Նորություններ

Մեկնարկեց Adobe After Effects վիդեոմշակման ծրագրի դասընթացը «Սիրիահայ երիտասարդների պայծառ ապագա» ծրագրի շրջանակներում, որն իրականացվում է «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից՝ ԵՀԽ Կլոր Սեղան հիմնադրամի աջակցությամբ:

Դասընթացի շնորհիվ մասնակիցը ձեռք կբերի գիտելիքներ վիդեոնյութերի խմբագրման, գովազդային և տեսահոլովակների ստեղծման մասին, ինչպես նաև կսովորի կիրառել դրանք տիտրերում, անիմացիաներում և այնտեղ, որտեղ անհարաժեշտ են թվային վիդեոէֆեկտներ:

«Նախկինում մասնակցել եմ Adobe Premiere Pro ծրագրի դասընթացին և ուրախ եմ, որ ծրագիրը շարունակական է։ Շնորհակալություն եմ հայտնում ՀԱԼԵՊ ՀԿ-ին և ԵՀԽ Կլոր սեղան հիմնադրամին՝ ընձեռնված հնարավորության համար: Ապագայում նպատակ ունեմ սեփական գործունեությունս ծավալել ՏՏ ոլորտում, իսկ այս դասընթացն օգնում է բարելավվել գիտելիքներս և հասնել իմ նպատակին»,- նշում է դասընթացի մասնակից Հրագ Բեբեջյանը:

«Սիրիահայ երիտասարդների պայծառ ապագա» ծրագիրը ֆինանսավորվում է Եկեղեցիների hամաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման բաղադրիչի նպատակն է բարելավվել սիրիահայ երիտասարդների հմտություններն ու մրցունակությունը հայաստանյան աշխատաշուկայում և հնարավորություն տալ՝ հասնելու իրենց աշխատանքային նպատակներին:

Արագածոտնի Թեմի «Սուրբ Մարիանե» սոցիալական կենտրոնի մոտ 30 անդամ՝ երեխաներ, մեծահասակներ, աշխատակազմ և կամավորներ, կենտրոնի այգում իրականացրեցին ծառատունկ:

Armenia Tree Project ծրագրի հետ համագործակցության արդյունքում ծրագիրը կենտրոնին տրամադրեց 26 տնկի, որոնցից 8-ը բերքատու ծառեր են՝ խնձորենի, տանձենի, սալորենի, նշենի, իսկ մնացածը՝ ֆորզիցիայի, ասպիրանսի և բարբարիսի թփեր:

DSC09486

Ծառատունկի ընթացքում իրենց ոգևորությամբ և աշխատասիրությամբ աչքի ընկան հատկապես կենտրոնի երեխաները Նրանք կազմելով խմբեր՝ մշակեցին և նախապատրաստեցին այգու այն հատվածները, որտեղ պետք է տնկվեին ծառերն ու թփերը։

DSC09551

Միջոցառման ընթացքում երեխաներին ներկայացվեց տնկիների խնամքի կանոնները՝ ջրելու, էտելու և այլն։ Ծնկված բոլոր ծառերն անվանակոչվեցին և երեխաները հանձն առան խնամել իրենց տնկած ծառերը: Նմանատիպ միջոցառումները լինելու են շարունակական և նպատակ ունեն կենտրոնի անդամների և Աշտարակ համայնքի բնակիչների շրջանում ձևավորել բնապահպանական մտածելակերպ, բնության նկատմամբ հոգատար վերաբերմունք և ավելի կանաչ ու մաքուր դարձնել մոլորակը:

Կտրուկ հակագրոհով Նավուրի ֆուտբոլային թիմի հարձակվողը գրավում է Չինչինի թիմի դարպասը և բացում հանդիպման հաշիվը: Խաղն ընթանում է լարված պայքարում՝ կողմերի անզիջում գրոհներով և հակագրոհներով: Որպես տրիբունա ծառայող լանջին և դաշտի երկայնքով տեղադրված մի քանի նստարանին տեղավորված նավուրցի երեխաները սատարում են հայրենի գյուղի թիմին՝ վանկարկելով. «Նա-վուր, Նա-վուր»:

IMG 4033

Նավուրի և Չինչինի ֆուտբոլային թիմերը մի քանի ամիս առաջ նման ֆուտբոլային հանդիպում անցկացնելու հնարավորություն չունեին: Սակայն այսուհետև ոչ միայն Նավուրի, այլև հարևան գյուղերի թիմերը կկարողանան մարզվել և խաղալ նորաբաց ֆուտբոլային դաշտում, որը հագեցած է բոլոր անհրաժեշտ հարմարություններով: Ֆուտբոլային դաշտի վերակառուցման ծրագիրն իրագործել են ԵՀԽ հայաստանյան Կլոր սեղան հիմնադրամը և «Շեն» բարեգործական հասարակական կազմակերպությունը՝ «Մեկ գյուղ» կոնսորցիումի շրջանակում, համայնքի գործուն մասնակցությամբ: Նավուրի դպրոցին կից ֆուտբոլի դաշտից բացի ստեղծվել է նաև բասկետբոլի և վոլեյբոլի խաղադաշտ, որտեղ մարզվում են տղաներն ու աղջիկները: Իսկ աղջիկների բասկետբոլի թիմն արդեն զգալի հաջողությունների է հասել մարզային առաջնություններում:

IMG 4080

Կոնսորցիումի ևս մեկ ծրագրի շնորհիվ Նավուրի բնակիչներն այսուհետև կունենան մշտական խմելու ջուր: Նախագիծն իրականացվել է համայնքի, «Շեն» բարեգործական հասարակական կազմակերպության, «Հայկական Կարիտաս» բարեսիրական ՀԿ-ի և «Դիակոնիա» բարեգործական հիմնադրամի աջակցության շնորհիվ:

IMG 3988

Նավուրում գործող գյուղատնտեսական կոոպերատիվը «Մեկ գյուղ» կոնսորցիումի անդամ Հայ օգնության ֆոնդի աջակցությամբ ստացել է շարքացան, սրսկիչ, կարտոֆիլահան և այլ գյուղտեխնիկա: Կոոպերատիվը միավորում է 60-ից ավելի ֆերմերի: Կոոպերատիվի ներկայացուցիչների խոսքով՝ տեխնիկան կնպաստի աշխատանքների արդյունավետության բարձրացմանը, որը կբերի բերքատվության աճին և նոր հողատարածքներ մշակելուն:

IMG 3992

Կոնսորցիումի անդամներն այս տարվա հունիսից սեպտեմբեր ընկած ժամանակահատվածում այցելություններ են կատարել Տավուշի մարզի Նորաշեն, Նավուր, Այգեպար և Կիրանց համայնքներ՝ տեղում ծանոթանալու գյուղերի կարիքներին, լսելու բնակչությանը և տեղական ինքնակառավարման մարմինների ներկայացուցիչներին:

IMG 4054
Գնահատման և քննարկումների արդյունքում որոշվել է աջակցության առաջնային թիրախ սահմանել Նավուր համայնքը, իսկ երկրորդային աջակցության համար ընտրվել է Կիրանցը՝ որպես առանձնահատուկ կարիքներ ունեցող գյուղ:

IMG 4051

«Մեկ գյուղ» կոնսորցիումի նախաձեռնությամբ 2017 թ. Գեղարքունիքի մարզի Մարտունի համայնքին տրամադրվել է գյուղտեխնիկա, հիմնվել է մանկապարտեզ, ֆինանսավորվել է դպրոցում աշխատող ուսուցչի աշխատավարձը, փոխհատուցվել է գյուղաբնակ ուսանողների ուսման վարձը:

Tavush Consortium Members

Նախաձեռնության անդամներն են Ամերիկայի Հայ Ավետարանչական ընկերակցությունը, «Շեն» բարեգործական հասարակական կազմակերպությունը, «Հայաստանի մանուկներ» հիմնադրամը, «Զարգացման սկզբունքներ» ՀԿ-ն, Հայ օգնության ֆոնդը, Վորլդ վիժն Հայաստանը, Եկեղեցիների համաշխարհային խորհրդի հայաստանյան Կլոր սեղան հիմնադրամը, «Դասավանդի՛ր, Հայաստան»-ը, Հայկական բարեգործական ընդհանուր միությունը, «Հայկական Կարիտաս» բարեսիրական ՀԿ-ն, «Դիակոնիա» բարեգործական հիմնադրամը:

Նոյեմբերի 12-ից - 15-ն Էստոնիայի մայրաքաղաք Տալլինում Եվրոպայում դիակոնիայի և սոցիալական գործողության միջազգային ակադեմիայի «Ինտերդիակ» նախաձեռնությամբ կայացել է «Խաղաղաշինություն և հաշտեցում» նոր ուսուցանվող ծրագրի հանդիպում-քննարկումը։

75464376 10217256664061016 3241074349825851392 n

Հյուրընկալող կողմն էր «Ինտերդիակ» միջազգային կազմակերպության գործընկեր Էստոնիայի Ավետարանական Լութերական Եղեկեցու դիակոնիայի հիմնադրամը։ Հանդիպմանը ներկա էին տարբեր կազմակերպությունների ներկայացուցիչներ Ուկրաինայից, Ռուսաստանից, Բելառուսից, Չեխիայից, Ռումինիայից, Լեհաստանից, Սերբիայից, ինչպես նաև Հայաստանից: ՀԿՍ հիմնադրամի գործունեությունը և նրա ռազմավարական ուղղություններից մեկը՝ «Տարածաշրջանային երկխոսություն հանուն խաղաղության», հանդիպման ժամանակ ներկայացրեց ՀԿՍ-ի ծրագրային աշխատող Հարություն Կարապետյանը:

ԵՀԽ հայաստանյան Կլոր սեղան հիմնադրամը նույնպես Քենիայի մայրաքաղաք Նայրոբիում մասնակցել է «Nairobi Summit 2019» գագաթնաժողովին: Այն նվիրված էր Բնակչության և զարգացման միջազգային համաժողովի (ICPD) 25-ամյակին: Կլոր սեղան հիմնադրամը ներկայացնում է ծրագրերի պատասխանատու Կարինե Քոչարյանը: Հայաստանից ժամանած պատվիրակության կազմում են ՀՀ աշխատանքի և սոցիալական հարցերի նախարար Զարուհի Բաթոյանը, ԱԺ պատգամավորներ Նարեկ Զեյնալյանը, Լուսինե Բադալյանը, ՄԱԿ-ի բնակչության հիմնադրամի (UNFPA) հայաստանյան գրասենյակի ղեկավար Ծովինար Հարությունյանը, ՀՀ մարդու իրավունքների պաշտպանի տեղակալ Արտյոմ Սեդրակյանը, «ՎԻՆՆԵՏ Հայաստանի» նախագահ Ռուզաննա Տոռոզյանը, Երիտասարդական նախաձեռնությունների կենտրոնի ներկայացուցիչ Մարիամ Ղարագյոզյանը: Միջոցառումն անցկացվել է նոյեմբերի 11-ից 14-ը Քենիայի և Դանիայի կառավարությունների, ՄԱԿ-ի բնակչության հիմնադրամի (UNFPA) և ՄԱԿ-ի սեռական և վերարտադրողական առողջության գործակալության աջակցությամբ:

Nairobi Summit 2019 ART

Այս տարի լրանում է «Բնակչության և զարգացման միջազգային համաժողովի» (International Conference on Population and Development ICPD-) 25-ամյակը, որը տեղի է ունեցել Կահիրեում՝ 1994 թ-ին: Միջոցառման ընթացքում 179 երկրի կառավարություններ ընդունել են «Գործողությունների ծրագիրը»՝ հաստատելով, որ վերարտադրողական առողջությունը, կանանց հզորացումը և գենդերային հավասարությունը կայուն զարգացման հիմնարար ուղիներից են:

Այսօր աշխարհը ձգտում է հասնել ՄԱԿ-ի կայուն զարգացման նպատակներին, և համընդհանուր սեռական և վերարտադրողական առողջությունն այս օրակարգի առանցքային մասն է կազմում:

ՀԱԵ Արագածոտնի թեմի Աշտարակի «Սուրբ Մարիանե» սոցիալական կենտրոնի և Սաղմոսավանի Հայորդաց տան սաների մասնակցությամբ Սաղմոսավանի նորակառույց Հայորդաց տան դահլիճում ցուցադրվեց բնապահպանական բովանդակությամբ «Բացատում» թատերական ներկայացումը: «Սուրբ Մարիանե», ինչպես նաև Սաղմոսավանի սոցիալական կենտրոնները գործում են ԵՀԽ հայաստանյան Կլոր սեղան հիմնադրամի աջակցությամբ:

DSC09196

Միջոցառման նպատակն է արվեստի միջոցով իրազեկել մարդկանց` շրջակա միջավայրի պահպանմանը վերաբերող հիմնախնդիրներին, ինչպես նաև նպաստել երկու կենտրոնի սաների համագործակցության, ընկերական հարաբերությունների զարգացմանն ու ամրապնդմանը, այդ թվում` փոխանցել «Սուրբ Մարիանե» կենտրոնի փորձը Հայորդաց տան սաներին:

Ներկայացման նախաձեռնողը «Սուրբ Մարիանե» սոցիալական կենտրոնի թատերական խմբակն էր, որտեղ մշակվել է սցենարը, պատրաստվել են զգեստները և բեմադրության համար անհրաժեշտ պարագաները, իրականացվել են փորձերը: «Սուրբ Մարիանե» կենտրոնը նշված աշխատանքներին հրավիրել է մասնակցել նաև Սաղմոսավանի Հայորդած տան սաներին, որոնք ակտիվորեն և մեծ ոգևորությամբ հաճախում էին փորձերին:

20191107 172757

Ներկայացմանը հաջորդած համերգային ծրագրի ընթացքում կենտրոնների երեխաները կատարեցին ազգային երգեր՝ սկզբում երկու կենտրոնի միասնական երգչախմբով, իսկ հետո ամեն կենտրոնի երգչախումբն առանձին: Բեմադրությանը ներկա են եղել «Սուրբ Մարիանե» սոցիալական կենտրոնի աշխատակազմը, Հայորդաց տան սաներն Սաղմոսավան և Արտաշավան գյուղերից, նրանց ընտանիքների անդամները, հարազատները:

DSC09167

Հանդիսատեսները ծանոթացան նաև Հայորդաց տան սաների բազմաթիվ նկարչական ստեղծագործություններին, որոնք ստեղծվել են «Սուրբ Մարիանե» սոցիալական կենտրոնի կամավորների կազմակերպած նկարչության դասընթացների ժամանակ: Նախատեսվում է համատեղ միջոցառումների իրականացումը դարձնել շարունակական, ինչը կնպաստի նաև Սաղմոսավանում և Արտաշավանում համայնքային կյանքի աշխուժացմանը:

Մայր Աթոռի Հայեցակարգային հարցերի գրասենյակում տեղի ունեցած խորհրդակցությանը մասնակցում էին Մայր Աթոռի Հայեցակարգային հարցերի գրասենյակի տնօրեն Գերաշնորհ Տեր Վազգեն եպիսկոպոս Միրզախանյանը, Միջեկեղեցական հարաբերությունների գրասենյակի տնօրեն Հոգեշնորհ Տեր Շահե ծայրագույն վարդապետ Անանյանը, ԵՀԽ հայաստանյան Կլոր սեղան հիմնադրամի տնօրեն Կարեն Նազարյանը, Ջինիշյան հիշատակի հիմնադրամի Հայաստանի գրասենյակի տնօրեն Արմեն Հակոբյանը, Վորլդ Վիժն Հայաստանի գրասենյակի տնօրեն Ժիրայր Էդիլյանը և Վորլդ Վիժն գրասենյակի ներկայացուցիչ Մադլենա Մուրադյանը:
Վազգեն սրբազանը ներկայացրեց Հայեցակարգի հարցերը, այլ Եկեղեցիների պատրաստած սոցիալական դոկտրինները և հետագա անելիքները: Խորհրդակցության մասնակիցները կարծիքներ փոխանակեցին խնդրո առարկա հանդիսացող նյութի վերաբերյալ: Առաջարկվեց աշխատանքների արդյունավետության նպատակով կազմակերպել կլոր սեղաններ, մասնագիտական քննարկումներ, արտասահմանից հրավիրել փորձառու մասնագետներին, ովքեր իրենց փորձառությունը կկիսեն հայաստանյան գործընկերների հետ:


Կլոր Սեղան հիմնադրամը ստանձնեց Հռոմեական Կաթոլիկ և Ռուս Ուղղափառ Եկեղեցիների Հայեցակարգերի թարգմանությունը, Վորլդ Վիժն կազմակերպությունը` կլոր սեղանների կազմակերպումը և արտասահմանից մասնագետների հրավիրումը, իսկ Ջինիշյան հիմնադրամը` դոնորների հետ աշխատանքներ տանել` Հայ Եկեղեցու Հայեցակարգը պատրաստող մասնագետներին վճարելու ուղղությամբ:


Որոշվեց առաջին երեք կլոր սեղանները կազմակերպել սոցիալական, բնապահպանական և առողջապահական հարցերի վերաբերյալ: Հայեցակարգային հարցերի գրասենյակը ստանձնեց հանդիպել համապատասխան ոլորտների մասնագետների հետ և ձևավորել մասնագիտական խորհուրդ, որը Մայր աթոռի վարդապետական խորհրդի հետ կյանքի կկոչի Հայ Եկեղեցու Հայեցակարգի պատրաստման գործը:

Հոկտեմբերի 30-ին ԵՀԽ հայաստանյան Կլոր սեղան հիմնադրամի նախաձեռնությամբ Նոյեմբերյանում Սի-Սի-Դի ՀԿ-ի գրասենյակում տեղի ունեցավ հակամարտությունների փոխակերպմանը նվիրված ոչ ֆորմալ կրթական դասընթացի հերթական հանդիպումը: Դասընթացավարներն էին Երևանի պետական համալսարանի Իջևանի մասնաճյուղի գրադարանի վարիչ և համալսարանի դասախոս Վլադիմիր Պողոսյանը, Երևանի պետական համալսարանի Իջևանի մասնաճյուղի շրջանավարտների և արտաքին շահակիցների աշխատանքների համակարգող Էրինե Ղարայանը, Հայ Առաքելական Եկեղեցու Շիրակի թեմի սոցիալ-կրթական կենտրոնի աշխատակիցներ՝ Մելանյա Ռաֆայելյանը և Կարինե Տոնոյանը: Նրանք ներկայացրեցին «Հակամարտությունների փոխակերպում» ձեռնարկի համառոտ 5 թեմաները և աշակերտների հետ քննարկեցին կոնֆլիկտի դերակատարների և կոնֆլիկտի վերլուծության մեթոդների մասին: Դասընթացի ժամանակ ներկա էին Նոյեմբերյան, Կողբ, Ջուջևան և Այրում համայնքներից թվով 20 երիտասարդներ, որոնք ինտերակտիվ խաղերի միջոցով հնարավորություն ստացան ավելի պրակտիկորեն հասկանալ կոնֆլիկտային հողորդացման հմտությունները:

IMG 3893


Դասընթացները կօգնեն երիտասարդներին ստանալ բազային գիտելիք կոնֆլիկտների ծագման և զարգացման օրինաչափությունների վերաբերյալ, զարգացնել կոնֆլիկտների հետ աշխատանքի վերլուծական ունակությունները, նպաստել կոնֆլիկտների ստեղծագործական փոխակերպման, ոչ ստանդարտ ու նորարարական մտածելակերպի ձևավորմանը: Այն նաև կօգնի փոխել վերաբերմունքը ինչպես կոնֆլիկտների ընկալման, այնպես էլ դրանց փոխակերպման հնարավորությունների նկատմամբ:

IMG 3940


Դասընթացն անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում՝ Շվեյցարիայի բողոքական եկեղեցիների միության (HEKS/EPER) աջակցությամբ:

IMG 3871ԵՀԽ հայաստանյան Կլոր սեղան հիմնադրամի նախաձեռնությամբ և աջակցությամբ մեկնարկել է սոցիալական ձեռնարկությունների հիմնադրմանն ուղղված դասընթացի երրորդ փուլը: Հայ Առաքելական Եկեղեցու թեմերին կից Կլո սեղան հիմնադրամի աջակցությամբ գործող սոցիալական կենտրոնների, ինչպես նաև հիմնադրամի գործընկեր կազմակերպությունների ներկայացուցիչներն այս փուլում վերլուծել են առաջին 2 փուլերի ընթացքում դասընթացներից ստացած տնային աշպատանքները, ամփոփել արդունքները:

IMG 3859

Այնուհետև դասընթացավարները ներկայացրել են ֆոնդհայթայթման հիմունքները: Եռօրյա դաընթացի ընթացքում մասնակիցները գործնական և տեսական աշխատանքի միջոցով նաև նոր գիտելիք են ձեռք բերել ռեսուրսների քարտեզագրման, դրամաշնորհային հայտերի պատրաստման հիմունքների, քրաուդֆանդինգի գաղափարի և կիրառման, արշավի ձեւակերպման և թիրախավորման (կարիք, առաքելություն, դեսպաններ և այլն), տեսանյութի սցենարի և նակարահանման և ֆոնդահայթայթման պլանի վերաբերյալ:

IMG 3868

Այնուհետև դասընթացավարներ Սուրեն Մխիթարյանը, Արեգ Թադևոսյանը և Վլադիմիր Սահակյանը գործնական աշխատանք են անցկացրել մասնակիցների հետ: Դասընթացի ավարտին նախանշվել են հետագա քայլերը, ինչպես նաև տրվել է հաջորդ փուլի մեկնարկը:

IMG 3862

Մարտի 22-ին մեկնարկել է սոցիալական ձեռնարկությունների հիմնմանն ուղղված դասընթացը: 9 ամիս տևող ուսումնական գործընթացի 40 մասնակիցները Կլոր սեղանի աջակցությամբ Հայ Առաքելական Եկեղեցու թեմերում գործող սոցիալական կենտրոններում և գործընկեր կազմակերպություններում շահառուներին սովորեցնելու են, թե ինչպես հիմնել սոցիալական ձեռնարկություն:

Vladimir Sahakyan Suren Mkhitaryan

Արդյունքում նախատեսվում է, որ Կլոր սեղան հիմնադրամի աջակցությամբ գործող սսոցիալական կենտրոններում կհիմնվի առնվազն 3 սոցիալական ձեռնարկություն: Ծրագրի մյուս նպատակն է համայնքներում զարգացնել ձեռնարկատիրական մտածելակերպը, ինչը կօգնի համայնքների բնակիչներին ստեղծել սեփական եկամուտ և ազատվել սոցիալական աջակցության ծրագրերից ունեցած կախվածությունից:

Հոկտեմբերի 17-ին Մայր Աթոռ Ս. Էջմիածնի Գևորգ Զ Չորեքչյան դահլիճում ԵՀԽ հայաստանյան Կլոր սեղան հիմնադրամի (ՀԿՍ) և ՄԱԿ-ի Բնակչության հիմնադրամի Հայաստանյան գրասենյակի նախաձեռնությամբ տեղի ունեցավ «Տղաների նախընտրությունն ու աղջիկների թերարժևորումը Հայաստանում և Եկեղեցին» համաժողովը: Միջոցառումն իրականացվել է Եվրամիության ֆինանսավորմամբ՝ «Տղաների նախընտրության և աղջիկների թերարժևորման կանխարգելմանը ուղղված գլոբալ ծրագրի» շրջանակում:

IMG 3599

Մասնակիցներին ողջունեցին Հայաստանի Աստվածաշնչային Ընկերության գլխավոր քարտուղար Տ. Եզնիկ արքեպիսկոպոս Պետրոսյանը, ՄԱԿ-ի Բնակչության հիմնադրամի Հայաստանյան գրասենյակի գործադիր ներկայացուցիչ Ծովինար Հարությունյանը և ԵՀԽ հայաստանյան Կլոր սեղան հիմնադրամի գործադիր տնօրեն Կարեն Նազարյանը:

IMG 3607

Եզնիկ սրբազանը նշեց, որ արդի աշխարհում նման խնդիրների բարձրաձայնումը կարևոր է, որպեսզի դեմոգրաֆիական լուրջ խնդիրների առաջ չկանգնենք: Նրա խոսքով՝ աղջիկ և տղա երեխաների միջև նախապատվությունը տարբեր վայրերում քննարկելիս ինքը միշտ հարցադրում է անում, թե տղաների՝ ավելի շատ ծնվելու դեպքում ո՞վ պետք է լույս աշխարհ բերի նոր սերունդներ:

IMG 3597

Կարեն Նազարյանի խոսքով՝ Կլոր սեղան հիմնադրամը մշտապես ընտանիքի բարեկեցության, ընտանիքում բռնության կանխարգելման և բարգավաչմանն ուղղված ծրագրեր իրականացնում է մարզերում: Իսկ այդ հարցում Կլոր սեղանի ծրագրերի հիմնական իրականացնողերը Հայ Առաքելական Եկեղեցու հոգևորականներն են: Նրանք են հաայնքներում իրականացնում քարոզչություն, հանդիպում ընտանիքների հետ և նրանց հետ տանում համապատասխան աշխատանքը:

IMG 3614

Ծովինար Հարությունյանը շեշտեց Կլոր սեղան հիմնադրամի հետ ընտանիքի բարեկեցությանն ուղղված բազմաթիվ ծրագրեր իրականացնելու փորձի մասին: Նրա խոսքով՝ բազմաթիվ մարտահրավերներով լեցուն աշխարհում հույժ կարևոր է այդ հարցը բարձրացնելը և հասարակության մեջ կարծրատիպերի հաղթահարումը:

IMG 3630

ՄԱԿ-ի Բնակչության հիմնադրամի Հայաստանյան գրասենյակի գենդերային ծրագրի վերլուծաբան Լուսինե Սարգսյանը ներկայացրեց զեկույց կանանս և տղամարդկանց հավասարության վերաբերյալ:

IMG 3633

ՄԱԿ-ի Բնակչության հիմնադրամի Հայաստանյան գրասենյակի ծրագրի համակարգող Նարինե Բեգլարյանը խոսեց «Տղաների նախընտրությունը և սեռով պայմանավորված խտրական ընտրությունը Հայաստանում. պատճառները և ներկա իրավիրճակը» թեմայով:

IMG 3640

Համաժողովի երկրորդ հատվածում Գևորգյան աստվածաբանական ճեմարանի դասախոս Մարիաննա Ապրեսյանը զեկուցեց «Մշակութային ընկալումների ազդեցությունը տղայի նախընտրության երևույթի վրա Հայաստանում» թեմայի մասին: Համաժողովի ավարտին խնդրո առարկան քննարկեցին մասնակից հոգևորականները և զեկուցողները:

IMG 3649

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436