Նորություններ

Սիրով ձեզ ենք ներկայացնում «Երիտասարդների պայծառ ապագա» ծրագրի շրջանակներում իրականացվող վճարովի պրակտիկայի մասնակից Կառլոս Կուլումյանին:

Ողջույն…
Ես Կառլոս Կուլումյանն եմ, ծնվել և մեծացել եմ Սիրիայի Հալեպ քաղաքում: 2014թ.-ին, երբ ավարտեցի 10-րդ դասարանը, ընտանիքով որոշեցինք տեղափոխվել Հայաստան՝ ելնելով պատերազմական իրավիճակից: Երբ եկանք Հայաստան, ես բավական հեշտ ինտեգրվեցի երևանյան կյանքին, քանի որ մեծացել եմ հայրենիքի կարոտով: Ավարտելով միջնակարգ կրթությունս Հայաստանում՝ կատարեցի իմ մանկության երազանքը և ընդունվեցի Ճարտարապետության և շինարարության Հայաստանի ազգային համալսարանի ճարտարապետության ֆակուլտետ:


Այն իմ երազանքն էր, քանի որ մանկուց միշտ սիրել եմ ստեղծագործել, հաճախել եմ նկարչական դասընթացների: Այստեղ շատ եմ սիրում շենքերի և եկեղեցիների ճարտարապետությունը, շենքերի վրա գտնվող արվեստի քանդակները պարզապես շնչում են, ինձ համար դրանք ճարտարապետական եզակի գլուխգործոցներ են: Հուսով եմ՝ ապագայում իմ ներդրումը կունենամ հայկական ճարտարապետության մեջ: Ուստի, այժմ, լինելով չորրորդ կուրսի ուսանող՝ արդեն անցնում եմ մասնագիտական պրակտիկա «Ուրբան Յունիթ» ճարտարապետական և շինարարական կազմակերպությունում՝ «ՀԱԼԵՊ» հայրենակցական բարեսիրական հասարակական կազմակերպության և ԵՀԽ Կլոր սեղան հիմնադրամի կողմից իրականացվող «Երիտասարդների պայծառ ապագա» ծրագրի շրջանակներում:


Պրակտիկայի ընթացքում արդեն մասնակցում եմ շենքերի և շինությունների նախագծմանը, չափագրումներին և այլ աշխատանքներին, ինչի շնորհիվ կիրառում եմ համալսարանական և արտահամալսարանական տարբեր դասընթացների միջոցով ստացած գիտելիքներս, ձեռք բերում նոր գիտելիքներ և հմտություններ: Այս ծրագրի շնորհիվ նաև ծանոթանում եմ մասնագիտությանս աշխատանքային ընթացքին, ընդհանուր միջավայրին և հուսով եմ՝ շուտով ինքնուրույն կկարողանամ պատրաստել ճարտարապետական ամբողջական մի նախագիծ:


«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ՝ կողք կողքի աշխատելով փորձառու մասնագետների հետ:
«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

Ձեզ ենք ներկայացնում «Երիտասարդների պայծառ ապագա» ծրագրի՝ ինթերնշիփի մեր հաջորդ մասնակից Մեղրիկ Ճանէցեանին:


Ես Մեղրիկ Ճանէցեանն եմ` Սիրիայի Հալեպ քաղաքից: Նախքան Հայաստան գալս, սովորել եմ Սիրիայում՝ Էլեկտրոնային ճարտարագիտություն մասնագիտացմամբ:


Պատերազմի պատճառով դադարեցրեցի ուսումս և ընտանիքիս հետ որոշեցինք տեղափոխվել Հայաստան, որտեղ վստահ էի, որ պիտի գտնեմ հանգիստ և շարունակեմ կիսատ թողած ուսումս: 2016թ. սեպտեմբերին ընդունվեցի Հայաստանի ազգային պոլիտեխնիկական համալսարանի «Տեղեկատվական տեխնոլոգիաներ» ֆակուլտետի 2-րդ կուրս: Ընտրեցի այս մասնագիտությունը՝ հաշվի առնելով ՏՏ ոլորտի արդիականությունը և աշխատանքային հնարավորությունները, որոնք օր օրի ավելանում են:

