Նորություններ

2019 թ. դեկտեմբեր ամսից սկսած՝ «Քմյունիթի սենթր ֆոր դիվելոփմենթ» տարածաշրջանային համագործակցության ՀԿ-ի թիմը աշխատանք է իրականացնում Տավուշի մարզի Դովեղ բնակավայրը խմելու ջրով ապահովելու ուղղությամբ: Ներգրավվել են բազմաթիվ գործընկեր կառույցների՝ ջրագծի կառուցման համար անհրաժեշտ ֆինանսական միջոցներ ապահովելու նպատակով: Դովեղի բնակիչներին, հասարակական, մասնավոր և պետական տնտեսվարողներին ամենօրյա ռեժիմով խմելու ջուր ապահովելու համար կառուցվում է 2400մ երկարությամբ ջրագիծ, որը կապելու է Ստեփանավան–Նոյեմբերյան հիմնական ջրատարը Դովեղ գյուղի ջրատարի հետ: Գյուղում առկա է խմելու ջրի սպասարկման գործող ներքին ցանց:

Dovegh CCD Round Table Charity Foundation 2


Երկար սպասված խմելու ջրի ապահովման աշխատանքի իրականացումը հնարավոր է դարձել Սի-Սի-Դի ՀԿ-ի, «Վեոլիա ջուր» ՓԲԸ-ի, «ԵՀԽ հայաստանյան միջեկեղեցական Կլոր սեղան» բարեգործական հիմնադրամի, «Տաշիր» բարեգործական հիմնադրամի, Նոյեմբերյանի և Կողբի համայնքապետարանների համատեղ ջանքերի և ներդրումների շնորհիվ։ Նշված բոլոր կազմակերպություններն ապահովել են ֆինանսական աջակցություն՝ աշխատանքի իրականացման նպատակով:

Dovegh CCD Round Table Charity Foundation

Ապահովվող ջրի ծավալների գնահատման գործում և ջրագծի կառուցման նախագծման փուլում ակտիվ մասնակցություն են ունեցել Նոյեմբերյան և Կողբ խոշորացված համայնքների աշխատակազմերը, Տավուշի մարզպետարանը և «Վեոլիա Ջուր» ընկերության մասնագետները: Շինարարությունն իրականացնում է Նոյեմբերյանի համայնքապետարանը:

Dovegh CCD Round Table Charity Foundation 6

Ծրագրի շրջանակում մատակարարվող խմելու ջրից օգտվելու են Դովեղ բնակավայրի 550 բնակիչները: Գյուղում մշտական խմելու ջրի մատակարարումը կապահովի նաև առկա արտադրամասերի վերագործարկումը և նոր արտադրամասերի հիմնումը, որոնք սահմանամերձ գյուղի բնակիչների համար կապահովեն նոր աշխատատեղեր:

 

«Երիտասարդների պայծառ ապագա» ծրագրի շրջանակներում մեկնարկեց 3-5-ամսյա մասնագիտական վճարովի պրակտիկա՝ հայաստանյան բուհերում սովորող 3-րդ և բարձր կուրսերի ուսանողների, ինչպես նաև վերջին մեկուկես տարվա շրջանավարտ հանդիսացող՝ 21 սիրիահայ, պարսկահայ և տեղացի երիտասարդների մասնակցությամբ։


Ծրագիրն իրականացվում է «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից՝ ԵՀԽ Կլոր սեղան հիմնադրամի աջակցությամբ: Ծրագրին էր դիմել 46 սիրիահայ և տեղացի երիտասարդ, որոնց միջև ընտրությունը կատարվել է առաջադիմության, ակտիվության և նախաձեռնողականության, մասնագիտական ծրագրերի իմացության և մոտիվացիոն նամակների հիման վրա։ Երկրորդ փուլով դիմորդներն անցել են հարցազրույց՝ համապատասխան կառույցների կողմից:


Մասնակիցները ՀՀ պետհամալսարանների՝ տեղեկատվական տեխնոլոգիաներ, ճարտարապետություն և դիզայն, անգլերեն լեզու և հաղորդակցություն, ստոմատոլոգիա, ընդհանուր բժշկություն, դեղագիտություն, քաղաքագիտություն և միջազգային հարաբերություններ, ծրագրային ճարտարագիտություն և բիզնես կառավարում ֆակուլտետների ուսանողներ և շրջանավարտներ են:


