունեցել ծանոթանալ բանկային պայմանագրերին, արձանագրություններին, հրամանագրերին և այլ փաստաթղթերին։


Բալիկի խոսքով՝ մասնագիտական պրակտիկան նոր հնարավորություններ բացեց իր առջև Հայաստանում, կապ ստեղծվեց աշխատանքային միջավայրի հետ, ինչն իր համար ավելի դժվար կարող էր լինել առանց «ՀԱԼԵՊ» ՀԿ-ի աջակցության, քանի որ Հայաստան նոր տեղափոխված երիտասարդները չունեն որևէ շրջանակ` անմիջապես իրազեկվելու երիտասարդական ծրագրերին:


2019 թ. նոյեմբերի 4-ից «Սիրիահայ երիտասարդների պայծառ ապագա» ծրագրի շրջանակներում մեկնարկեց 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների մասնակցությամբ։ Ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, իրականացվում՝ «ՀԱԼԵՊ» հայրենակցական բարեսիրական հասարակական կազմակերպության համագործակցությամբ: Պրակտիկայի ծրագրի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքներն իրենց մասնագիտական ոլորտում, հնարավորություն տալ ձեռք բերել աշխատանքային փորձ և ծանոթանալ աշխատանքային միջավայրին:

Շիրակի թեմի սոցիալ-կրթական կենտրոնի գրադարանում իրականացվեց «Խաղաղության գրադարան» ծրագիրը։ Ծրագրի նպատակն էր Շիրակի թեմի սոցիալ-կրթական կենտրոնի գրադարանը համալրել քաղաքագիտական և մասնագիտական գրականությամբ։ Գրադարանին նվիրաբերվեց 20 միավոր քաղաքագիտական, քաղաքական և գեղարվեստական գրականություն, որը կօգնի գրադարանի ընթերցողներին ձեռք բերել նոր մասնագիտական գիտելիքներ։ 

 

Շիրակի թեմի սոցիալ-կրթական կենտրոն կատարած այցի շրջանակում ԵՀԽ Կլոր սեղան հիմնադրամի ծրագրերի ղեկավարի օգնական Հարություն Կարապետյանը հանդիպեց «Հակամարտությունների փոխակերպում» դասընթացի մասնակիցների և դասընթացավարների հետ։ Հանդիպման ավարտին դասընթացի 16 մասնակից ստացավ մասնակցության վկայականներ:

IMG 4764
«Հակամարտությունների փոխակերպում» դասընթացը օգնել է, որպեսզի երիտասարդները ստանան բազային գիտելիք կոնֆլիկտների ծագման և զարգացման օրինաչափությունների վերաբերյալ, զարգացնեն կոնֆլիկտների հետ աշխատանքի վերլուծական ունակությունները, նպաստեն կոնֆլիկտների ստեղծագործական փոխակերպման, ոչ ստանդարտ ու նորարարական մտածելակերպի ձևավորմանը: Այն նաև կօգնի փոխել վերաբերմունքը ինչպես կոնֆլիկտների ընկալման, այնպես էլ դրանց փոխակերպման հնարավորությունների նկատմամբ:

IMG 4782

Ծրագիրն անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում՝ Շվեյցարիայի բողոքական եկեղեցիների միության (HEKS/EPER) աջակցությամբ:

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436