Ուսումնական տարիների ընթացքում յուրացրեցի C# ծրագրավորումը, տիրապետում եմ նաև HTML, JavaScript, WordPress ծրագրերին՝ մասնակցելով «Վորլդ Վիժն Հայաստան» կազմակերպության կողմից կազմակերպված դասընթացներին, որոնք բարելավեցին մասնագիտական գիտելիքներս:


2019թ. ավարտելով բակալավրը՝ որոշեցի զբաղվել մասնագիտական աշխատանքային գործունեությամբ և որպես սկսնակ ծրագրավորող ցանկություն ունեի սկսել պրակտիկայից՝ առավել հմուտ դառնալու համար: Առաջին քայլերս անելու համար դիմեցի «Երիտասարդների պայծառ ապագա» ծրագրի մասնագիտական պրակտիկային: Անցնելով հարցազրույց և մի քանի հանձնարարություններ կատարելուց հետո՝ պրակտիկայի անցա «Այ Թի Էյջ Դի» ՍՊԸ-ում՝ որպես Front End ծրագրավորող:

Պրակտիկայի ընթացքում կիրառում եմ մասնագիտական գրեթե բոլոր գիտելիքներս և մասնագիտական ծրագրերը, օրեցօր դառնում եմ առավել հմուտ և ինքնավստահ իմ աշխատանքում՝ ձեռք բերելով նաև թիմային աշխատանքի հմտություններ: Շնորհակալություն եմ հայտնում այս ծրագրին՝ երիտասարդներին նման հնարավորություն ընձեռելու և դեպի հաջողակ կարիերա ուղղորդելու համար:
«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ`կողք կողքի աշխատելով փորձառու մասնագետների հետ:


«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

«ՀԱԼԵՊ» հայրենակցական բարեսիրական հասարակական կազմակերպությունը՝ ԵՀԽ հայաստանյան Կլոր սեղան հիմնադրամի ֆինանսավորմամբ, հայտարարում է վճարովի ինթերնշիփային ծրագրի 2-րդ փուլը, որն իրականացվում է «Երիտասարդների պայծառ ապագա» ծրագրի շրջանակում:


Եթե դու ուսանող ես կամ հանդիսանում ես հայաստանյան բուհերից որևէ մեկի բակալավրի կամ մագիստրատուրայի շրջանավարտ (վերջին 12 ամսում), սակայն չես կարողանում գտնել աշխատանք՝ աշխատանքային փորձի պակասի պատճառով, ապա «Երիտասարդների պայծառ ապագա» ծրագիրը հնարավորություն է տալիս քեզ ձեռք բերելու փորձ՝ 3-ամսյա ինթերնշիփի միջոցով՝ հայկական առաջատար ընկերություններում և կազմակերպություններում: 20-25 տարեկան այն երիտասարդները, ովքեր չունեն կամ ունեն սահմանափակ աշխատանքային փորձ, կարող են դիմել իրենց կրթությանը համապատասխան պրակտիկայի:

Դիմումներն ընդունվում են միայն էլեկտրոնային տարբերակով:
Դիմելու համար՝

Անհրաժեշտ փաստաթղթեր/Հայերեն/ անգլերեն- https://bit.ly/39iyJSA
Դիմում-հայտագիր/Հայերեն/ անգլերեն– https://bit.ly/30CbZZZ

Դիմումների ընդունման վերջնաժամկետը՝ 23 օգոստոսի, 2020թ.

Էլեկտրոնային դիմումները պահանջվող փաստաթղթերի հետ միասին ուղարկել Արաքս Մարտիրոսյանին` Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլ. հասցեով՝ Subject բաժնում նշելով Internship Application (Անուն/Ազգանուն):

 

Հարցերի դեպքում կարող եք զանգահարել 098 545361 հեռախոսահամարին:


«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ`կողք կողքի աշխատելով փորձառու մասնագետների հետ:


«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին: Ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» հայրենակցական բարեսիրական հասարակական կազմակերպության հետ համագործակցությամբ:

«Հալեպ» հայրենակացական բարեսիրական կազմակերպությունը («Հալեպ» ՀԿ)՝ Եկեղեցիների համաշխարհային խորհրդի հայաստանյան միջեկեղեցական Կլոր սեղան բարեգործական հիմնադրամի (ՀԿՍ) ֆինանսավորմամբ իրականացվող «Երիտասարդների պայծառ ապագա» ծրագրի շրջանակում, կրթաթոշակներ տրամադրեց հայաստանյան բուհերում ուսանող 46 երիտասարդի:


2020 թ. փետրվարին հայտարարված՝ «Երիտասարդների պայծառ ապագա» ծրագրի կրթաթոշակի բաց մրցույթին ընդհանուր հաշվով դիմել էին 102 ուսանողներ, որոնցից 69-ը՝ ս.թ. գարնանային կիսամյակի ուսման վարձավճարի փոխահատուցման համար: Դիմորդների ընտրությունը կայացավ «ՀԱԼԵՊ» ՀԿ-ի Գործադիր տնօրեն Սարգիս Պալխեանի, ծրագրի համակարգող Արաքս Մարտիրոսյանի, ԵՀԽ Կլոր սեղան հիմնադրամի տնօրեն Կարեն Նազարյանի, ծրագրի ղեկավար Ռուբինա Դևրիկյանի և «Իմ քայլը» հիմնադրամի՝ Կրթական ծրագրերի համակարգող Արմեն Ներսեսյանի մասնակցությամբ:


Պայմանավորված COVID-19-ի համաճարակով, հանձնաժողը քննարկումն իրականացրեց առցանց տարբերակով: Մանրամասնորեն ուսումնասիրվեցին յուրաքանչյուր դիմորդի ներկայացրած փաստաթղթերը՝ հաշվի առնելով կրթաթոշակների տրամադրման՝ ծրագրով հաստատված չափանիշները, այն է՝ ակադեմիական բարձր առաջադիմությունը, հասարակական ակտիվությունն ու սոցիալական կարիքները: Հանձնաժողովի անդամների նկատառումների արդյունքում ընտրվեց 10 համալսարան ներկայացնող 46 ուսանող: Կրթաթոշակակիրները հանդիսանում են Հայաստանի, Սիրիայի, Իրաքի, Իրանի և Լիբանանի քաղաքացիներ:
Շնորհավորու՜մ ենք կրթաթոշակ ստացած ուսանողներին և մաղթում նորանոր հաջողություններ:


«Երիտասարդների պայծառ ապագա» ծրագիրը մեկնարկել է 2020 թ. փետրվարի 1-ին՝ ԵՀԽ հայաստանյան Կլոր սեղան բարեգործական հիմնադրամի աջակցությամբ: Ծրագրի նպատակն է սիրիահայ, իրաքահայ և այլ փախստականների, ինչպես նաև տեղացի երիտասարդների կարողությունների զարգացումը, ուսանողական կրթաթոշակների տրամադրումը և մասնագիտական պրակտիկայի միջոցով՝ աշխատանքային փորձի ապահովումը:

«Սիրիահայ երիտասարդների պայծառ ապագա» ծրագրի շրջանակում, որն իրականացվում է «ՀԱԼԵՊ» հայրենակցական բարեսիրական հասարակական կազմակերպության կողմից՝ ԵՀԽ հայաստանյան Կլոր սեղան հիմնադրամի ֆինանսավորմամբ, սիրիահայ և տեղացի երիտասարդներն այցելեցին Երևանի մանկատներից մեկը։

IMG 1884


Նախքան այցելությունը երիտասարդները պատրաստեցին մի քանի արևելյան կերակրատեսակ՝ մանկատան սաներին արևելյան խոհանոցի յուրահատուկ ուտեստներին ծանոթացնելու համար։ Մանկատանը երիտասարդները ծանոթացան տարբեր տարիքային խմբերի պատկանող երեխաների ու կենտրոնի անձնակազմի հետ և ջերմ մթնոլորտում միասին համտեսեցին պատրաստված կերակուրները։ Երեխաներին ուրախացրեց այն փաստը, որ կերակուրները պատրաստվել էին անձամբ երիտասարդների կողմից։ Միասին ճաշելուց հետո այցելության մասնակիցները, շրջելով կենտրոնի տարբեր սենյակներով, քաղցրավենիք բաժանեցին մանկատան մյուս սաներին։


