Նորություններ

ԵՀԽ հայաստանյան Կլոր սեղան հիմնադրամի աջակցությամբ իրականացվող «Սիրիահայ երիտասարդների պայծառ ապագա» ծրագրի շրջանակում «ՀԱԼԵՊ» հայրենակցական բարեսիրական հասարակական կազմակերպությունը մեկնարկեց անգլերենի TOEFL-ի (Test of English as a Foreign Language) դասընթացները՝ նախատեսված սիրիահայ փախստական այն երիտասարդների համար (ուսանողներ և շրջանավարտներ), ովքեր ցանկանում են իրենց ուսումը շարունակել Հայաստանի բարձրագույն ուսումնական հաստատություններում, ինչպիսին է Հայաստանի ամերիկյան համալսարանը (ՀԱՀ):

Երկամսյա այս դասընթացը սիրիահայ երիտասարդներին զինելու է անհրաժեշտ գիտելիքներով, հմտություններով և մեթոդներով՝ TOEFL-ի քննությունը բարեհաջով կերպով հանձնելու համար, որը Հայաստանի ամերիկյան համալսարան և միջազգային մի շարք այլ կրթական ծրագրերին դիմելու պարտադիր պահանջներից մեկն է: Դասընթացը նաև ապահովելու է գործնական հմտություններով անգլերեն լեզվի մասնավոր դասեր տվող սիրիահայ երիտասարդներին և ընդլայնելու է նրանց ուսուցողական դասընթացների շարքը՝ ապագայում տրամադրելու նաև TOEFL-ի մասնավոր դասընթացներ:

Մասնակիցներից ավագ դպրոցի աշակերտ Սերենա Սուլուրիանը, ով ցանկանում է ընդունվել Հայաստանի ամերիկյան համալսարան, նշում է. «Ես նախապատրաստվում եմ ընդունվել Հայաստանի ամերիկյան համալսարան և անհրաժեշտություն ունեի պատրաստվելու TOEFL-ի քննությանը: Այս ծրագրի շնորհիվ այժմ կարող եմ չմտածել դասընթացի ծախսերի մասին և իրագործել նպատակներս»:

«Սիրիահայ երիտասարդների պայծառ ապագա» ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, և իրականացվում «ՀԱԼԵՊ» հայրենակցական բարեսիրական հասարակական կազմակերպության կողմից: Ծրագրի կարողությունների զարգացման բաղադրիչը նպատակ ունի բարձրացնել Հայաստանում սիրիահայ երիտասարդների հմտություններն ու ներուժը, առավել մրցակից դարձնել հայաստանյան աշխատաշուկայում՝ հնարավորություն տալով նրանց հասնելու իրենց աշխատանքային և կրթական նպատակներին:

IMG 8478ԵՀԽ հայաստանյան Կլոր սեղան հիմնադրամի աջակցությամբ իրականացվող «Սիրիահայ երիտասարդների պայծառ ապագա» ծրագրի շրջանակում սիրիահայ երիտասարդները դիտեցին աշխարհահռչակ հայ երգահան և կոմպոզիտոր Արամ Խաչատրյանի «Դիմակահանդես» բալետը:

Դա նրանց առաջին այցն էր օպերայի և բալետի ազգային ակադեմիական թատրոն՝ Սիրիայից Հայաստան տեղափոխվելուց հետո: Չնայա՝ սիրիահայ երիտասարդների մեծ մասն ապրում է Հայաստանում տարիներ շարունակ: Մասնակիցներից Լիլիթ Հովակիմյանը նշում է. «Առաջին անգամ էի դիտում այսպիսի հիասքանչ ներկայացում, Ա. Խաչատրյանի այս գլուխգործոցն իսկապես հրաշալի էր և հոգեպես կրթող: Լիահույս եմ, որ նմանատիպ այցելությունները մշակութային կենտրոններ կդառնան ծրագրի անբաժան մասը»:

Ալեքսանդր Սպենդիարյանի անվան օպերայի և բալետի ազգային ակադեմիական թատրոն այցելությունը կազմակերպել էր սիրիահայ երիտասարդ Սերլի Թեքայանը, որը համակարգում է «Սիրիահայ երիտասարդների պայծառ ապագա» ծրագրի հոգևոր-հոգեբանական աջակցության բաղադրիչը:

Ծրագիրն իրականացվում է «ՀԱԼԵՊ» հայրենակցական բարեսիրական հասարակական կազմակերպության կողմից՝ Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի ֆինանսավորմամբ: Հոգևոր-հոգեբանական աջակցության նպատակն է սիրիահայ երիտասարդների մշակութային և հոգևոր արժեքների հարստացումը, այդպիսով, հեշտացնելով նրանց ինտեգրումը հայաստանյան հասարակական կյանքին:

Նպատակ ունենալով Հայաստանում և տարածաշրջանում ստեղծել կանաչ ուխտագնացության քաղաքի մոդել` Եկեղեցիների Համաշխարհային Խորհրդի հայաստանյան միջեկեղեցական բարեգործական Կլոր սեղան հիմնադրամի նախաձեռնությամբ, Կլոր սեղանը, Էջմիածնի քաղաքապետարանը և Մայր Աթոռ Սուրբ Էջմիածինը համատեղ ծրագիր են ներկայացրել Կրոնների և բնապահպանության դաշինքին:


Ծրագրով նախատեսված է հոգևոր մայրաքաղաք Էջմիածնում ուխտագնացությունը դարձնել շրջակա միջավայրը չխաթարող ու ավելի գրավիչ՝ Էջմիածինը աստիճանաբար դարձնելով ուխտագնացության մոդել Հայաստանի այլ ուխտավայրերի համար:


Բազմաթիվ ծրագրերից Էջմիածինն աշխարհի սրբազան 5 քաղաքների ներկայացրած ծրագրերի շարքում է, որոնք հետաքրքրել են Կրոնների և բնապահպանության դաշինքին: Էջմիածնի քաղաքապետ Դիանա Գասպարյանը Կլոր սեղան հիմնադրամի գործադիր տնօրեն Կարեն Նազարյանի, ծրագրերի պատասխանատու Կարինե Բաղդասարյանի և դաշինքի ներկայացուցիչ Սարա Բարնվինի հետ քննարկել է Էջմիածնի հնարավորություններն այդ ծրագրում ընդգրկվելու հարցում:
Քննարկված ծրագիրն իր մեջ ներառնում է տարբեր ոլորտներ` կանաչապատում, ոռոգում, թափոնների կառավարում, վերականգնվող էներգիա, էկո սնունդ, կրթություն, B&B (հյուրատնային բիզնես) ցանցի ընդլայնում և այլն:


Նախքան Էջմիածնի քաղաքապետարանում հյուրընկալվելը Սարա Բարնվինն այցելել է Հայ Առաքելական Եկեղեցու Տավուշի թեմ, եղել Կլոր սեղան հիմնադրամի աջակցությամբ թեմին կից գործող Իջևանի Արևիկ սոցիալ-կրթական կենտրոնում, հանդիպել Տավուշի թեմի առաջնորդ Տ. Բագրատ եպիսկոպոս Գալստանյանին, ինչպես նաև՝ այցելել Կլոր սեղան հիմնադրամի աջակցությամբ Արագածոտնի թեմին կից Աշտարակում գործող «Սբ. Մարիանե» սոցիալական կենտրոն:


Կրոնների և բնապահպանության դաշինքն ամբողջ աշխարհում իրականացնում է կանաչ ուխտագնացության զարգացմանը նվիրված «Սրբազան քաղաքներ» (Sacred Cities) նախագիծը: Դրա շրջանակում միջկրոնական «Հավատքահեն ներդրումներ» (Faith Invest) նախաձեռնությունը մրցույթի միջոցով ընտրված սրբազան վայրերում իրականացնում է ներդրումներ, որոնք ուղղված են բնության պահպանությանը և սրբավայրերի համայնքների եկամուտներն ավելացնելուն: Օրինակ՝ անցած տարիների ընթացքում նախաձեռնության ներդրումների շնորհիվ մահմեդականների սրբազան Մեքքա քաղաքը Հաջի օրերին ազատվել է հարյուր միլիոնավոր պլաստիկ շշերից: Դա իրականացել է ուխտագնացության ամբողջ երթուղիով ջրի դիսպենսեր սարքերի տեղադրման և ջուրն այդ կերպ վաճառելու շնորհիվ:

Մարտի 21-ը` Դաունի համախտանիշով մարդկանց միջազգային օրն է: Այդ առիթով Արարատյան Հայրապետական թեմի Զորավոր Ս. Աստվածածին եկեղեցին և «Արև-երեխաներ» երեխաների առողջության և զարգացման կենտրոն ՀԿ-ն կազմակերպել էին բարեգործական համերգ և downchildren.am կայքի շնորհանդեսը: Կայքը նախատեսված է դաունի համախտանիշով մարդկանց ու նրանց հարազատների համար:

Երեկոյին ներկա էին ՀՀ աշխատանքի և սոցիալական հարցերի նախարար Զարուհի Բաթոյանը, ՀՀ ԱԺ պատգամավոր Անի Սամսոնյանը, Մարդու իրավունքների պաշտպան Արման Թաթոյանը, ԵՀԽ հայաստանյան Կլոր սեղան հիմնադրամի նախագահ Կարեն Նազարյանը, կառավարության անդամներ:

«Մոսկվա» կինոթատրոնի «Կարմիր» դահլիճում կայացած միջոցառման բացման ժամանակ Հայ Առաքեական Եկեղեցու Արարատյան հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանը ներկաներին փոխանցեց Ամենայն Հայոց Կաթողիկոս Գարեգին Երկրորդի օրհնությունը և ողջույնի խոսքը: Սրբազանը նաև շեշտեց, որ հասարակությունն զգալի աաջընթաց է արձանագրել դաունի համախտանիշով մարդկանց հանդեպ վերաբերմունքի փոփոխության ուղղությամբ, սակայն ճանապարհը դեեռևս երկար է: «Օրհնաբեր և հոգեշահ այս միջոցառմանը բոլորս ներկա ենք այն հավատքով ու վստահությամբ, որ ծնողների, մտահոգ ու բարեհոգի մարդկանց  հոգատարության, համապատասխան օգնության, ինչպես նաև հասարակության աջակցության շնորհիվ Դաունի համախտանիշով մարդիկ կարող են լուրջ ձեռքբերումների հասնել և դառնալ մի մեծ արև, որի ջերմությունն ու լույսը կմխիթարի  ամենքիս»,- ասաց սրբազան հայրը:



Երևանի Երևանի Զորավոր Սուրբ Աստվածածին Եկեղեցու հոգևոր հովիվ, «Արև երեխաներ» ՀԿ հոգաբարձուների խորհրդի նախգահ Տ. Գրիգոր քահանա Գրիգորյանը ներկաներին փոխանցեց իր հուզմունքն ու ապրումներն այն պահին, երբ իմացել է, որ իր որդին նույնպես առանձնանում է մյուսներից: «Ես էլ էի շփոթված: Հարցնում էի՝ ինչու՞ ես, Տեր: Հիմա գիտեմ, որ ես, որպես հոգևորական, պետք է այս արև-երեխաների կողքին լինեմ։ Մենք ունենք բոլորիդ աջակցության կարիքը։ Խոսքը դրամական, նյութական օգնության մասին չէ։ Խոսքը ձեր հոգատարության, ուշադրության մասին է, որի կարիքն ունեն թե՛ այս արև-երեխաները, թե՛ նրանց ծնողները»,- ասաց Տեր հայրը:

 