Պրակտիկայի նպատակն է ուսանողների և շրջանավարտների մասնագիտական կարողությունների զարգացումը, մասնագիտական դասընթացներից ստացած տեսական գիտելիքների կիրառումը և մասնագիտական ակտիվ գործունեության ծավալումը՝ արտադրական և գիտահետազոտական ծրագրերում: «Երիտասարդների պայծառ ապագա» ծրագրի պրակտիկայի բաղադրիչի դրույթների համաձայն՝ մասնակիցներն իրենց պրակտիկային տրամադրելու են շաբաթական 15-20 ժամ, որի համար, ծրագրի շրջանակում, ամսական ստանալու են համապատասխան վարձատրություն:


Ծրագրի շնորհիվ երիտասարդները ձեռք կբերեն մասնագիտական աշխատանքային փորձ, նոր հմտություններ, որոնք էլ հիմք կդառնան մասնագիտական աշխատանքի տեղավորմանը:
Երիտասարդներն իրենց մասնագիտական պրակտիկան անցնում են պետական և մասնավոր հետևյալ կառույցներում՝
• ՀՀ վարչապետի աշխատակազմ,
• Պրոֆ. Յոլյանի անվան արյունաբական կենտրոն,
• Ուիզ Քոդ Ակադեմիա,
• Ուայքաստր ՍՊԸ ընկերություն,
• Անտարես Հոլդինգ,
• ԴՈՄԻՆՈ փրոդաքշն,
• ԻՔՍ-ԹԵՔ,
• ԱՅ ԹԻ ԷՅՋ ԴԻ,
• Ուրբան Յունիթ, Ստորակետ, Ալ Համրա ճարտարապետական ստուդիաներ,
• Համալսարանական ստոմատոլոգիական կլինիկա,
• Ֆարմասիր:


«Երիտասարդների պայծառ ապագա» ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման և պրակտիկայի բաղադրիչի նպատակն է բարելավել սիրիահայ, իրաքահայ, փախստական այլ երիտասարդների, ինչպես նաև տեղացի երիտասարդների հմտություններն ու մրցունակությունը հայաստանյան աշխատաշուկայում՝ հնարավորություն տալով հասնելու իրենց աշխատանքային նպատակներին:

Եկեղեցիների համաշխարհային խորհրդի հայաստանյան «Կլոր սեղան» բարեգործական հիմնադրամը համավարակի պայմաններում շարունակում է աջակցության տարաբնույթ ծրագրերը #Հայաստանում: Եթե ցանկանում եք միանալ Կլոր սեղան բարեգործական հիմնադրամի ծրագրերի իրականացմանը, խնդրում ենք այցելել roundtable-act.am և կատարել Ձեր նվիրատվությունը բարեգործական ծրագրերի իրականացմանը Հայաստանում: Միաժամանակ, կարող եք նաև նվիրաբերել 500 դրամ՝ ուղարկելով coronavirus բառը 6428 կարճ հեռախոսահամարին: Հաղորդագրություն կարող եք ուղարկել Հայաստանի բոլոր բջջային օպերատորների հեռախոսահամարներից: Նաև կարող եք բանկային փոխանցում կատարել հոլովակում նշված հաշվեհամարին: Միացեք մեզ:

ԵՀԽ հայաստանյան Կլոր սեղան բարեգործական հիմնադրամի (ՀԿՍ) նախաձեռնությամբ կայացավ «Եկեղեցու պայքարն ընտանեկան բռնության դեմ և տղամարդկանց ներգրավումը դրա կանխարգելման համար» ծրագրի շրջանակում նախատեսված դասընթացը Հայ Առաքելական Սուրբ Եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց, Կոտայքի իրենց հոգևոր ծառայությունը մատուցող քահանաների և սոցիալական աշխատողների համար: Հաշվի առնելով Կորոնավիրուսի համավարակը՝ դասընթացը տեղի ունեցավ առցանց: Դասընթացավարն էր հոգեբան Դավիթ Գևորգյանը:

Webinar priests armenia round table charity foundation 1

Օնլայն դասընթացն ուղղված էր սեռադերային կարծրատիպերի և նախապաշարումների, ինչպես նաև դրանցից բխող խտրական վարքի հոգեբանական առանձնահատկություններին։ Բացի այդ, շեշտադրվեցին նշված կարծրատիպերի կապը ընտանիքում բռնության հետ, ինչպես նաև դրանց հետ գործ ունենալու եղանակները։