Երեխաներն այցելության մասնակիցների հետ կիսեցին իրենց երազանքներն ու նպատակները։ «Եթե մենք երբևէ սիրվել ենք մեր ընտանիքի կամ սիրելիների կողմից, ապա մենք ևս պարտավոր ենք այդ նույն սերն ու կարեկցանքը փոխանցել մեկ ուրիշին: Իմ սիրտը ջերմացավ և շոյվեց այդ երեխաներով, որոնց մենք հանդիպեցինք: Նրանք վերահաստատեցին այն միտքը, որ կյանքում ամենակարևորն այն է, թե որքան սեր ենք մենք դնում ամեն գործի մեջ: Անկասկած, շատ ավելի հաճելի է մի բան տալը, քան ստանալը», - նշում է այցի կազմակերպիչ Սերլի Թեքայանը:

Կայացավ ԵՀԽ հայաստանյան միջեկեղեցական Կլոր սեղան հիմնադրամի աջակցությամբ «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից իրականացվող «Սիրիահայ երիտասարդների պայծառ ապագա» ծրագրի մեկտարյա արդյունքների ամփոփումը:


Հանդիպմանը ներկա էին գործընկեր կառույցների ներկայացուցիչներ`«Առաքելություն Հայաստան» ԲՀԿ-ից, «Վորլդ Վիժն Հայաստան» կազմակերպությունից, ՄԱԿ-ի Փախստականների հարցերով Գերագույն հանձնակատարի գրասենյակից, «Հայկական Կարիտաս» բարեսիրական կազմակերպությունից, «Հայկական բարեգործական ընդհանուր միությունից» (ՀԲԸՄ), «Հայ առաջադեմ երիտասարդություն» ՀԿ-ից, «Միջազգային համագործակցության խնայաբանկերի հիմնադրամ»-ից, դիվանագիտական ներկայացուցչությունների անդամներ, ծրագրի շահառու երիտասարդներ և այլ հյուրեր:


Ներկաների առջև ողջույնի խոսքով հանդես եկավ «ՀԱԼԵՊ» ՀԿ-ի հիմնադիր նախագահ Անի Բալխյանը: Նա շնորհակալություն հայտնեց Կլոր սեղան հիմնադրամին՝ երիտասարդական այս մեծ կարևորություն ունեցող ծրագրի աջակցության համար: Տկն. Բալխյանը շնորհավորեց ծրագրի շահառու այն երիտասարդներին, ովքեր «Սիրիահայ երիտասարդների պայծառ ապագա» ծրագրի շրջանակում մասնակցել են տարբեր դասընթացների և բարեհաջող ավարտել այն: Հիմնադիր նախագահը հորդորեց երիտասարդներին էլ ավելի նպատակասլաց լինել և հասնել նորանոր հաջողությունների:


Անի Բալխյանի ելույթից հետո ցուցադրվեց տեսաֆիլմ՝ «Սիրիահայ երիտասարդների պայծառ ապագա» ծրագրի շրջանակում՝ 2018 թ. մարտ ամսից մինչև 2019թ. մայիս ամիս իրականացված գործունեության մասին:


Տեսաֆիլմից հետո, «ՀԱԼԵՊ» ՀԿ-ի գործադիր տնօրեն Սարգիս Պալխեանն ամփոփ ներկայացրեց «Սիրիահայ երիտասարդների պայծառ ապագա» ծրագիրը, ձեռքբերումներն ու մեկ տարվա ընթացքում առաջադրված թիրախային նպատակների իրականացումը։


Հաջորդիվ կրկին ցուցադրվեց տեսաֆիլմ՝ նվիրված ապրիլի 11-14-ը Կլոր սեղան հիմնադրամի աջակցությամբ կայացած՝ ՄԱԿ-ի Կայուն զարգացման նպատակների սեմինարի մասին, որն իրականացվել էր վերոհիշյալ ծրագրի շրջանակում:


Այնուհետև, ծրագրի շրջանակում հաշվապահական, ճարտարապետական Autodesk Revit, TOEFL և Premier Pro դասընթացների, ինչպես նաև համալսարանական կրթավճար ստացած մի քանի մասնակիցներ ցանկություն հայտնեցին արտահայտել իրենց խոսքը և երախտագիտությունը ծրագրի կազմակերպիչներին՝ իրենց նման հնարավորություն ընձեռելու և ստացած տեսական ու գործնական գիտելիքների կապակցությամբ։


Վերոնշյալ դասընթանցերի հավաստագրերի հանձնման համար բեմ հրավիրվեցին «Սքիլլշոփ» և «Էդուքեյշնլ փլանետ» ուսումնական կենտրոնների և «Այ Սի Էլ Թի» լեզուների և վերապատրաստման միջազգային կենտրոնի ներկայացուցիչները։