Միջոցառման ընթացքում տեղի ունեցավ երկու պրեմիերա: Հանդիսատեսի դատին հանձնվեց «Ես կարող եմ» սոցիալական հոլովակը: Այն նկարահանվել է «Արև երեխաներ» ՀԿ-ի նախաձեռնությամբ և ԵՀԽ հայաստանյան Կլոր սեղան հիմնադրամի աջակցությամբ: Առաջին անգամ հնչեց Դաունի համաշխատնիշ ունեցող երեխաների համար գրված «Արևի աշխարհ» երգը:

Կլոր սեղան հիմնադրամը տեսահոլովակի պատրաստմանն աջակցելուց բացի ֆինանսավորել է «Դաունի համախտանիշ: Ձեռնարկ ծնողների համար» գրքի տպագրությունը:


Համերգային ծրագրի սկզբում ելույթ ունեցան Նոր Նորքի Հայորդյաց տան «Շողոկաթ» երգչախմբի երեխաները: Իսկ երկրորդ հատվածում յուրօրինակ կատարումներով ելույթ ունեցան Աննա և Անահիտ Մխիթարյան քուրերը՝ «Մխիթարյան քույրեր և ընկերներ» էթնո խմբով ներկայացնելով հայ ժողովրդական երգերի պոպուրի:


Միջոցառման ավարտին Հայաստանի մարդու իրավունքների պաշտպան Արման Թաթոյանը նշեց, որ պետք է մեծ ջանքեր գործադրել կարծրատիպերը կոտրելու և Դաունի համախտանիշ ունեցող անձանց հասարակական կյանքում ամբողջությամբ ընդգրկելու համար: « Պետք է կոտրել դաունի համախտանիշ ունեցողների նկատմամբ կարծրատիպերը և գնահատել նրանց ներուժը»,- ընդգծեց Թաթոյանը:


Համերգի հասույթի մի մասը կտրամադրվի աշխարհի Հատուկ օլիմպիադայի խաղերի լողի երկակի չեմպիոն, Դաունի համախտանիշ ունեցող Տիգրան Գևորգյանին, ով օրեր առաջ կորցրել է իր մայրիկին: Իսկ մյուս մասը կտրամադրվի «Արև երեխաներ» ՀԿ-ին՝ Դաունի համախտանիշով երեխաների առողջական խնդիրների լուծման նպատակով:

 


Դաունի համախտանիշի մասին


Աղբյուրը՝ Վիկիպեդիա
Դաունի համախտանիշը ի հայտ է գալիս այն ժամանակ, երբ երեխան ունի 21-րդ քրոմոսոմի լրիվ կամ մասնակի հավելյալ կրկնօրինակ։ Դաունի համախտանիշը առաջին անգամ նկարագրել է անգլիացի բժիշկ Լենգդոն Դաունը 1866 թվականին, ում պատվին էլ այն անվանվել է։ Բայց միայն 1867 թվականին անգլիացի գիտնականների կողմից այն ստացավ իր ամբողջական նկարագիրը։


Դաունի համախտանիշ ունեցող անձանց բնորոշ հատկություններից են՝ մկանների թույլ զարգացվածությունը, ցածր հասակը, աչքերի դեպի վեր թեքվածությունը և ձեռքի ափի կենտրոնում խոր գծի առկայությունը։ Դաունի համախտանիշ ունեցող յուրաքանչյուր անձ յուրահատուկ է և կարող է ունենալ կամ չունենալ այս հատկանիշները։ Նրանց մոտ ավելի հավանական է որոշակի առողջականի խնդիրները, ինչպիսին են, օրինակ՝ սրտային, շնչառական կամ լսողության խնդիրները, Ալցհեյմերի հիվանդությունը, մանկական լեյկեմիան և այլն։ Քանի որ վերոնշյալների մեծ մասն արդեն հնարավոր է բուժել, Դաունի համախտանիշ ունեցող մարդիկ վարում են առողջ կյանք։ Մինչև 1980-ական թվականները, Դաունի համախտանիշ ունեցող մարդկանց կյանքի տևողությունը ցածր էր, սակայն հավասար հնարավորությունները, գիտության զարգացումն ու հասարակական վերաբերմունքի փոփոխությունները բերեցին տևողության աճի։ Նրանց կյանքի տևողությունը 1983 թվականից զգալիորեն աճել է՝ 25 տարեկանից դառնալով 60[5]։ Առասպել է նաև, որ Դաունի համախտանիշ ունեցող անձինք ունեն խիստ արտահայտված մտավոր խնդիրներ։ Մտավոր դժվարությունների աստիճանը կարող է շատ տարբեր լինել՝ թույլից մինչև միջին մակարդակի։ Զարգացած երկրներում Դաունի համախտանիշ ունեցող երեխաները լիարժեք մասնակցում են հասարակական և անհատական կրթական ծրագրերին։ Ուսուցիչները և հետազոտողները դեռևս բացահայտում են Դաունի համախտանիշով մարդկանց կրթական պոտենցիալը։ Առասպել է նաև, որ Դաունի համախտանիշ ունեցող մարդիկ միշտ ուրախ են։ Նրանք մյուս բոլոր մարդկանց նման ունեն զգացմունքներ, կարող են արտահայտել բոլոր հույզերը։

Զարգացած երկրներում Դաունի համախտանիշ ունեցող անհատներին ներգրավված են հասարակական տարբեր գործընթացներում, համայնքային կազմակերպություններում, դպրոցներում, առողջապահական, զբաղվածությունը խթանող, ժամանցային ծրագրերում։ «Եվրատեսիլ-2015» երգի միջազգային մրցույթին Ֆինլանդիան, օրինակ, ներկայացրեց փանկ-ռոքերների «Pertti Kurikan Nimipäivät» խումբը, որի բոլոր անդամները Դաունի համախտանիշ ունեին[6]։ Հայաստանի Հանրապետությունում Դաունի համախտանիշ ունեցող անձինք քիչ ներառված են կրթական համակարգում։ Հասարակությունում առկա կարծրատիպերի, տեղեկատվության պակասի պատճառով Դաունի համախտանիշ ունեցող նորածիններին ավելի հաճախ են մանկատուն հանձնում։ Համաձայն Աշխատանքի և սոցիալական հարցերի նախարարության տվյալների՝ 2014 թվականին Դաունի համախտանիշ ունեցող 22 երեխաներ հենց հիվանդանոցից մանկատուն են տեղափոխվել։ Միջազգային մամուլն անդրադարձել է Հայաստանում ստեղծված այդ իրավիճակին՝ գրելով, թե Հայաստանում ամոթ է Դաունի համախտանիշ ունեցող երեխայի ծնող դառնալը։