Webinar priests armenia round table charity foundation 3

Քահանաները փորձագետի հետ քննարկեցին նաև վերոնշյալ թեմայի վերաբերյալ իրենց հովվության ներքո գտնվող համայնքներում առաջացած օրակարգային խնդիրները` ստանալով մասնագիտական խորհրդատվություն և ուղղորդում:

Webinar priests armenia round table charity foundation 4

Արդեն մեկ տասնամյակ ԵՀԽ հայաստանյան Կլոր սեղան բարեգործական հիմնադրամը ՄԱԿ-ի Բնակչության հիմնադրամի հետ համագործակցությամբ իրականացնում է Հայաստանում ընտանեկան բռնությունների կանխարգելմանն ուղղված ծրագրեր: Դրանց շրջանակում շարունակական վերապատրաստումներ են անցկացվում Հայ Առաքելական Եկեղեցու հոգևորականների և աշխարհիկ սոցիալական աշխատակիցների համար, որպեսզի նրանք իրականացնեն ընտանիքում բռնության առաջնային կանխարգելում` բարձրացնելով մարդկանց իրազեկությունը համայնքներում և ՀՀ բանակում, ինչպես նաև տրամադրելով անհատական, զույգի և ընտանեկան խորհրդատվություն:

Webinar priests armenia round table charity foundation 5

Իրենց ուրույն տեղն է զբաղեցնում հատկապես նորապսակների կամ ամուսնության պատրաստվող երիտասարդ զույգերի հետ տարվող խորհրդատվությունը: Ընտանիքում բռնությունն ունի բարդ ու բազմակողմանի բնույթ, որը պահանջում է համակողմանի մոտեցում: Այդ նպատակով Եկեղեցին և ՀԿՍ-ն ներկայացված են միջոլորտային աշխատանքային խմբերում` ուղղված բազմամասնագիտական գործնական մեխանիզմների մշակմանը: Տղամարդկանց ներգրավումը ծրագրի շրջանակում իրականացվելիք գործողություններին` հենց այն գլխավոր բանալին է, որն անհրաժեշտ է ընտանեկան բռնությունները կանխարգելելու համար:

«Հալեպ» հայրենակացական բարեսիրական կազմակերպությունը («Հալեպ» ՀԿ)՝ Եկեղեցիների համաշխարհային խորհրդի հայաստանյան միջեկեղեցական Կլոր սեղան բարեգործական հիմնադրամի (ՀԿՍ) ֆինանսավորմամբ իրականացվող «Երիտասարդների պայծառ ապագա» ծրագրի շրջանակում, կրթաթոշակներ տրամադրեց հայաստանյան բուհերում ուսանող 46 երիտասարդի:


2020 թ. փետրվարին հայտարարված՝ «Երիտասարդների պայծառ ապագա» ծրագրի կրթաթոշակի բաց մրցույթին ընդհանուր հաշվով դիմել էին 102 ուսանողներ, որոնցից 69-ը՝ ս.թ. գարնանային կիսամյակի ուսման վարձավճարի փոխահատուցման համար: Դիմորդների ընտրությունը կայացավ «ՀԱԼԵՊ» ՀԿ-ի Գործադիր տնօրեն Սարգիս Պալխեանի, ծրագրի համակարգող Արաքս Մարտիրոսյանի, ԵՀԽ Կլոր սեղան հիմնադրամի տնօրեն Կարեն Նազարյանի, ծրագրի ղեկավար Ռուբինա Դևրիկյանի և «Իմ քայլը» հիմնադրամի՝ Կրթական ծրագրերի համակարգող Արմեն Ներսեսյանի մասնակցությամբ:


Պայմանավորված COVID-19-ի համաճարակով, հանձնաժողը քննարկումն իրականացրեց առցանց տարբերակով: Մանրամասնորեն ուսումնասիրվեցին յուրաքանչյուր դիմորդի ներկայացրած փաստաթղթերը՝ հաշվի առնելով կրթաթոշակների տրամադրման՝ ծրագրով հաստատված չափանիշները, այն է՝ ակադեմիական բարձր առաջադիմությունը, հասարակական ակտիվությունն ու սոցիալական կարիքները: Հանձնաժողովի անդամների նկատառումների արդյունքում ընտրվեց 10 համալսարան ներկայացնող 46 ուսանող: Կրթաթոշակակիրները հանդիսանում են Հայաստանի, Սիրիայի, Իրաքի, Իրանի և Լիբանանի քաղաքացիներ:
Շնորհավորու՜մ ենք կրթաթոշակ ստացած ուսանողներին և մաղթում նորանոր հաջողություններ:


«Երիտասարդների պայծառ ապագա» ծրագիրը մեկնարկել է 2020 թ. փետրվարի 1-ին՝ ԵՀԽ հայաստանյան Կլոր սեղան բարեգործական հիմնադրամի աջակցությամբ: Ծրագրի նպատակն է սիրիահայ, իրաքահայ և այլ փախստականների, ինչպես նաև տեղացի երիտասարդների կարողությունների զարգացումը, ուսանողական կրթաթոշակների տրամադրումը և մասնագիտական պրակտիկայի միջոցով՝ աշխատանքային փորձի ապահովումը:

Հունիսմեկյան անակնկալ «Գալաքսի» ընկերությունների խմբի և ԵՀԽ հայաստանյան Կլոր սեղան բարեգործական հիմնադրամի կողմից: Արևիկ Սոցիալ - կրթական կենտրոնի փոքրիկների օրը լցվեց քաղցր անակնալներով: Քաղցրավենիքով լի արկղերի համեղ պարունակությունը մանուկներին բաժանեցին Հայ Առաքելական Եկեղեցու Տավուշի թեմի առաջնորդարանի և կենտրոնի աշխատակիցներն ու կամավորները։

 

ԵՀԽ հայաստանյան Կլոր սեղան բարեգործական հիմնադրամը շարունակում է կորոնավիրուսով պայմանավորված հակաճգնաժամային ծրագրերը: Այս անգամ սննդով լի փաթեթներ էին պատրաստվել Շիրակի թեմի հատուկ բազմանդամ ընտանիքների համար, որը կարող էր ապահովել ընտանիքին սննդով որոշակի ժամանակահատված: Փաթեթները լի էին ոչ միայն նպարեղենով, պահածոներով, բուսական յուղով, 10 կգ ալյուրով, տարբեր սննդարար ուտելիքներով, նաև երեխաների համար քաղցրավենիք էր նախատեսված: 36 բազմազավակ ընտանիքների տրամադրվեց այս աջակցությունը: Փաթեթները բաժանեցին Հայ Առաքելական Եկեղեցու Շիրակի թեմի սոցիալ-կրթական կենտրոնի աշխատակիցները:

shirak social centre Round Table Charity Foundation COVID 19 02 06 20 01

Սա ևս մեկ անգամ փաստում է, որ միայն միմյանց օգնելով կարող ենք հաղթահարել դժվարին իրավիճակը ու վիտամիններով հարուստ սնունդն ամուր ու անխոցելի կդարձնի ծնողներին ու երեխաներին, կպաշտպանի վարակներից ու տարատեսակ հիվանդություններից:

shirak social centre Round Table Charity Foundation COVID 19 02 06 20 03

Մեր նախորդ ծրագրերի մասին առավել մանրամասն կարող եք ծանոթանալ այստեղ և այստեղ:

Կլոր սեղան բարեգործական հիմնադրամի աջակցությամբ Հայ Առաքելական Եկեղեցու թեմերը նույնպես իրականացնում են հակաճգնաժամային միջոցառումներ:

Armenia Round Table-Ashtarak food package

Կլոր սեղան բարեգործական հիմնադրամը (Եկեղեցիների համաշխարհային խորհրդի հայաստանյան Կլոր սեղան միջեկեղեցական բարեգործական հիմնադրամ) նույնպես միացավ կորոնավիրուսի դեմ պայքարին: Հիմնադրամի աջակցությամբ Հայ Առաքելական Եկեղեցու թեմերում գործող սոցիալական կենտրոնները կամավորների ցուցակներ են կազմել և ամեն պահի պատրաստ են աջակցել ՀՀ կառավարությանը՝ ինքնամեկուսացման ընթացքում սոցիալական խնդիրների առաջ կանգնած մարդկանց աջակցություն բաժանելու հարցում: Ցուցակն ընդգրկում է 109 կամավոր: Դրանից բացի, սոցիալական կենտրոնները սեփական նախաձեռնությամբ արդեն սկսել են սոցիալական խոցելի խմբերին անհրաժեշտ պարենամթերքի, գրենական պիտույքների և այլ անհրաժեշտ պարագաների տրամադրումը:

Armenia Round Table Charity Foundation-Ashtarak Food package 2

Հայ Առաքելական Եկեղեցու Տավուշի թեմի Արևիկ սոցիալ-կրթական կենտրոնը՝ ԵՀԽ Կլոր սեղան հիմնադրամի աջակցությամբ, սննդի փաթեթներ պատրաստեց: Ծրագրի 1-ին փուլում Տավուշի թեմի առաջնորդարանում՝ թեմի առաջնորդ գերաշնորհ Տ. Բագրատ եպիսկոպոս Գալստանյանի գլխավորությամբ, կենտրոնի կամավորներն ու հոգևորականները՝ «Թելիկ» սոցիալական ձեռնարկության կարած դիմակներով «զինված», առաջնային անհրաժեշտության սննդի պարենի փաթեթները, որոնք ներառում են նաև թեմի «Վանքի անուշ» մուրաբաները, առաքեցին Իջևան, Գանձաքար, Սևքար, Ազատամուտ, Դիտավան, Վերին Կարմիրաղբյուր համայնքներում բնակվող և դժվար կացության մեջ հայտնված 33 ընտանիքներին:

Armenia Round Table Charity Foundation-Gyumri Food Package

Մայր Աթոռի ֆինանսավորմամբ՝ Շիրակի թեմի սոցիալ-կրթական կենտրոնի աշխատակիցներն նույնպես այս օրերի ընթացքում կամավոր սկզբունքով պատրաստել են սննդամթերքի փաթեթներ: Նրանք թեմի առաջնորդ գերաշնորհ Տ. Միքայել եպիսկոպոս Աջապահյանի օրհնությամբ, նպարեղենի ու անհրաժեշտ սննդի փաթեթ են տրամադրվում Գյումրիի 200 ընտանիքի: Սրանից զատ՝ նաև Շիրակի թեմի միջոցներով, հատկացվում են հիգիենայի պարագաներ: Եկեղեցու բարերարների աջակցությամբ ևս 50 ընտանիք ստացել է սննդամթերքի փաթեթներ:

Շահառուների կարիքի գնահատման ու աջակցման համար սոցիալ-կրթական կենտրոնը համագործակցում է մարզային ու քաղաքային իշխանությունների հետ՝ բացառելու համար կրկնակի օգնությունն ու ավելի թիրախային դարձնելով աջակցությունը:

Armenia Round Table Chairty Foundation-Gyumri protection Mask

Կանայք կենտրոնում կարում են 5000 դիմակ: Դիմակների պատրաստման ծրագիրն իրականացվում է Կլոր սեղան հիմնադրամի և Մայր Աթոռ Սուրբ Էջմիածնի համագործակցությամբ նախաձեռնված ծրագրի շրջանակում: Ընդհանուր առմամբ, ծրագրի շրջանակում նախատեսվում է Գյումրիի, Իջևանի, Վանաձորի սոցիալական կենտրոններում և Էջմիածնի հայորդյաց տանը կարել 20000 դիմակ:

Շիրակի թեմի առաջնորդարանի աջակցությամբ համայնքին օգնելու համար անկողնային պարագաներ են կարվում, որոնք հատկացվելու են մարզի հիվանդանոցների ստացիոնար բաժանմունքներին: Շիրակի թեմի սոցիալ-կրթական կենտրոնը օրեր առաջ վերմակներ, հիգիենայի պարագաներ է նվիրել Գյումրու ինֆեկցիոն հիվանդանոցին և Մոր և մանկան Ավստրիական հիվանդանոցին: Կենտրոնի աշխատակիցները բացի իրենց հիմնական աշխատանքային գործառույթներից կամավոր հիմունքներով ներգրավված են իրականացվող բոլոր աշխատանքներին:

Արագածոտնի թեմի և Մայր Աթոռ Սուրբ Էջմիածնի հովանավորությամբ ապրիլին սննդային աջակցություն է տրամադրվել Աշտարակի «Սուրբ Մարիանե» և Սաղմոսավանի սոցիալական կենտրոնների շահառու 115 սոցիալապես անապահով և ծանր դրության մեջ հայտնված ընտանիքներին: Կենտրոնը հոգևարոկանների հետ հանդիպումները և արվեստի դասընթացները նույնպես անցկացնում է հեռավար:

Karakert grenakan 1

«Նարեկ» ՀԿ նախաձեռնությամբ աջակցություն է ցուցաբերվել Արմավիր թեմի Քարակերտի Սուրբ Գրիգոր Նարեկացու անվան հոգևոր մշակույթի կենտրոնում գործող նախակրթարանի 40 սանի՝ տրամադրելով հիգիենիկ պարագաներ և գրենական պիտույքներ: Կենտրոնը բոլոր դասընթացները տեղափոխել է առցանց հարթակ:

Գեղարքունյաց թեմի Գավառի և Վարդենիսի սոցիալական կենտրոնները նույնպես խմբակների աշխատանքը և դասընթացները տեղափոխել են առցանց հարթակ: Բոլոր այն կենտրոնները, որոնք անցել են հեռավար դասընթացի, նշում են, որ հիմնական խոչընդոտներից են սարքերի և համացանցի բացակայությունը որոշ շահառուների ընտանիքներում:

Եթե ցանկանում եք նվիրատվություն կատարել մեր ծրագրերի իրականացման համար, սեղմեք այստեղ: Ձեր ներդրած յուրաքանչյուր լուման կարևոր է:

DSC 1232World Council of Churches Armenia Round Table Foundation (ART) invited its partners for a Christmas event to round-up 2016. Dr. Karen Nazaryan, Executive Director of ART presented the dynamics of charity projects. 

 

Father Kyuregh Talyan talked about challenges of Christianity in his Christmas sermon. Next, the "Surb Nshan" educational-cultural centre Choir performed "Nubar-Nubar" and "Silent Night" songs. 

 

The meeting concluded with the prayer, as well as Christmas and New Year wishes by Bishop Bagrat Galstanyan, Primate at Tavush Diocese of Armenian Apostolic Church. 

 

DSC 1240Mr. Mathias Kissler, Germanys' Ambassador to Armenia, representatives from EU delegation to Armenia, US Embassy  and partner organizations participated in the event. 

 

The guests had a chance to taste food from Social Enterprises, founded with the support of ART. Some of them also purchased hand-made pieces of exhibition prepared by ART partner organizations and Social centres, thus contributing to their development. 

ԱՆԳԼԵՐԵՆԻ ԴԱՍԵՐ ՍՈՑԻԱԼ-ԿՐԹԱԿԱՆ ԿԵՆՏՐՈՆՈՒՄ

ՀԱԵ Շիրակի թեմի Սոցիալ-կրթական կենտրոնն անցկացնում է անգլերենի դասեր իր աշխատակիցների, կամավորների և շահառուների համար: Դասընթացն ուղղված է մասնակիցների լեզվի ինքնուրույն յուրացմանը և սեփական հմտությունների զարգացմանը՝ ձեռք բերելով բազային գիտելիքներ քերականության և բանավոր խոսքում

Մասնակիցները սովորում և զարգացնում անգլերեն են բանավոր խոսքը՝ ազատ, անկաշկանդ մթնոլորտում, անգլերեն լեզվով քննարկումներին մասնակցելու միջոցով, որպեսզի ստանան ընդհանուր գիտելիքներ, որոնք անհրաժեշտ են օտարերկրյա գործընկերների հետ հանդիպումների, ընկերների հետ շփվելու, ճանապարհորդելու, ինչպես նաև ֆիլմերի և հաղորդումների դիտման համար:

ԱՆԻ ՄԿՐՏՉՅԱՆ

ԲԱՐԵԳՈՐԾԱԿԱՆ ՄԻՋՈՑԱՌՈՒՄ

Նոյեմբերի 18-ին ՀԱԵ Շիրակի թեմի Սոցիալ-կրթական կենտրոնը, «Վորլդ Վիժն» Գյումրիի Տարածքային Զարգացման Ծրագիրը, «Նոր Լույս» մենթորինգ կենտրոն երիտասարդների համար» ՀԿ-ն, «ԿԱԶԱ» հիմնադրամը և «Սրբազան հող» բարեգործական ՀԿ-ն իրականացրեցին բարեգործական միջոցառում՝ նվիրված Ուսանողների միջազգային օրվան:

Ելույթ ունեցավ Գյումրու ռոք դպրոցը: Համերգին հաջորդեց շնորհալի երիտասարդների ներկայացրած ձեռքի աշխատանքների ցուցահանդես-վաճառքը և դիմանկարչությունը:

Բարեգործական միջոցառման նպատակն էր նպաստել երիտասարդության ստեղծագործական մղումներին, օգնել, որպեսզի տաղանդները բացահայտվեն, ինչպես նաև խթանել բարեգործությունը և ցուցահանդես վաճառքից ստացված հասույթը տրամադրել երկրաշարժի հետևանքով անօթևան մնացած ընտանիքներին:

ԱՆԻ ՄԿՐՏՉՅԱՆ

ՎԱՐՍԱՀԱՐԴԱՐՄԱՆ ԴԱՍԸՆԹԱՑԻ ԱՎԱՐՏԸ

Նոյեմբերի 22-ին ՀԱԵ Շիրակի թեմի Սոցիալ-կրթական կենտրոնում տեղի ունեցավ վարսահարդարման դասընթացի ավարտական քննությունը: Այս մասնագիտական դասընթացը կազմակերպվել էր Դի-Վի-Վի Ինթերնեյշնլ միջազգային կազմակերպության ֆինանսական աջակցությամբ:

Մեծահասակների կրթությանն ուղղված երկամսյա դասընթացի նպատակն էր քաղաքի 22 գործազուրկներին աջակցել նոր՝ աշխատաշուկայի պահանջներին համապատասխանող մասնագիտական որակավորում ձեռք բերելու, ինքնազբաղվածություն ապահովելու և կայուն եկամուտ ունենալու հարցում:

Վարսահարդարման դասընթացի ընթացքում մասնակիցները ստացել են տեսական գիտելիք և գործնական հմտություններ՝ ապահովված լինելով անհրաժեշտ նյութատեխնիկական պայմաններով:

Ավարտական քննության ժամանակ մասնակիցները ցուցադրեցին կտրվածքներ, տոնական և ամենօրյա սանրվածքներ, հարդարում, ձևավոր հարդարում և հյուսքեր՝ հավաստիացնելով դասընթացավարին և դասընթացի կազմակերպիչներին, որ վստահ կարող են մուտք գործել վարսահարդարների աշխարհ

ԱՆԻ ՄԿՐՏՉՅԱՆ

ԲԱՐԵՐԱՐՆԵՐԻ ԱՅՑԸ ԳՅՈՒՄՐԻ

ՀԱԵ Շիրակի թեմի Սոցիալ-կրթական կենտրոնը հյուրընկալեց Սիրիայի հայոց թեմի առաջնորդ Տեր Արմաշ եպս. Նալբանդյանին և FLY (Ազատասեր երիտասարդներ) կազմակերպության տնօրենին: Այցելության նպատակն էր օգնել կարիքի մեջ գտնվող երեխաներին: Բարերարները Սոցիալ-կրթական կենտրոնի աշխատակիցների հետ այցելեցին Գյումրի քաղաքի մանկատներ: Մի քանի ամիս առաջ կատարած այցելության ժամանակ ճշտվել էին մանկատների երեխաների կարիքները, և այս անգամ արդեն նվերներով հյուրերը այցելեցին նրանց և  պարգևեցին երեխաներին ուրախություն ու անկեղծ ժպիտ: Բարերարները մանկատներին նվիրեցին անկողնային պարագաներ, գիշերային զգեստներ, տաք վերարկուներ, գլխարկներ, վզնոցներ, սպորտային  համազգեստ և սպասք:

Գյումրու Երեխաների տանը Շիրակի թեմի առաջնորդ Տեր Միքայել եպս. Աջապահյանի և Տեր Արմաշ եպս. Նալբանդյանի ձեռամբ կատարվեց 124 երեխաների մկրտություն: Ներկա էին նաև Շիրակի մարզպետն ու քաղաքապետարանի աշխատակիցները, որոնք կնքահայր դարձան այս երեխաների համար: Առաջին անգամ կյանքում կնքահայր դարձան նաև Սոցիալ-կրթական կենտրոնի երիտասարդական ուղղության անդամները:

Նվերներ ստացան նաև Սոցիալ-կրթական կենտրոնի «Հեքիաթ» ցերեկային խնամքի կենտրոնի և «Ամենագետիկ» նախակրթարանի սաները, 13 շահառու ընտանիքում գտնվող երեխաները նվեր ստացան ձմեռային տաք վերարկուներ, հագուստ և կոշիկներ, սպորտային համազգեստ, խաղալիքներ, սննդի մեծ տոպրակներ, տնտեսական պարագաներ, քաղցրավենիքի տոպրակներ, հեծանիվ, սահնակ, սառնարան, ջրատաքացուցիչ և վառելափայտ: FLY կազմակերպությունը, Կարոլինի և սրբազանի գլխավորությամբ, իրականացրեց այս ընտանիքների վաղեմի և արդեն անհնար թվացող երազանքները:

Այս ընտանիքներից 21 երեխա մասնակցեց FLY-ի կազմակերպած հյուրասիրությանը «Պոնչիկ մոնչիկ» մանկական սրահում, ուր երեխաները խաղացին, 7D ֆիլմեր դիտեցին, հյուրասիրվեցին և պարեցին:

ԼԵՆԱ ՄԱՐԳԱՐՅԱՆ

ՈՍԿԵ ԱՇՈՒՆԸ «ԱՄԵՆԱԳԵՏԻԿ»-ՈՒՄ 

Նոյեմբերի 17-ին ՀԱԵ Շիրակի թեմի Սոցիալ-կրթական կենտրոնի նախակրթարանի սաները պատրաստվել էին «Ոսկե աշուն» խորագիրը կրող հանդեսին:

Բեմահարթակը  զարդարված էր աշնանային գույներով ու տերևներով, իսկ փոքրիկները փայլում էին իրենց դեղնադարչնագույն հագուստներով: Ողջույնի խոսքով հանդես եկավ նախակրթարանի դաստիարակը, որից հետո սաներն ասմունքեցին աշնանը նվիրված բանաստեղծություններ ու երգեցին երգեր հայերեն և անգլերեն լեզուներով:

ՀԱՍՄԻԿ ԲՈՅԱՋՅԱՆ

ԵՐԻՏԱՍԱՐԴԱԿԱՆ-ՈՒՍԱՆՈՂԱԿԱՆ ՇԱԲԱԹ 2016

Նոյեմբերի 10-17 «Գյումրի` երիտասարդական մայրաքաղաք 2016» ծրագրի շրջանակում ՀԱԵ Շիրակի թեմի Սոցիալ-կրթական կենտրոնի երիտասարդական բաժինը ՀՀ սպորտի և երիտասարդության նախարարության և Գյումրիի քաղաքապետարանի հետ իրականացրեց «Երիտասարդական ուսանողական շաբաթ» ծրագիր:

Տեղի ունեցավ հանդիպում ՀԱԵ Շիրակի թեմի առաջնորդ Տեր Միքայել եպս Աջապահյանի հետ: Անցկացվեց «Երիտասարդական ֆորում» միջոցառումը՝ նպատակ ունենալով վեր հանել երիտասարդության հուզող հարցերի պատասխանները: Տեղի ունեցավ նաև երիտասարդ ստեղծագործողների ձեռքի աշխատանքների ցուցահանդես-վաճառք:

Երիտասարդներն անցկացրեցին «Գյումրու երիտասարդական ինտելեկտուալ փառատոնը», որը բաղկացած էր «Ի՞նչ, որտե՞ղ, ե՞րբ» և «Սեփական խաղ» մրցույթներից։ Փառատոնին մասնակցում էր 25 թիմ Գյումրիից և Երևանից։ Անցկացվեցին նաև ֆոտբոլային հանդիպումներ երիտասարդական թիմերիԳյումրի քաղաքապետարանի և Շիրակի մարզպետարանի թիմերի միջև:

Նոյեմբերի 15-ին Գյումրու բուհերի ուսանողները հանդիպեցին են Գյումրու քաղաքապետի տեղակալ Վաղարշակ Մխիթարյանի և Շիրակի փոխմարզպետ Սեյրան Պետրոսյանի հետ։ Մասնակիցները փորձեցին գտնել հուզող հարցերին լուծումները:

Միջոցառումների շարքը եզրափակվեց «Մաֆիա» խաղի առաջնությամբ և համերգային ծրագրով:

ԳՐԻՇԱ ՀՈՎՍԵՓՅԱՆ

ՍՐԲԱԶԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ

ՍՈՑԻԱԼԱԿԱՆ ԱՇԽԱՏՈՂՆԵՐԻՆ

Նոյեմբերի 4-ին՝ Սոցիալական աշխատողի միջազգային օրը, ՀԱԵ Շիրակի թեմի Սոցիալ-կրթական կենտրոնը իր դռներն էր բացել Գյումրի քաղաքի հասարակական կազմակերպությունների ու տեղական ինքնակառավարման մարմիններում աշխատող սոցիալական աշխատողների և սոցիալական ոլորտի աշխատակիցների առջև:

Նրանք հանդիպեցին ՀԱԵ Շիրակի թեմի առաջնորդ Տեր Միքայել եպս. Աջապահյանի հետ, ստացան նրա հայրական օրհնությունն ու շնորհավորական ուղերձը: Սրբազան Հայրը հորդորեց ուժով զինվել և շարունակել այս դժվարին, բայց աստվածահաճո գործը: Գեղեցիկ օրվա առիթով մասնակիցները ստացան փոքրիկ, բայց հաճելի նվերներ:

Էջ 1, 2-ից

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436