«Սքիլլշոփ» ուսումնական կենտրոնի տնօրեն Արեգ Քեշիշիանը բարձր գնահատեց «ՀԱԼԵՊ» ՀԿ-ի և ԵՀԽ հայաստանյան միջեկեղեցական Կլոր սեղան հիմնադրամի համատեղ գործունեությունը՝ ծրագրի շրջանակներում սիրիահայ երիտասարդներին տրվող հնարավորությունների ու հեռանկարների համար, որին հետևեց ճարտարապետական Autodesk Revit դասընթացի մասնակիցների հավաստագրերի հանձնումը:


Ելույթով հանդես եկավ նաև «Էդուքեյշնլ փլանետ» ուսումնական կենտրոնի տնօրեն Ռուզաննա Ալեքսանյանը։ Վերջինս մատնանշեց «Սիրիահայ երիտասարդների պայծառ ապագա» ծրագրի կարևորությունը սիրիահայ երիտասարդների տեսական և գործնական գիտելիքների ձեռքբերման և Հայաստանում աշխատանք գտնելու գործում: Տիկին Ալեքսանյանն իր գոհունակությունը հայտնեց նոր ու հաճելի ծանոթությունների կապակցությամբ և խրախուսեց սիրիահայ երիտասարդներին գործնականում օգտագործել հաշվապահական դասընթացի արդյունքում ձեռք բերված գիտելիքները, որին հետևեց դասընթացի մասնակցիների հավաստագրերի հանձնումը:


Այնուհետև խոսքը տրվեց «Այ Սի Էլ Թի» կենտրոնի ներկայացուցիչ Ալլա Իվանյանին, ով մեծ հանդիսավորությամբ TOEFL-ի դասընթացի մասնակիցներին հանձնեց հավաստագրերը և իր շնորհակալությունը հայտնեց ծրագրի կազմակերպիչներին, մասնակիցներին էլ մաղթելով նորանոր ձեռքբերումներ ըստ իրենց կենտրոնի կարգախոսի՝ “Learn for life”- Սովորիր կյանքի համար:


Հավաստագրերի հանձնումից հետո ԵՀԽ հայաստանյան Կլոր սեղան հիմնադրամի տնօրեն Կարեն Նազարյանը մատնանշեց ծրագրի շրջանակում իրենց առջև դրված նպատակների լիարժեք իրականացումը, իր խորին շնորհակալությունը հայտնեց ծրագրի իրականացմանն աջակցող կառույցներին, ծրագրի մասնակիցներին և պատրաստակամություն հայտնեց շարունակել համագործակցությունը «ՀԱԼԵՊ» ՀԿ-ի հետ՝ կյանքի կոչելով նորանոր ծրագրեր՝ ուղղված Հայաստանում սիրիահայ երիտասարդների կարողությունների զարգացմանն ու կայացմանը:


«Սիրիահայ երիտասարդների պայծառ ապագա» ծրագրի նպատակն է Հայաստանում բնակություն հաստատած սիրիահայ երիտասարդների կարողությունների զարգացումը, կրթաթոշակների և ֆինանսական աջակցության տրամադրումը, ինչպես նաև հոգևոր-հոգեբանական աջակցությունը: 2018 թ. մարտ ամսից ի վեր, ավելի քան 250 սիրիահայ, իրաքահայ և տեղացի երիտասարդներ իրենց մասնակցությունն են ունեցել ծրագրի տարբեր դասընթանցերին և միջոցառումներին:

ԵՀԽ հայաստանյան Կլոր սեղան հիմնադրամի ֆինանսավորմամբ «ՀԱԼԵՊ» հայրենակցական բարեսիրական հասարակական կազմակերպության կողմից իրականացվող «Սիրիահայ երիտասարդների պայծառ ապագա» ծրագրի շրջանակում սիրիահայ և տեղացի երիտասարդների համար կազմակերպվել էր այցելություն Մարտիրոս Սարյանի տուն-թանգարան: Մասնակիցների համար մեծ առիթ էր վայելելու հայ մեծ նկարչի գործերը և գտնվել նրա արվեստանոցում:


Մարտիրոս Սարյանն ասել է. «Հողը մի կենդանի էակ է, նա ունի իր հոգին և առանց հարազատ հողի, հայրենիքի սերտ կապի, չես կարող գտնել ինքդ քեզ, քո հոգին»: Մենք այս խոսքերը վերապրեցինք նրա ամեն մի նկարի և ամեն մի գունային ջերմության մեջ,-նշում է այցի կազմակերպիչ Սերլի Թեքայանը:


Մասնակիցները մեծապես հիացած էին մշակութային այդ գլուխգործոցներով: Շատերի համար այցելությունը Սարյանի տուն-թանգարան առաջին անգամ էր:


Մասնակիցներից մեկը նշեց. «Շատ տպավորված եմ թանգարանի գեղեցկությամբ, պարզությամբ, ներդաշնակությամբ և մթնոլորտով: Հուսով եմ, որ այս հրաշալի վայրը խնամքով կպահպանվի դարերով, և մեր հաջորդ սերունդները հնարավորություն կունենան ծանոթանալու ոչ միայն այս լուսավոր ներկայացուցչի` Մ. Սարյանի կյանքի և գործունեության, այլ նաև մեր պատմության և մշակույթի հետ»:


«Սիրիահայ երիտասարդների պայծառ ապագա» ծրագրի՝ հոգևոր-հոգեբանական աջակցության միջոցառումների նպատակն է սիրիահայ երիտասարդների մշակութային և հոգևոր արժեքների հարստացումը, որոնց շարքում իր ուրույն դերն ունեցավ նաև Մ. Սարյանի տուն-թանգարան այցելությունը:

1Եկեղեցիների համաշխարհային խորհրդի հայաստանյան միջեկեղեցական Կլոր սեղան բարեգործական հիմնադրամը (ՀԿՍ) «Հալեպ» հայրենակացական բարեսիրական կազմակերպության («Հալեպ» ՀԿ) հետ համագործակցությամբ իրականացվող «Սիրիահայ երիտասարդների պայծառ ապագա» ծրագրի շրջանակում կրթաթոշակներ տրամադրեց Սիրիայի և Իրաքի հակամարտության հետևանքով Հայաստանում ապաստանած 34 ուսանողի:

9Կրթաթոշակակիրներն ընտրվել էին հստակ ժամկետներով հայտարարված բաց մրցույթի միջոցով՝ գնահատելով նրանց ակադեմիական բարձր առաջադիմությունը, հասարակական ակտիվությունն ու անհերքելի սոցիալական կարիքը:

Կրթաթոշակների հանձնման առիթով ՀԿՍ հիմնադրամի գրասենյակում էին հյուրընկալվել կրթաթոշակ ստացած ուսանողներն ու ծրագրում ակտիվորեն ներգրավված երիտասարդները: Նրանք նախևառաջ ճանաչողական շրջայց կատարեցին Մայր Աթոռ Սուրբ Էջմիածնում: «Ռուբեն Սևակի» անվան արվեստի թանգարանում նրանց ողջունեց տնօրեն Տեր Սևակ քահանա Սարիբեկյանը: Հոգրևորականը ներկայացրեց Ռուբեն Սևակին, Գրիգոր Զոհրաբին, Սիամանթոյին, Դանիել Վարուժանին և այլ մտավորականներին նվիրված պատկերասրահը, որտեղ ցուցադրված են ավելի քան 200 արվեստի գործեր, ինչպես նաև Ռուբեն Սևակին պատկանող իրերն ու նկարները: Երիտասարդները նաև այցելեցին Մայր Աթոռ Սուրբ Էջմիածնի Գանձարան, որն ամփոփում է ժամանակի ընթացքում հայկական աշխարհասփյուռ համայնքներից ստացված և հայ վարպետների ձիրքի և գեղեցկության բարձրարվեստ ընկալման մասին վկայող ցուցանմուշները:

K.NazaryanԵրիտասարդներին ողջունեցին ՀԿՍ գրասենյակի գործադիր տնօրեն՝ Կարեն Նազարյանը և «Հալեպ» ՀԿ-ի գործադիր տնօրեն Սարգիս Բալխյանը: Միջոցառմանը ներկա էին ՀՀ սփյուռքի նախարարության Մերձավոր և Միջին Արևելքի հայ համայնքների վարչության պետ պարոն Լևոն Անտոնյանը, ՄԱԿ-ի փախստականների հարցերով գերագույն հանձնակատարի գրասենյակի արտաքին կապերի պատասխանատու Անահիտ Հայրապետյանը և ՀԲԸՄ երևանյան գրասենյակի Ֆինանսական պատասխանատու Լենա Բաղդասարյանը:

2018 թ. աշնանը հայտարարված մրցույթին ընդհանուր հաշվով ստացվել է 57 դիմում, որոնք դիտարկել է անկախ ընտրող հանձնաժողովը, որը կազմում էին ՀԿՍ հիմնադրամի, «Հալեպ» ՀԿ-ի և սիրիահայ ուսանողների ներկայացուցիչներ: Յուրաքանչյուր հայտ դիտարկվել է մանրամասնորեն` հաշվի առնելով դիմորդի առաջադիմությունը, համայնքային մասնակցությունը և սոցիալ-տնտեսական կարիքը: Արդյունքում ընտրվել է 14 ուսումնական հաստատություններ ներկայացնող 34 կրթաթոշակառու:

 

Եկեղեցիների համաշխարհային խորհրդի հայաստանյան Կլոր սեղան հիմնադրամը, «Հալեպ» ԲՀԿ և Արտ հաուս ուսումնական կենտրոնի հետ սերտ համագործակցությամբ, ազդարարեց նոր ծրագրի մեկնարկը: Կլոր սեղանը Հայաստանում շարունակում է կազմակերպել վարսահարդարների, ոճաբանների, մատնահարդարների, սեղանի ձևավորման, ինչպես նաև` հագուստի մոդելավորման և կարի մասնագիտական դասընթացներ սիրիահայ փախստականների համար: Կլոր սեղանի, «Հալեպ» ՀԿ-ի և Արտ հաուս ուսումնական կենտրոնի ներկայացուցիչները ողջունեցին 35 սիրիահայերի՝ հայտարարելով ծրագրի մեկնարկը:

Մասնագետները նրանց ներկայացրեցին ծրագրի նպատակը՝ կարևորելով արհեստներ սովորելու անհրաժեշտությունը, քանի որ աշխատանքի հնարավորությունը մեծ խնդիր է Հայաստանում, հատկապես կանանց և երիտասարդների համար: Առաջարկվող ծրագիրը կնպաստի առավել անօգնական և տուժած փախստական ընտանիքների խոցելիության նվազեցմանը, ինչպես նաև` հզորացմանը:

Աշխատուժի զարգացման այս նախաձեռնությունը կնպաստի բարելավելու սիրիահայերի կենսապայմանները և կխթանի նրանց ինտեգրումը Հայաստանում՝ լավացնելով ընտանիքների սոցիալ-տնտեսական պայմանները` արժանապատվորեն ապրելու Հայաստանում: Դասընթացները կանցկացվեն հատկապես կանանց և երիտասարդների, որոնք չեն աշխատել Սիրիայում:

Ծրագրի կարևորագույն խնդիրներից է սոցիալ-հոգեբանական աջակցությունը: Այն կիրականացնի Հայ առաքելական եկեղեցու հոգևորականը՝ Սբ. Զորավոր Աստվածածին եկեղեցում՝ առավել տուժած փախստականների համար:

Սոցիալ-հոգեբանական աջակցությունը կնպաստի շահառուների բարոյահոգեբանական խնդիրների լուծմանը և հզորացմանը: Սոցիալ-հոգեբանական խմբային հանդիպումներն անցկացվում են շաբաթական գրաֆիկով:

 

 

 

 

Another phase of Syrian integration and psycho-social support project launched in August 2016 by WCC Armenia Round Table Foundation and funded by Action of Churches Together (ACT) Alliance and in close cooperation with ACT Armenia Forum members ECLOF and UMCOR Foundations. Currently 57 Syrian women and young people from Syria - eleven groups participate in vocational trainings and language courses in Russian and English, hairdressing, cakes and table layout, cosmetology and manicure, as well as fashion design. On November 20,ART in support of the "Aleppo" NGO carried out the orientation meeting of Syrian refugees and experienced professionals of the Art House training centre.


The program aims to promote the integration of displaced and conflict-affected youth and women from Syria, providing vocational guidance, training and practical. The experienced psychologist conducts meetings with adults and children in the "Aleppo" centre every Saturday from 1-2 and 2-3, for solving integration and psychological problems of beneficiaries in the new society.

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436