 

Աղվերանում մարտի 19-20-ն անցկացվեց «Կոնֆլիկնետրի փոխակերպում» խորագրով դասընթացավարների դասընթացը: Մասնակիցները սոցիալական աշխատողներ, հոգեբաններ, բուհերի աշխատակիցներ և կամավորներ էին: Նրանց ընտրել և հավանության են արժանացրել ԵՀԽ հայաստանյան Կլոր սեղան հիմնադրամի աջակցությամբ Իջևանում և Գյումրիում գործող սոցիալական կենտրոնների գործընկերները: Դասընթացի նպատակն էր դասընթացավարներին տրամադրել հիմնական գիտելիք՝ իրենց համայնքներում երիտասարդներին փոխանցելու համար: Դասընթացն իրականացավ Շվեյցարիայի բողոքական եկեղեցիների միության (HEKS/EPER) աջակցությամբ:


Ծրագրի միջոցով Կլոր սեղան հիմնադրամն նպատակ ունի ուժեղացնել տեղական և եկեղեցահեն կազմակերպությունների կարողությունները, որպեսզի նրանք կարողանան իրենց համայնքների երիտասարդներին փոխանցեն կոնֆլիկտների ոչ բռնի փոխակերպման հմտությունները: Դասընթացի համար Կլոր սեղան հիմնադրամը, Երևանի պետական համալսարանի և Swisspeace կազմակերպության փորձագետները մշակել են ձեռնարկ: Այն ստեղծվել է Հայաստանի Տավուշի և Շիրակի մարզերի երիտասարդների մասնակցությամբ և նրանց կարիքների մասնակցային գնահատման միջոցով: Աղվերանի դասընթացն իրականացրեց ձեռնարկի հեղինակներից մեկը՝ քաղաքական գիտությունների թեկնածու, դոցենտ Խաչիկ Գալստյանը:

 

Եկեղեցիների համաշխարհային խորհրդի հայաստանյան Կլոր սեղան հիմնադրամը, ՄԱԿ-ի մշտական համակարգողի, ՄԱԿ-ի Բնակչության հիմնադրամի և ՄԱԿ-ի Զարգացման ծրագրի հայաստանյան գրասենյակների և «Հաց աշխարհի համար» (Brot für die Welt) կազմակերպության հետ համագործակցությամբ, փետրվարի 4-ից 5-ը Ծաղկաձորի Մարիոթ հյուրանոցային համալիրում անցկացրեց «Կայուն զարգացման նպատակները և Եկեղեցին» խորագրով համաժողովը:
Համաժողովի առաջնահերթությունը ՄԱԿ-ի հռչակած և ՀՀ կողմից ընդունված 17 Կայուն զարգացման նպատակները (ԿԶՆ) և նրանց հետ Եկեղեցու գործունեության համադրումը քննարկելն էր:


Միջոցառման նպատակն էր նաև զինել Հայ Առաքելական Եկեղեցու սպասավորներին և թեմերին կից գործող սոցիալական կենտրոնների աշխատակիցներին ԿԶՆ մասին անհրաժեշտ գիտելիքով և քննարկել, թե ինչպես եկեղեցին կարող է մասնակցել ԿԶՆ իրականացմանը՝ պետական մարմինների և քաղաքացիական հասարակության հետ սերտ համագործակցությամբ:


Մասնակիցները, որոնց մեջ էին Հայ Առաքելական Եկեղեցու թեմերի հոգևորականները, Կլոր սեղան հիմնադրաամի ծրագրային պատասխանատուները, հիմնադրամի աջակցությամբ գործող կենտրոնների աշխատակիցները, գործընկեր կազմակերպությունների ներկայացուցիչներ:

Համաժողովին ժամանածները նախանշված թեմաների շրջանակում ամփոփեցին, թե ինչ են ընտրված ուղղություններով կատարում թեմերը և սոցիալական կենտրոնները, ապա ներկայացրեցին առաջարկները՝ գործունեության հետագա բարելավման համար:


Հաշվի առնելով ՀԿՍ և Հայ Առաքելական Եկեղեցու գործունեությունը որպես թիրախ ընտրվեցին հետևյալ նպատակները՝ Նպատակ 1 (Ոչ աղքատությանը), Նպատակ 2 (Ոչ սովին), Նպատակ 4- ՝ Որակյալ կրթություն, Նպատակ 5 (Գենդերային հավասարություն), Նպատակ 8` Արժանապատիվ աշխատանք և տնտեսական զարգացում, Նպատակ 10 (Կրճատված անհավասարություն), Նպատակ 11-ը՝ Կայուն քաղաքներ և համայնքներ, Նպատակ 13-ը՝ Գործողություններ՝ ի նպաստ կլիմայի, Նպատակ 16-ը՝ Խաղաղություն, արդարություն և ամուր հաստատություններ և Նպատակ 17-ը՝ Համագործակցություն՝ նպատակների համար:


«Ապրելամիջոցներ և արժանապատվություն» խորագրով առաջին խումբը քննարկում էր Կայուն զարգացմաան նպատակներից 3-ը՝ Ոչ աղքատությանը (Նպատակ 1), Ոչ սովին (Նպատակ 2), Արժանապատիվ աշխատանք և տնտեսական զարգացում (Նպատակ 8):


Երկրորդ խումբը խոչվում էր «Հավասարություն և համագործակցություն»: Այն քննարկում էր հետևյալ նպատակները՝ Գենդերային հավասարություն (Նպատակ 5), Կրճատված անհավասարություն (Նպատակ 10), Համագործակցություն՝ նպատակների համար (Նպատակ 17):
Երրորդ խմբի խորագիրն էր «Կյանքի կառավարիչները և համաարարիչները»: Մասնակիցները քննարկում էին Նպատակ 11-ը՝ Կայուն քաղաքներ և համայնքներ, Նպատակ 13-ը՝ Գործողություններ՝ ի նպաստ կլիմայի:

 

«Խաղաղություն և կրթություն» անունը կրող չորրորդ խմբի քննարկման թիրախում էին Նպատակ 4-ը՝ Որակյալ կրթություն, և Նպատակ 16-ը՝ Խաղաղություն, արդարություն և ամուր հաստատություններ:
«Խմբային քննարկումների արդյունքները կամփոփվեն առաջիկայում և կներկայացվեն բոլոր շահագրգիռ կողմերին: Սակայն եթե խմբերի մասնակիցներն ընթացքում ունենան առաջարկներ, մենք սիրով կլսենք և կքննարկենք դրանք»,- վստահեցրեց Կլոր սեղան հիմնադրամի գործադիր տնօրեն Կարեն Նազարյանը:


«Կայուն զարգացման նպատակները և Եկեղեցին» երկօրյա համաժողովն ամփոփվեց Պահպանիչ աղոթքով, որը կատարեց Հայ Առաքելական Եկեղեցու Տավուշի թեմի առաջնորդ Տ. Բագրատ եպիսկոպոս Գալստանյանը:


Կայուն նպատակների իրագործման մեջ մեծապես գնահատվում է Եկեղեցու դերը, քանզի նրա սպասավորները համայնքներում հստակ տիրապետում են այնտեղ տիրող սոցիալ-տնտեսական իրավիճակի մասին տեղեկություններին, գիտեն իրենց հոգևոր հոտի անդամների կարիքները և կարող են անգնահատելի դերակատարում ունենալ Կայուն զարգացման նպատակների իրականացմանն ուղղված գործնական քայլերի հարցում:

«Կայուն զարգացման 2030 օրակարգում» ներառված 17 նպատակները պաշտոնապես ուժի մեջ են մտել 2016 թվականի հունվարի 1-ից: Դրանք ներառում են աղքատության, սովի վերացումը, բնակչության առողջության ամրապնդումը, որակյալ կրթության ապահովումը, կանանց և տղամարդկանց իրավունքների հավասարությունը, մաքուր ջրի և սանիտարական պայմանների ապահովումը, մատչելի և մաքուր էներգիայով ապահովումը, արժանապատիվ աշխատանքի և տնտեսական աճի ապահովումը, արդյունաբերության, նորարարությունների և ենթակառուցվածքների զարգացումը, անհավասարությունների վերացումը, կայուն համայնքների ստեղծումը, պատասխանատու սպառումը, կլիմայի պահպանումը, կյանքը ջրի տակ և ճանմբարում, խաղաղության ամրապնդումը և հանուն այդ նպատակների իրականացման համագործակցության ամբապնդումը: 

Կայուն զարգացման նպատակներն ընդունել էին աշխարհի երկրների առաջնորդները՝ 2015 թ. սեպտեմբերին կայացած ՄԱԿ-ի պատմական գագաթնաժողովի ժամանակ: Այդ նպատակները հարուստ, աղքատ և միջին եկամուտ ունեցող բոլոր երկրներին կոչ են անում անցնել գործողությունների՝ խթանելու բարգավաճումը և միաժամանակ պաշտպանելու մոլորակը:

Համաժողովի բացման մասին առավել մանրամասն՝ այստեղ

Եկեղեցիների համաշխարհային խորհրդի հայաստանյան Կլոր սեղան հիմնադրամը, ՄԱԿ-ի մշտական համակարգողի, ՄԱԿ-ի Բնակչության հիմնադրամի և ՄԱԿ-ի Զարգացման ծրագրի հայաստանյան գրասենյակների և «Հաց աշխարհի համար» (Brot für die Welt) կազմակերպության հետ համագործակցությամբ, փետրվարի 4-ից 5-ը Ծաղկաձորի Մարիոթ հյուրանոցային համալիրում անցկացրեց «Կայուն զարգացման նպատակները և Եկեղեցին» խորագրով համաժողովը:
Համաժողովի առաջնահերթ նպատակը ՄԱԿ-ի հռչակած և ՀՀ կողմից ընդունված 17 Կայուն զարգացման նպատակները և Եկեղեցու գործունեության համադրումն այդ նպատակներին քննարկելն էր:


Համաժողովին մասնակցեցին Կլոր սեղան հիմնադրամի գործադիր տնօրեն Կարեն Նազարյանը, Եկեղեցիների համաշխարհային խորհրդի ներկայացուցիչ Մանոջ Կուրիանը, ինչպես նաև Հայաստանում ՄԱԿ-ի մշտական համակարգող պարոն Շոմբի Շարփը, միջազգային և տեղական կազմակերպությունների ներկայացուցիչներ, Հայ Առաքելական Եկեղեցու թեմերին կից՝ Կլոր սեղան հիմնադրամի աջակցությամբ գործող սոցիալական կենտրոնների աշխատակիցները, այլ հյուրեր:


Հայ Առաքելական Եկեղեցու Կոտայքի թեմի առաջնորդ Գերաշնորհ Տ. Առաքել արքեպիսկոպոս Քարամյանը բացման խոսքից և աղոթքից հետո ողջունեց համաժողովի մասնակիցներին և նշեց, որ կարևորագույն այս հանդիպումը կազմակերպելով՝ Կլոր սեղան հիմնադրամը ևս մեկ անգամ ընդգծեց իր նվիրվածությունը և հոգածությունը սոցիալական և կրթական զարգացման թեմաների հանդեպ:


Կլոր սեղան հիմնադրամի գործադիր տնօրեն Կարեն Նազարյանը համաժողովի բացման ընթացքում նշեց. «Աշխարհի շատ երկրներ իրենց ցարգացման ծրագրերը ձգտում են համահունչ դարձնել ԿԶՆ, քանի որ դա է ժամանակի հրամայականը: Մյուս կողմից, ՄԱԿ-ը քաջ գիտակցում է, որ զարգացման նպատակների իրականացմանը մեծապես կարող է նպաստել սերտ համագործակցությունը կրոնական հաստատությունների և առաջնորդների հետ, օրինակ՝ «ՄԱԶԾ ուղեցույցը՝ հավատահեն կազմակերպությունների և կրոնական առաջնորդների հետ շփումների վերաբերյալ» (UNDP Guidelines on Engaging with Faith-based Organizations and Religious Leaders) վերնագրով փաստաթուղթը: Իսկապես, հավատահեն կազմակերպությունները և կրոնական առաջնորդները երկրագնդի գրեթե բոլոր համայնքների մի մասն են: Նրանք ոչ միայն նշանակալի ներդրում են ունենում զարգացման գործընթացներում, այլ նաև բազմաթիվ ուղղություններով ավելացնում են արժեք՝ ՄԱԿ-ի ջանքերին: Անշուշտ, ԿԶՆ-ից պետք է կենտրոնանալ հատկապես այն նպատակների վրա, որոնք առաջնահերթ են Հայաստանի համար»:


Եկեղեցիների Համաշխարհային Խորհրդի (ԵՀԽ) հայաստանյան Կլոր սեղան հիմնադրամի հոգաբարձուների խորհրդի նախագահ, Մայր Աթոռ Սուրբ Էջմիածնի վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը նշեց, որ Եկեղեցին վաղուց է իրականացնում ծրագրեր, որոնց նպատակն է աղքատության հաղթահարումը, կրթության մատչելիությունը և համայնքների զարգացումը: «Փոխանցում եմ ձեզ նաև Վեհափառ Հայրապետի օրհնությունը և հաջող ընթացքի համար մաղթանքները հեռավոր Ավստրալիայից»,- նշեց Մուշեղ սրբազանը:


«Խոսելով Միջկրոնական ներդաշնակության համաշխարհային շաբաթվա ոգով, որը ՄԱԿ-ը նշում է ամեն փետրվարի առաջին շաբաթը, ես հավատացած եմ, որ Կայուն զարգացման նպատակները՝ մեր մոլորակի կայուն ապագայի ճանապարհային քարտեզը, զգալի արտացոլում ունեն Եկեղեցու առաքելության մեջ: Այս ճանապարհը բոլորս անցնում ենք միասին և միայն միասին կարող ենք դիմագրավել մեր դեմ հառնած մարտահրավերներին - լինի դա աղքատության և անհավասարության հաղթահարումը, շրջակա միջավայրի փրկությունը թե բարօրության, խաղաղության և արդարության հասնելը: Ինչպես նշեց ՄԱԿ-ի Գլխավոր քարտուղարը՝ հավատը կարևորագույն նշանակություն ունի հույսի և դիմակայունության համար»,- միջոցառման բացման ժամանակ ասաց Հայաստանում ՄԱԿ-ի մշտական համակարգող պարոն Շոմբի Շարփը։


Հայաստանում Գերմանիայի Դաշնային Հանրապետության դեսպան պարոն Մաթիաս Քիսլերը նշեց, որ արդեն ավանդույթ է դարձել Կլոր սեղան հիմնադրամի հետ համագործակցությունը: «Կլոր սեղան հիմնադրամի աջակցությամբ գործող սոցիալական կենտրոնները կարևոր դերակատարում ունեն համայնքների սոցիալական կյանքում, և այդ առումով Կլոր սեղան հիմնադրամն արդեն նպաստում է Կայուն զարգացման նպատակների իրագործմանը»:
Միջոցառման ընթացքում Եկեղեցիների համաշխարհային խորհրդից հատուկ հրավիրված բանախոս Մանոջ Կուրիանը ներկայացրեց Կայուն զարգացման նպատակները՝ հավատքի և եկեղեցու տեսանկյունից: «Իրականում եկեղեցին արդեն մեկ հազարամյակից ավելի իր գործունեությամբ նպաստում է ՄԱԿ-ի հռչակած նպատակների իրականացմանը: Քրիստոնեության փիլիսոփայության և գաղափարախոսության առանցքում հենց միմյանց օգնելու սկզբունքն է»,- ասաց նա համաժողովի բացման ժամանակ:


Նյու Յորքից հղած տեսաուղերձի ընթացքում «Եկեղեցիների համատեղ գործողություններ» (ACT Alliance) դաշինքի գլխավոր քարտուղար պարոն Ռուդելմար Բուենո դի Ֆարիան շեշտեց, որ եկեղեցիները ԿԶՆ-ի մշակման գործընթացում ամենաակտիվ դերակատարներից և մասնակիցներից մեկն էին: «Եկեղեցիները զարգացմանն ուղղված գործունեություն են ծավալել ՄԱԿ-ի հիմնադրումից դեռևս հարյուրավոր տարիներ առաջ: Կայուն զարգացման նպատակների իրականացման համար պետք է ջանք գործադրեն ոչ միայն կառավարությունները, այլև եկեղեցիները, քաղաքացիական հասարակությունը, անհատները»,- նշեց դե Ֆարիան:


Բրյուսելից հղած տեսաուղերձի ընթացքում Եվրադիակոնիա միջազգային միջեկեղեցական կազմակերպության գլխավոր քարտուղար տիկին Հիթեր Ռոյը նշեց, որ իրենց ուրախ են տեսնելու, թե որքան շատ են համաժողովի մասնակիցները և հույս հայտնեց, որ նրանք ջանք չեն խնայի Կայուն զարգացման նպատակների իրականացման մեջ իրենց ներդրումն ունենալու համար: «Որպես միջազգային դիակոնիալ կազմակերպություն, որն իրականացնում է սոցիալական ծրագրեր, Եվրադիակոնիան բոլոր պատասխանատուներին հորդորում է Կայուն զարգացման նպատակները դիտարկել որպես ավելի լավ կենսապայմաններ, կրթական, սոցիալական և տնտեսական չափորոշիչներ սահմանելու ուղի»,- ասաց տիկին Ռոյը:


Համաժողովի մյուս նպատակն էր զինել Հայ Առաքելական Եկեղեցու սպասավորներին և թեմերին կից գործող սոցիալական կենտրոնների աշխատակիցներին Կայուն զարգացման նպատակների մասին անհրաժեշտ գիտելիքով և քննարկել, թե ինչպես եկեղեցին կարող է գործուն աջակցություն ցուցաբերել Կայուն զարգացման նպատակների իրականացմանը՝ պետական մարմինների և քաղաքացիական հասարակության հետ սերտ համագործակցությամբ:


Կայուն նպատակների իրագործման մեջ մեծապես գնահատվում է Եկեղեցու դերը, քանզի նրա սպասավորները համայնքներում հստակ տիրապետում են այնտեղ տիրող սոցիալ-տնտեսական իրավիճակի մասին տեղեկություններին, գիտեն իրենց հոգևոր հոտի անդամների կարիքները և կարող են անգնահատելի դերակատարում ունենալ Կայուն զարգացման նպատակների իրականացմանն ուղղված գործնական քայլերի իրականացման հարցում:


«Կայուն զարգացման 2030 օրակարգում» ներառված 17 նպատակները պաշտոնապես ուժի մեջ են մտել 2016 թվականի հունվարի 1-ից: Դրանք ներառում են աղքատության, սովի վերացումը, բնակչության առողջության ամրապնդումը, որակյալ կրթության ապահովումը, կանանց և տղամարդկանց իրավունքների հավասարությունը, մաքուր ջրի և սանիտարական պայմանների ապահովումը, մատչելի և մաքուր էներգիայով ապահովումը, արժանապատիվ աշխատանքի և տնտեսական աճի ապահովումը, արդյունաբերության, նորարարությունների և ենթակառուցվածքների զարգացումը, անհավասարությունների վերացումը, կայուն համայնքների ստեղծումը, պատասխանատու սպառումը, կլիմայի պահպանումը, կյանքը ջրի տակ և ճանմբարում, խաղաղության ամրապնդումը և հանուն այդ նպատակների իրականացման համագործակցության ամբապնդումը:


Կայուն զարգացման նպատակներն ընդունել էին աշխարհի երկրների առաջնորդները՝ 2015 թ. սեպտեմբերին կայացած ՄԱԿ-ի պատմական գագաթնաժողովի ժամանակ: Այդ նպատակները հարուստ, աղքատ և միջին եկամուտ ունեցող բոլոր երկրներին կոչ են անում անցնել գործողությունների՝ խթանելու բարգավաճումը և միաժամանակ պաշտպանելու մոլորակը:

Հունվարի 17-ին Եկեղեցիների համաշխարհային խորհրդի հայաստանյան Կլոր սեղան հիմնադրամի գործադիր տնօրեն Կարեն Նազարյանը հյուրընկալեց ՄԱԿ-ի հայաստանյան գրասենյակի պատվիրակությանը, որը գլխավորում էին Հայաստանում ՄԱԿ-ի մշտական համակարգող Շոմբի Շարփը, Հայաստանում ՄԱԶԾ մշտական ներկայացուցիչ Դմիտրի Մարիյասինը, ՄԱԿ-ի բնակչության հիմնադրամի հայաստանյան գրասենյակի գործադիր ներկայացուցիչ Ծովինար Հարությունյանը, այլ ներկայացուցիչներ: Հանդիպումը կազմակերպվել էր ՄԱԿ-ի բնակչության հիմնադրամի հայաստանյան գրասենյակի նախաձեռնությամբ և առաջարկով: 


Կարեն Նազարյանը հյուրերին ներկայացրեց Կլոր սեղան հիմնադրամի գործունեության ուղղությունները և հիմնական նպատակները: Նա Շոմբի Շարփին տեղեկացրեց, որ փետրվարին Կլոր սեղան հիմնադրամը կազմակերպելու է «Կայուն զարգացման նպատակները և եկեղեցին» վերնագրով համաժողով: Շոմբի Շարփը ողջունեց նման թեմայով միջոցառումը և ընդգծեց դրա անցկացման կարևորությունը:

ԵՀԽ հայաստանյան Կլոր սեղան հիմնադրամը 2010 թ.-ից սերտ համագործակցում է ՄԱԿ-ի բնակչության հիմնադրամի հետ: Համագործակցության գլխավոր ուղղությունները ներառում են ընտանիքում բռնությունների կանխարգելումը, սեռով պայմանավորված հղիության արհեստական ընդհատումների կանխարգելումը, գենդերային հիմնահարցերը: 

4Այնուհետև հյուրերին ընդունեց Ամենայն Հայոց Կաթողիկոս Գարեգին Երկրորդը: Հանդիպմանը ներկա էր նաև Մայր Աթոռի Վարչատնտեսական բաժնի տնօրեն, ԵՀԽ հայաստանյան Կլոր սեղան հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը: Կարեն Նազարյանը Նորին Սրբությանը ներկայացրեց պրն. Շարփի գլխավորած պատվիրակությանը՝ անդրադառնալով Մայր Աթոռի կառույցների և Կլոր Սեղան հիմնադրամի հետ Հայաստանում ՄԱԿ-ի գրասենյակի համագործակցությանը և դրա հեռանկարներին: 

Ընդգծելով ՄԱԿ-ի գրասենյակի և Հայոց Եկեղեցու առաքելության ընդհանրությունը մի շարք ոլորտներում` պրն. Շոմբի Շարփը շնորհակալություն հայտնեց ՄԱԿ-ի գործակալությունների և եկեղեցական կառույցների միջև ձևավորված գործակցության առիթով` պատրաստակամություն հայտնելով էլ ավելի ընդարձակելու այն:

ՄԱԿ-ի մշտական համակարգողը փոխանցեց Վեհափառ Հայրապետին ՄԱԿ-ի գլխավոր քարտուղարության երախտագիտությունը Հայոց Եկեղեցու` միջկրոնական երկխոսության մեջ հետևողական ներգրավվածության և տարածաշրջանում խաղաղության վերականգնմանն ի նպաստ ծրագրերի իրականացման կապակցությամբ: 

Այնուհետև ներկաներին իր օրհնությունը բերեց Նորին Սրբություն Գարեգին Երկրորդ Կաթողիկոսը` գնահատելով Հայաստանում ՄԱԿ-ի գրասենյակի լայնածավալ գործունեությանը: ՄԱԿ-ի մշտական համակարգողի և Վեհափառ Հայրապետի հանդիպման մանրամասները՝ այստեղ: 

 

Արցախի, Արթիկի, Աշտարակի և Տավուշի կարիքավորներին և աշակերտներին ամանորյա անակնկալ նվերներով են այցելել Հայ Առաքելական Եկեղեցու հոգևորականները, թեմերի սոցիալ-կրթական կենտրոնի աշխատակիցները: Նախաձեռնությունն իրեկանացել է ԵՀԽ հայաստանյան Կլոր սեղան հիմնադրամի աջակցությամբ:


ArtikԱրցախի թեմի հոգևորականներն ամանորյա անակնկալ են մատուցել Արցախի ծերանոցին, Թաղավարդ գյուղի, Շուշիի և Ստեփանակերտի 34 բազմազավակ ընտանիքների, Շուշիի բանտում գտնվող 70 մարդու, Ստեփանակերտի Գիշերօթիկ դպրոցի 25 սաների:


Արթիկի թեմում հոգևորականները նվերներ են բաժանել Արթիկ քաղաքի, Անուշավան, Տուֆաշեն, Լեռնակերտ, Վարդաքար, Լուսակերտ, Հոտվաշեն, Նահապետավան, Սպանդարյան, Արևշատ համայնքների 60 կարիքավոր բնակչի:


Աշտակարի «Սուրբ Մարիանե» կենտրոնում ամանորյա միջոցառման ժամանակ նվերներ է ստացել 80 շահառու: Շնորհավորանքներից և նվերներ ստանալուց հետո Ձմեռ Պապին իրենց երաժշտական կատարումներով ուրախացրեցին կենտրոնի սաները:


48393315 1931492093827387 2987011177248194560 oԱյս տարի Տավուշի թեմի առաջնորդ Տեր Բագրատ եպիսկոպոս Գալստանյանի խորհրդով միջոցառումների ֆորմատը փոքր-ինչ փոփոխության էր ենթարկվել: Եթե անցած տարիներին թեմի կիրակնօրյա դպրոցների սաները ելույթ էին ունենում իրենց և իրենց ծնողների համար, ապա այս տարի նրանք ելույթներով հանդես եկան մանկապարտեզներում ու նախակրթարաններում, հանրակրթական դպրոցներում ու զորամասերում, իսկ Բերդում և Գոշում նրանք այցելել են իրենց համայնքների միայնակ ծերերին և նրանց հաղորդել սուրբծննդյան խորհուրդը: Ընդհանուր առմամբ նվերներ է ստացել Տավուշի մարզի կիրակնօրյա դպրոցներում և սոցիալ-կրթական կենտրոններ այցելող 1805 աշակերտ, որոնք ներկայացում էին մարզի մոտ 40 համայնք:

 

 

 

DSC 0239Իջևանի «Արևիկ» համայնքային կենտրոնում տեղի ունեցավ «Տավուշի երիտասարդների ձայնը սահմանից աշխարհին» ծրագրի փակման արարողությունը: Միջոցառման ընթացքում Հայ Առաքելական եկեղեցու Տավուշի թեմի առաջնորդ Տ. Բագրատ եպիսկոպոս Գալստանյանը և Լևոն սարկավագ Հակոբյանը վկայագրեր հանձնեցին ծրագրի մասնակիցներին: Երկամսյա ծրագրում ներգրավվածության շնորհիվ կենտրոնի պատանի շահառուները ստեղծել են «Տավուշի երիտասարդներ» բլոգը և կազմակերպել են բանավեճի ակումբ:

Ծրագրի ընթացքում պատանիները մասնակցել են «Մեդիա գրագիտության և հասարակության հետ կապերի», «Բլոգ վարելու հմտություններ» և «Նկարահանման և մոնտաժի հմտություններ» դասընթացներին: Նրանք սովորել են, թե ինչպես գրել լրագրողական նյութեր, նկարել լուսանկարներ և պատրաստել տեսանյութեր և ինչպես ընտրել, խմբագրել և միավորել տեսանյութերի առանձին մասեր` շարունակական ամբողջություն կազմելու համար: Պատանիները մեծ ոգևորությամբ ցանկանում էին օգտագործել իրենց գիտելիքները գործնականում` տեղադրելով ստեղծված նյութերը բլոգում:

Նրանց ներգրավումը բանավեճի ակումբում հնարավորություն է տալիս դաստիարակել ակտիվ և գրագետ երիտասարդ քաղաքացիներ, որոնք հեշտությամբ են արտահայտում իրենց մտքերը և ազատորեն քննարկում են համապատասխան խնդիրները: Ժամանակ առ ժամանակ մրցումներ են կազմակերպվում Տավուշի մարզի բանավեճի ակումբի պատանիների և այլ մարզերի բանավեճի ակումբների պատանիների միջև: «Տավուշի երիտասարդներ» բլոգի և բանավեճի ակումբի գործունեությունը մեծապես նպաստում է Տավուշի մարզում երիտասարդության ներուժի ակտիվացմանը և այդ ներուժի օգտագործմանը համայնքի և հասարակական կյանքի զարգացման համար:

 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436